بورش vs الحصان الايطالي...

قرافتي @user_14805 · 01-10-2004

طبعا اعذروني مسبقا من ذكر جميع التفاصيل .. لكن راح اقارن على ضوء انتقادات بلو شيفي للفيراري الاف 430 ومقارنته للكاريرا بها!

حبيبي انت قلت التيربو دفع رباعي .. وان فيراري ليه ما يسوون دفع رباعي ... لان الفيراري يهتمون لعامل الفن والمتعه في القياده بالله عليك وين الفن لا دعست على التيربو؟ على فكره انا سقته التيربو بصراحه سيارة حلبات ماهي سيارة جراند تورنق .. ولا فيها فن والمتعه الا في حاجه وحده ان التماسك خرافي وطريق الملك فهد ينادي ولعى فكره تماسك الفيراري مهوب بأقل من البورش.. غير كذا وش فايدة الدفع الرباعي؟

انت قلت ان التيربو 6 سلندر والفيراري 8 وتقريبا نفس التسارع .. ترى 6 سلندر بتيربو مو مثل 8 سلندر رو بور .. الفيراري مكاينها ما عليها شي مجرد مكينه ... الحاجه الاهم انت تعرف ان مكينة الفيراري في الوسط والبورش في الخلف؟ ترى هذا مره مهم .. لو تحط مكينة فيراري في الخلف والله ما تمسكها ولو حاولت تنزل عليها دفع رباعي عشان التماسك راح ينكسر عليك عمود الدف الرباعي ... زائد انه مستحيل تحط مكينة بهذا الحجم خلف الرير اكسل ..

سعر الفيراري مرتفع ليه؟ ... لان الانتاج محدود لكن البورش غير محدود .... هنا عندنا بالخليج مو كثير لكن بألمانيا واوربا عموما صاير كامري لكن الفيراري عندهم بالويتنق لست .. وينزل خط انتاج جديد وهم ما خلصوا اللسته حق اللي قبلها مثل اللي صاير بالمودينا الاف 360 واختها الجديده الاف 430 ! عامل التميز يلعب دور ..

المهم على اقل تقدير لي انا الصوت (حط تحتها الف خط) وتفاعل المكينة مع القير على مختلف السرعات هذا يكفي ..... انت تقارن بورش بفيراري في هالنقطه؟ ياشيخ حرام عليك .. لمبرقيني اللتي تعتبر اقرب منافس للفيراري فشلوا فشل ذريع مع اإاي قير حقهم تبغى البورش تتفوق على فيراري في هالنقطه؟

اول كانت بورش تتفوق بحاجتين ....وحده هي ان سياراتها حقت استخدام يومي لكن خلاص انسحب البساط من تحتها ... والحاجه الثانيه بورش تفوقت في الفرمله وانا اشهد لها بالشي ولازالت متمكنه منه ... لكن اداء ومرونه ومتعه فيراري وفيراري وفيراري الى السن الجايه ..

حتى الجي تي 2 حق بورش سقيم مكينة نفاثة على طيارة بمراوح ... طيب كبروا حجمها سووا وايد بدي ... ماعندك احد ..

السياره الوحيده من الكاريرا تنافس الفيراري هي الجي تي ستريت وهي عبارة عن جي تي 2 معدلتها تيك أرت .. اما الباقي فطيس مقارنة بفيراري ..

اجل التيربو عدمته كورفت معدلتها لنقفاير ... ههههههههه امحق ... عاد كورفت؟ والله مصخره ...

شف مع تعديل تك ارت لو تجيب مودينا معدلة من هامن كسرت راسها يعني والله حرام عليك ... انا لو عندي فيراري جيت فحطت فوق سيارتك ومشيت .. :)

اخوي انا ما اقول بورش ولا حاجه لا انا لي فتره ادور واحده (كاريرا فور اس كابروليوت) ... عاجبتني هالسيارة لكن لما تتقارن بالفيراري تصير ولا شي ..

