باجيــــــــــــــــرو

أخي الحبيب إمبراطوري ..أنا ما أخذتني الحمية ولا شي لكن صدقني أنا ضد كل وكالة تسرق زباينها ، وما فيه وكالة تسرق زباينها مثل تويوتا عندنا ، إنت تقول شمعات البرادو بـ 450 ريال وهي شمعات عادية وشف حجمها وجودتها عند حجم وجودة شمعات الباجيرة العادية واللي يوصل سعرها بحدود 600 ريال (الشمعات الزينون سعرها يوصل إلى حوالي 3900 كاملة ..شوف شمعات اللانكروزر vxr كم توصل كاملة وهي عالي بس مو عالي وواطي) ..وانت قلت بنفسك ان الباجيرو جودة واعتمادية ..يعني تركب الفرامل وتمشي عليها أكثر من 50 ألف كيلو وما تسمع فيها صوت حتى تنمسح تماماً .

وقطع غيار تويوتا اللي انت تحسب انها اصلية شوف وين مصنعة وشوف جودتها وقارنها بالمتسوبيشي ، معروف عن عبداللطيف جميل ترقيعه للقطع وللسيارات بطريقة رخيصة حتى يرفع مكاسبه على حساب جودة المنتجات حقته ، وانا اقول لك هالكلام لأني كنت بتهور واشتري لاندكروزر لكن يوم شفتها في البر والناس يطعسون فيها وما بقي منها قطعة الا تفككت صرفت النظر عنها ( خصوصا اني واحد من الناس اللي يحبون التطعيس مرة وجربة كثير من السيارات لكن مثل الباجيرو ما لقيت ، يعطيك القوة اللي تبيها والتحكم اللي تبيه في البر واتحدى غيره يسوي مثله ونا كل اسبوع في الثمامة ولو رحت هناك تبي تعرفني على طول ..) وأكبر دليل على كلامي طراز J حقهم المتخلف والا الطرازات الخاصة فيهم واللي ينزلونها كل فترة على انها شي خاص وهي كلها منتجات ورشهم في جدة وهذي امور كلها مثبتة .

قطع غيار الباجيرو أغلى صح لكن نسبة غلاها يوازي نسبة جودتها وعملانيتها واعتماديتها اللي تفوق التويوتا . وأنا يهمني طبعا اللي ادفعه في السيارة لكن اللي يهمني اكثر اني ادفع الشي حتى لو كان غالي لكن ثمنه فيه ولا اني ادفع في شي حتى لو كان رخيص لكني اعرف انه ما يسوى .

وهذي وجهة نظري والاختلاف في وجهات النظر ما يفسد للود قضية اخي الحبيب.