وانت قلت مين يجيب 250 ...ههههههههه اجل شاري ام 5 ليه عشان اوفر بانزين؟ وامشي 120 بالسادس؟ الا قل من يمشي اقل من 250 ...:) وعامل السرعه يلعب دور كبير ... ولا تنسى التسارع بمختلف النمر ... يعني اداء مكينة فيراري من الثالث الى الرابع افضل من البورش ومن الرابع للخامس برضو افضل ومن الخامس للسادس برضو افضل وعلى السادس وانت ماشي على سرعة واطيه وتبغى تزيد سرعتك بدون ما تنزل القير الفيراري تعطي البورش اربعين لمبه ...<---- شغل شباب الدمام ههههههههههههههه

تحياتي لك ولجميع القراء!

فيراري بالصميم!

قرافتي @user_14805 صاحب الموضوع · 04-10-2004

بلو شيفي انا قلت لك بورش افضل من الفيراري سعريا وتحمل لكن كمتعة وتميز واداء اكيد الفيراري ... لكن مجملا ومقارنة بمتوسط السيارت الرياضيه عندنا بالخليج البورش اكثر من مناسبه واكثر من رائعه :)

تحياتي لكم!

قرافتي @user_14805 صاحب الموضوع · 04-10-2004

حبيبي نيسان ... هههههههه معليش والله توني منتبه لردك عذرا اخي الكريم ...

كلامك اتفق معه مجملا لا تفصيلا ... فرامل البورش مقارنة بقوة مكينتها وحجمها افضل بكثير وتجاوب الفرمله المتتابعه افضل برضو ... :) فتبريد الدسكات سريع وكفاءة الفرمله فوق العادة ...

وشكرا لمرورك ...

Nissan_Z350 @user_5268 · 04-10-2004

ملاحظ انه ماحد عقب على ردي ابدااااااا ... اسفييين اذا دخلنا عرض ... :)
سلالالالالام

blue chevy @user_10595 · 04-10-2004

مشكور على ردك.
بس أقول البورش أحسن من ناحية التكلفة وكل شئ , يمكن الفيراري شوية أحسن.
بس البورش الأحسن من ناحية السعر, والبورش مو متخلفة بكثير عن الفيراري.

قرافتي @user_14805 صاحب الموضوع · 04-10-2004

ياخي راجع ردي قلت تجي طلب لكن الستوك بوكت سيتز ... ومافيها تجهيزات عشان تنقيص الوزن ... ترى البورش من اكثر الشركات اللى تنتج على الطلب وممكن الزبون يتفنن في سيارته على كيفه ... :)

ايه بالنص مكينة الفيراري المشكله الشرح يبي له رسومات وانا قاعد ادور لك ... البورش العمود اللي رابط المكينة على الكفر على طول لكن الفيراري لا يجي بالطول بعدين يتحول على الكفرات <----- هذا يهدر من قوة الدفع ...

نرجع للأستخدام اليومي ... طبعا استخدام يومي برا ديرتنا ولا تقول دام فيها تبريد لا مو شرط ان حرارتها ترتفع على طول لكن عمر المكينة يقصر مع جونا بعكس البورش مكينتها صغيره وتبريدها ممتاز الرديتر بحر ... هذا فرق كبير ...

ترى مو لما قلت جونا معناته ما تقدر تمشي بالمودينا لا تقدر بس الصيانه ترتفع والعمر الافتراضي يقل بشكل اكبر من البورش ... فهمت الحين؟

فكرة بسيطه عن المكينة خلف المحور الاوبل الرودستر لها مكينة نفس مكينة الاوميجا ال4 سلندر 2.2 لتر الاوميجا دفع خلفي لكن المكينة قدام وفيه عمود بين القير والدفرنس يعطيها تسارع 13 ثانية لكن الرودستر خلف المحور الخلفي وعلى الكفر نفس نظام البورش يعطيها تسارع اقل من 6 ثواني وهي 2.2 طبعا مع الاهتمام بعامل الوزن ... فهمت الحين؟

اجل وش مصبر بورش على مكائن ال6 سلندر؟ لان يمكن حشرها بالمؤخره عشان كذا معقده .. وابسط مثال ال 928 القديمة كانت ممكينة اماميه ما حطوها 6 لا كانت 8 سلندر ...

اعتقد وصلتك المعلومه!

blue chevy @user_10595 · 04-10-2004

شوف مكينة الفيراري ورا.
شلون تقول ما تتقارن مع البورش لأن مكينتها ورا. (أكيد بتقولي هي بالنص ههههههههههههه)
وما شاء الله مكينة كبيرة مع فلترين هواء كبار. |100|
شلون ما تبيها تكون سريعة.
البورس جي تي 3 مكينة صغيرة أبو 3.6 لتر وما شاء الله تسارع من صفر إلى 100 كم بزمن قدره 4.5
وهذا من غير تيربو.
لا تقولي رياضية ما أدري ايش انا شفت فيديو فيه الجي تي 3 بكامل اكسسواراتها وانا شفت اليوم لون عنابي وكراسيها من الجلد وهي من الوكالة.
وفيها كل وسائل الرفاهية .

دام يا قرافتي المودينا مو مال الجو الحار.
عيل ليش تقول للإستخدام اليومي.

لا تقول جونا ما أدري ايش هذا كلام أيام قبل , دام السيارة فيها تبريد خلاص مو لازم تخترب علشان الحر , وليش البورش ما تخترب في الحر.

انا مشغول الحين ولي عودة

قرافتي @user_14805 صاحب الموضوع · 04-10-2004

بالنسبة للدسكات لا انتبه عندنا هنا فيه ناس انكسرت عليهم ... ترى الجو مو مثل اوربا ..

ما تتقارن مو تقليل بشأن البورش ..لان وضعية المحركات تختلف .. والتعليق يختلف وحجم المكينه يختلف وابعاد السيارة تختلف كثير ولكل وحده فئه .. يعني تبيها مقارنة عادله نزل تيربو على مكينة الفيراري وركبها خلف المحور الخلفي وخل الحجم متناسب مع حجم التيربو من هنا تكون المقارنة عادله :)

لكن البورش افضل من كثير في فئتها .. مثلا الكليو الرياضيه (الرينو) البورش افضل منها بدون شك .. والبورش الصراحه منافسيها قليل لكن المجلات والبرامج التلفزيونيه تقارنها بسيارات ثانيه تختلف عنها لان مافيه منافس حقيقي لها ... عرفت ليه؟

في شركات كثيره جالسه الحين تطور سيارات بمكائن خلفيه لانهم عرفوا ان بأقل قوة تحصل على اقصى تسارع لكن جميعهم مشاكلهم في توزيع الاوزان مما يساعد على ثبات السيارة من ضمنهم الاوبل اكستريم .. والبيجو الكوبيه الجديده كلها كونسبت لان فيها مشاكل ثبات وكل ما حلوها لقوا زيادة وزن وتناقص التسارع بشكل كبير فيرجعون يفكرون من جديد :) هههههههه مثل الفايرون طبعا ما تقارن بأي من هذولي بس فيها هالمشكله .. وكل مالهم وهم يقللون في قوة المكينه ويزيدون في الوزن نزلوها من 1000 حصان الى 900 الحين وشغالين تأجيل في انتاجها بسبة هالنقطه ... وهي تعتبر اهم نقطه في السياره الرياضيه ..

ليش الفورد رغم مكائنه الجباره غير مرغوب؟ لان توزيع الوزن فيه زباله وانت بالكرامه ولا فيه تقنيه لايتننق مع قرب كويس .. يعني مكينة على الفاضي :)

افضل سيارة في هالمجال المكلارين .. فتصميمها ينزل قوة ضغط رهيبه على المقدمه تزيد من ثبات السيارة زائد مكينة بي ام دبليو الخرافيه يساوي سيارة المليون جنية استرليني ..

عرفت ليه ما تتقارن الفيراري بالبورش؟ فكل واحده متفوقه في فئتها ... وهما الافضل .. لكن انا اقولك ما اشتري فيراري لعدة عوامل من اهمها الجو ونوعية الطرق والاوادم اللي يسوقون عندنا ... يعني معظمها عوامل غير متعلقة بالسيارة :) لكن تحتم عليك التفيكر بعقل قبل الاقدام على شي قد تندم عليه ... واقرب مثال هنا بالشرقيه فيه مودينا راحت مكينتها خرخر تعرف ليش؟ عشان راعيها ماشي على الخط الساحلي وكان فيه احجار مو كبيره مره بس مر فوقها وشرطت له المكينه على التصفيح اللي تحت كله .. بالعربي انتهت السياره ... ومعروفه عند شباب الخبر هالسالفه ...

وكمان واحد من الربع خاله شاري ديابلو جالسه بحلقه .. مو خرابات لا ديرتنا ماهي ديرة هالسيارات صدمه هندي مع الجنب انهى السيارة وكان عذر الهندي انه ماشاف السياره كان معه شفر حوض ههههههههه :) لكن لو انحديت اشتري مودينا بدا عن كل السيارات والسبب اثبتت انها سيارة استخدام يومي من دون مشاكل كبيره ..

وسلامتك!

blue chevy @user_10595 · 04-10-2004

هلا قرافتي صح كلامك.
بس انا ما أعرف بالفيراري ومالي خبره فيها بس أعرف مودينا وسبايدر ههههههههه

وبالنسبة للجي تي 3 ترى المقاعد الرياضية تعتبر اكسسوارات على فكرة وشكلها ما تغير لموديل 2005.
قالي واحد من الشباب لا تدعم فيها ولا تهمل الصيانة وخلاص السيارة مضبوطة عندك.
أما بالنسبة للفيراري.

قولي ليش ما تشتري فيراري وشنو الفيراري تتميز عن البورش؟

تخيل الفيراري موديل 2000 ب25 الف دينار أوففففففففففففففففففففففف.
وموديل 2004 ب53 الف دينار.
وهذي المودينا.

أما البورش جي تي 3 موديل 2001 وماشيه 70 الف تقريبا تلقاها 14 الف تقريبا ونظيفة ومسويلها صيانة دورية (موجود أوقات الصيانة بكمبيوتر الوكاله) والحمدلله تبيض الوجه وثابتة وشكلها حلو.

فياريت تقولي ليش البورش ما تتقارن <<<<<< ركز على الكلمة الأخيرة فانك تنزل من مستوى البورش.

لما نقارن مكسيما بفيراري فمعاك حق تقول هالكلام.
فياريت تنورنا بمعلوماتك يالطيب

وبالنسبة لدسكات السيراميك فلا تخاف الورش دارسه الوضع ومختبره السيارة.
وضغطه خفيفة بالبريك إلا وهي ماسكه (مجرب)

Nissan_Z350 @user_5268 · 04-10-2004

السلام عليكم ...
بصراحة أنا شدني الموضوع وحبيت وأنا أوافقك الرأي أخوي ( قرافتي ) وأزيد فوقك كلامك .
على سالفة الدفع الرباعي .. هذه مو العامل الأساسي في الثبات وصحيح كلامك أخوي ولا ماكانت من أثبت السيارات في العالم .. (( المكلارين والفيراريF50 و البجاني زوندا )) كل هذه السيارات دفع خلفي وأثبت من البورشات كلها .
........
وعلى النقطة الثانية انه التسارع متقارب رغم انه البورش 6سلندر والفيراري 8 سلندر
في شي مهم أول شي التيربو مثل ماقال الأخ قرافتي ... وثاني شي الفرق في الأحصنة
420 البورش .. و395 الفيراري
ووضع الماكينه له دخل كبير في التورج (( العزم )) والتسارع .
.........
أما عامل السعر وهو فارق بسيط بينهم والي رح عنده فلوس البورش مارح تعوق عليه يزود شوي ويشتري فيراري ..
........
وعلى الصوت الكل يعرف صوت الفيراري (( فورملا 1 )) أجمل الأصوات الفيراري والسبب الرئيسي انه الصوت منخفض في البورش مقارنة مع الفيراري لأنه في نظام في ألمانيا أي سيارة تنتج عندهم معايير في إنتاج السيارات من ظمنها الصوت في مستوى معين ممنوع يزيد الصوت عن هالحد عشان كذا دايم تلاحظ السيارات اللمانية بشكل عام صوتها مو على قوة السيارة .
.......
أما ناحية تفوق البورش في نقطتين انا مختلف معك تماما .. البورش في العملية مازلت مانسحب البساط من تحتها ولا كن الفيراري بعد صارت عملية خصوصا المودينا .. وأما من ناحية الفرامل (( الفيراري أقوى فرامل من البورش ))
والبورش توقف من الــ100 كيلو إلى الصفر في 116 قدم (( للبورش 911 والجي تي 2 ))
والفيراري مودينا توقف من 100 كيلو إلى الصفر في 110 قدم !!!!
والدليل برنامج توب قير .. وأي مجلة أمريكية من الي يجربون السيارات شوف هالمعلومة الي صدمتني بصراحة !!
........

أما النقاط الباقية ماحبيت أتكلم عنها الي بخصوص الكورفيت ...

.......
وبخصوص السرعة .. السرعة في هالسيارات أبدا ماتحس فيها
اذا الزد الي هي الزد ولا تقارن مع البورش والفيراري مشيت فيها 280 ولا حسيت والله فما بالك فيراري ولا بورش !!!

........
ومن ناحية السرعة السيارتين التوب سبيد لها 300 كم وماعليك من العداد حق الفيراري .. هذا عداد جمالي أما السرعة الفعلية والي قايسينها بالكمبيوتر 300 كم لسيارتين

وفي الأخير السيارتين وحووووووش والأسبور

تحياتي لكم |499|

قرافتي @user_14805 صاحب الموضوع · 04-10-2004

هلا والله حبيبي ... معليش انشغلت بالسيارات الامريكيه ...

اول شي يا بلو شيفي ترى انا احب المزح واعرف ان هالدنيا زايله والزعل يقصر العمر وما احب الرسميات فلا تعتبر مزحي استهزاء .. لان فيه كذا واحد زعل من عشان هالنقطه بهالموقع ...

شوف برنامج التوب قير اللي قلته صحيح انا شفته وكان يسوقها ستنج .. طبعا البورش الي كانت معه هي سيارة حلبات بس ستريت ليقل وسجلت افضل تايمنق في الحلبه ...

انا ما اقول لك انها مو سيارة شي لكن ما تتقارن بالفيراري لكن اذا انت خاطرك بتحليل مفصل عن البورش انا اعطيك اياه ..

شوف البورش افضل سيارة كوبيه رياضيه ممكن تحصل عليها في الخليج كأستعمال خصوصا لما غيروا فلسفة التبريد بالزيت الى التبريد المعروف .. هنا اكتسبت بورش سوق مهم وهو سوق الخليج ...

افضل نوع كويس يعني يعطيك كل ما تتطلبه في الخليج هو الكريرا 4 اس لعدة اسباب قوتها معقولة تسارعها برضو معقول السيارة فخمه مراتبها مريحه مقارنة بمراتب التيربو والجي تي 3 ... والتجهيزات فيها الصراحه خرافيه ..

المكينه .. مكائن بورش صحيح معقدة لكن لازم تعرف وتفتخر عند كل من يقول لك مكينة معقدة انها بتوقيع بورش .. ويكفي تقنية السلندرات المنبطحه ...

الدفع .. دفع ال4 اس خلفي وبعض الانواع رباعي قابل للفصل يعني راح تستانس فيها لا بغيت تسوي فيها درفتنق .. وتماسكها ما اقول فيه شي غير تراها بورش ..

القير ... حلو وشايل الوزن الاضافي حق السيارة ومريح في القيادة العادية والصراحه انه ممتع في القيادة الرياضيه ..

التعليق .... ممتاز والتماسك خرافي لكن شوي قاسية على المطبات يعني ما تنفع تلبس شماغ ولا غتره الا وتطيح بحفره ولا تاكل مطب هههههههه ... تنعفس الشخصية ... لكن لازم القساوة تظل رياضيه ...

التجهيزات الداخليه .. كل ما تتنماه جلد الوان فاتحه فخامه تلفون نفقيشن مسجل هاي فاي برو مع مشغل اقراص .. يعني بالعربي رياضيه فخمه ... معظم هالتجهيزات تفتقر لها التيربو والجي تي 3 الا بالطلب ...

الصيانه ... والله عندنا بالسعوديه مره مكلفه لكن ما اعرف كيف هي بالكويت ... بس مجملا ال4 اس اذا استخدامك كويس ما تحتاج حاجه واهم شي اذا كانت مزوده بهوبات سرميك انتبه لهالنقطه لا تدبل عليها الفرامل كثير وتستخدمها لاقصى طاقة لها الا في الضروره لان ممكن تنكسر وتكلفتها عندنا بالسعودية عالية توصل الى 40 الف ريال ... بس ترى هالفرامل تقدر تمشي عليها 300 الف كيلو من دون صيانة ...

البورش وربي روعه وانا قلت هالكلام من زمان وانا ادور 4 اس لكن ما لقيت لحد الان لكن لا تقارن بفيراري.. هي افضل رياضيه كوبيه والسيدان الام 5 للخليج هذا اللي اشوفه انا ما اعمم بس هذا اللي اشوفه لا ينقز علي احد الحين يقول انت متعصب :) ..

التيربو والجي تي 3 الصراحه ما تحتاج لقوتهم لان انت تتخلى عن الفخامه من اجل القوة والتسارع وانت ما تحتاجهم .. والكريرا 2 مصخره لان ماهي وايد بدي وتعتبر كورلات بورش :) وموجهه لاصحاب الدخل المحدود اللي ميتين يبون بورش ..

انا انصحك بالفور اس وترى تفرق عن الكريرا فور كثير اهمها الوايد بدي ... وان كنت راعي مزاج لا تفوتك الكابريلوت وان لقيت وحده 4 اس كابرليوت نظيفه عندكم بالكويت الله يخليك عطني خبر عنها ...

تحياتي لك ..

blue chevy @user_10595 · 03-10-2004

للرفع |100|

blue chevy @user_10595 · 03-10-2004

وتوني شفت برنامج توب قير عن البورش gt3 وفعلا تسارعها من صفر إلى 100 كلم ب 4.5 ثانية.
فهذا من غير تيربو.
وتعرف البرنامج بريطاني لازم شوية انتقادات.
فهو انتقد شكل المحرك انه معقد .
فقال شوفوا الغسلة هذي ما ندري شنو مكوناتها ..........الخ.
بس إلي عجبني لما قال ان المحرك بالكامل من التيتانيوم.
ولا تشوف ثباتها على الطريق الزلق.

شوف أنا راح أحلف لك حتى تصدقني.
والله العظيم ان لما اختبروا البورش آخر شئ علشان التسارع طلعت الثالثة في قائمتهم.
الأول سيارة اسمها نوبل 3.0 .
الثانية تي في آر البريطانية
الثانية وهي البورشه .
الأولى كان زمنها 1.25 أما الثانية 1.27 أما البورشه فطلعت 1.27.2
يعني فرق أعشار.
وهذا وجهي اذا مو هي الثانية بس لازم يقومون منتجهم.
حاولوا انهم يطلعون انتقادات فما قدروا.
إلا من ناحية شكل المكينة.
وعلى فكرة اللامبرقيني مورسيلاجو طلعت الخمسة !!!!!!!

فيا شباب احنا هني نتحاور ولسنا نتناحر.
أفيدونا من خبراتكم وتجاربكم.
وجزاكم الله خير.
وهذي صورة الوحش

وصح لما قالوا فخر الصناعة الألمانية |583|

blue chevy @user_10595 · 03-10-2004

من شفت ردك
الصراحة ردك عجبني حييييييييييييل بس من شفت هالكلام

انا لو عندي فيراري جيت فحطت فوق سيارتك ومشيت ..

قلت اكيد جاهل وما ينفع الكلام معاه.

انت شوف حجم البورش وشوف حجم الفيراري.
على العموم ما علينا.
أنا ما أنتقد الفيراري أبدا أبدا .
بس حبيت آخذ منك معلومات بس انت بديت تتهجم علي.
انا مالي خبرة بالفيراري بس لي خبرة بالمواصفات.

والبورش بس يبيلها 450 أو 500 دينار سيرفس كامل وبالوكالة.
وخلاص انساها.
ليش الفيراري مو منتشره عندنا كثير (انت ذكرت السبب) والسبب الثاني هو غلاء قطع الغيار مقارنة بالبورش.
فليش أشتري فيراري وانا عندي البورش أرخص منها وتقريبا مثل المواصفات.
وماشاء الله البريك والثبات ما عليه.
فتلقى بورش gt3 تسارعه من صفر إلى 100 كلم في الساعة تقريبا 4.5 ثواني ومن غير تيربو.
ورفيجي لقاله بسعر 14 الف دينار كويتي وموديل 2001 وماشيه 70 الف وحالتها فوق الممتازة.
ومن الوكالة بعد وراح يشتريها.
فالبورش مواصفات قوية وسعر رخيص بالنسبة لمثيلاتها.
فلازم الواحد يفكر قبل لا ياخذ.

صدقني ودي أستفيد منك لأني بتخرج بعد 3 شهور تقريبا وانا بخاطري البورش.
فلازم نتبادل المعلومات.
وانت كلامك فيه بعض الاستهزاء.
فهذي بوسه على راسك |470| .
وياريت انك تفيدنا حتى نفيدك

قرافتي @user_14805 صاحب الموضوع · 02-10-2004

ليش تحذف ردك ... لا عادي اختلاف االاراء لا يفسد للود قضيه ..

اخوي انا رديت على ضوء مقارنة بلو شيفي .. ولا على فكره انا من الناس اللي يسعى لقتناء البورش اكثر من السعي لقتناء فيراري ..

لكن برضو لازم نكون حياديين ولما يهضم حق شركة كائن من كانت يجب ان نوضح ... وانا قلت ان البورش ما تقارن مع الفيراري لان لكل منهم فئه ... واكبر فرق بينهم وضعية المحرك ... وهذي تكفي ان تسقط المقارنة ...

والسيارة الوحيده اللتي تدخل في مجال المقارنة مع الفيراري هي الكريرا جي تي ... وانت قلتها الناس اجناس واذواق لكن انا ما فرضت ذوقي عليك او على احد ... انا اتكلم بحياديه عن الشركتين ...

البورش ونظام السلندرات الافقيه او المنبطحه بحد ذاته تاريخ ... ومكائن الفيراري وقدرتها على توليد قوة جباره كرو بور برضو تاريخ ... لكن مقارنة البورش بالفيراري وتفضيلها اداء وتقنية وتسارع ظالمه ... :) هذا كل المقصد من الموضوع :)

وانا احترم ردك اخي الكريم ..

وان كان الموضوع فرض ذوق كان ازعجتكم بالكريرا 4 اس كابروليت :)

K I F Y @user_6053 · 02-10-2004

أخوي قرافتي

إذا كنت ملماً بمعلومات وافية عن الفيراري لا تقارن بشيء ما تعرف عنه إلا معلومات قليلة
والدليل لو نجيب خبير من شركة فيراري وخبير من شركة بورش ونخليهم يقارن كل واحد سيارته بسيارت الثاني
بيقعدون يتهاوشون إلى ما يموتون ما راح أحد بيقتنع والسبب زي ما قلتلك

ثانياً : الناس أجناس وأذواق وكما قيل ( رضا الناس غاية لا تدرك )
صعب إن الشركات تنزل سيارة واحده ترضي جميع الأذواق لأنه لا بد واحد يقول الاصطبات لو هم مغيرينها ليش ما سووا كذا ليش ما حطوا كذا

ثالثاً : لماذا تفتح موضوع كامل علشان فيه واحد رد على موضوع من مواضيعك ونقد فيه ليه ما نقدته على نفس الموضوع أو أرسل له رسالة إذا كنت ما تتوقع أنه بيرجع للموضوع ( أدري إنك بتقول وش دخلني )
لكن هذا للمصلحة العامة لأنه بيصير زي ما صار قبل مدة عن الهواش بين 430 والفياجرا والبي أم

أتمنى أن تأخذ آرائي على محمل الجد
وعذراً إذا لم تعجبك مداخلتي بس عطني خبر وأنا أكلم المشرفين يحذفون الرد