السلام عليكم ورحمة الله
كيف حالكم اخواني ان شاء الله بخير
سلمكم الله قبل إسبوع من الآن صادني حادث بسيط
لكن قصته احب اسردهات عليكم لأخذ العبره والموعظه
كل ما في السالفه اني كنت متوجه الى منطقة السيف وبالتحديد الى سيتي بنك قادما من جهة مجمع البحرين فدخلت المسار الايسر بعد ان اعطيت الاشاره بالشكل الصحيح والسليم تمهديا لدخولي الى سيتي بنك , حيث كان الشارع يبلغ كيلو متر واحد واكثر تقريبا هذا بعد دخولي المسار الايسر. وعند نهايه الشارع صدمتني سيارة مرسيدس من الخلف بشده مما ادى اى فقدان السيطره على سياراتي التى لولا رحمة الله ولطفه لصعدت على الرصيف وارتطمت بالحاجر الفاصل لكنى والحمد لله اعدت السيطره على السياره . سيارتي بي أم دبليو الفئة الخامسة 2003
(((((( نزلت من السياره وقلبي يبغى يطلع برى بسرعه ابي اطمأن على سيارتي انها ما تعورت من شده الصدمه وفي نفس الوقت كنت خايف ان الي صدمنى تعور او صاده شي , واكتشف ان الي صدمني بنت ( حرمه يعني ) والحمد لله سيارتي تضررت بشكل بسيط جدا مجرد البمبر( الصدام) يبغى له تضبيط وصبااغه فقط ) وسيارته تضررت واجهتها بالمصابيح تكسروا
فقلت للحرمه الحمد لله على السلامة وما صارا لا كل خير واهم شي ان محد تعور فينا
(( وكنت اقصد بكلامي ان بس خلاص مسامحج يا اختي وتقدريت تتيسرين وما ابي ابهدلج وياي في المرور ))
حزتها توقعوا شنو ردت على الحرمه .؟؟.؟؟؟؟ . .. . ؟؟؟؟ (( بس انت الغلطان ))
(((((((((((( صادمتني وتقول لي ان الغلطان يا جماعه )*)))))))
فقلت لها براحتج نجيب المرور واهو يشوف السيارات والشارع وآثار لبريكاات ويحكم
قالت اوكي
وانا ما عطلت خبر اتصلت للمرور وهذا تخليص المكالمه
قلت : السلام عليكم يعطيكم العافيه , بس عزيزي صادينا حادث في المنطقه الفلانيه
مكتب المرور : وعليكم السلام اوكي تعاولو مركز شرطة المعارض
قلت:اخوي بس الحرمة الي صدمتني مصره ان انا الغلطان وانا ابغيكم تجون بنفسكم وتشوفون السيارات ووضعيتها وتحكمون بالعدل
قال: شلون صارت الصدمه ؟؟ صدمتك من الخلف ؟؟؟
قلت: نعم ,, اي صدمتنى من الخلف
قال: يا اخوي لا تخاف الحق لك وما يبيلها كلام دامها صدمتك من الخلف تعال وانا اظمن لك
قلت: يصير خير بس يا اخوي والله اخاف تصير لي سالفه مثل ما صارت لصديقي من قبل طلعوه غلطان
قال: لا حبيبي تعال ولا عليك
===== سلمت امري لله ورحت ====
وصلنا مركز شرطه مركز المعارض
وسألنا الشرطي شلون صار الحادث ؟
وتركت الحرمه تتكلم اول
الحرمه::: طلع علي مره وحده وماشفته وضربت فرمله قويه لكن ما وقفت سيارتي وهو الي دش مساري
المرور:::: عطى اشاره ( سكنير )لدخول المسار ؟؟؟
الحرمه :::: اي اعترف انهو عطى اشاره ((((( بس شلون ما شافتني وشافت الاشاره ( سكنير ))؟؟
المرور يكلمني ::: شلون صارا لحادث وليش طلعت عليها
انا:::: يا اخوي ان دخلت المسار صح لكن متى ؟؟ قبل كيلو متر من الحاادث وصدمتني عند الاشاره الضوئيه ,,
المرور ::: بس انت الغلطان ليش داخل مسارها !!!!!
انا :::: يا اخوي لا ممنوع ولا حرام اني اغير مساري والماسر الي اهي فيه ليس ملكها وممنوع سياره ثانيه تدخل فيه ,, ثانيا دخلت المسار بشكل صيحي وفي مكان بعيييييييد وصدمتني في مكان بعيييييييد , يعني لو غيرت مساري في الدمام وصدموني في الرياض انا غلطان ؟؟
المرور كتب التقرير ان محد راضي يعترف وتحال القضيه الى اداره المرور والترخيص
(((((((( كتب التقرير ان انا الغلطان ومو راضي اعترف )))))))) وانا ما ادري شن كتب
--------
رحنا ادارة المرور عند الموعد المحدد لنا فيه
وقلت لشرطه المرور , بعد ما اخبروني ان انا الغلطان على حسب ما جاء في التقرير
قلت لهم شلون يحكم ان انا الغلطان من غير حتى ما يشوف السياره وثانيا اهو ما عاين مكان الحادث ؟؟ يعني ما جاء وشاف بعينه . وليش يصدق الحرمه ويكذبني ؟
تصوووووروووووووا ((( تجمعوا على شرطه المرور والكل يقول لي انت الغلطان خلاص , حتى واحد فيهم الله لا يوفقه يكلمني بلهجه ما حبيتها يقول ,, بتدعم الحرمه وتبي تطلعها غلطانه , هذا يدل على ان هالشخص ما يدري اصلا وش السالفه لان الحرمه اهي الي دعمتني ,,, وطلعوووني غلطان يا جماعه
وما ابغي اقول كل شي صار لي هناك لانهم توحدوا فيني كأنهم ماسكين عدوا
الي يقول . انتوا اصحاب الزدات كله متهورين
والي يقول انت صائم لا تكذب
والي يقول انت كذا وانت كذاا ,, كأني متهم مسوي جريمه بشعه
((((((( كبرت في راسي وقلت بوصلها المحكمه لولا ان زوجها حضر وقال لي زوجتي حامل وحرام عليك تجرجرها المحاكم )))) وكسرت خاطري الحرمه وقلت بتنازل ,
وتصورا زوجها الي انا كلمته بالهداوه والتفاهم راح يشتكي عندهم ويقول عاقبوه بغى يقتل زوجتي ويطيح الي في بطنها ولازم تعتقلونه و و و و و و و ...
طووولت عليكم
لكن هذي ليس المره الاولى او الاخير ولست انا الوحيد الي صادته هالمواقف
لان مرور البحرين مشهور بالعنجهيه والاستبداد والظلم ( ليسوا كلهم ) لكن اغلبهم
تعليقم شباب
كلامك اخوي صحيح ميه بالميه......ومرور البحرين اكبر نصابين...ونصبهم يبان بالذات على السعوديين والخليجيين بشكل عام....يعني اي واحد يجي البحرين ويصير له حادث...على طول هو الغلطان ويلا طلع فلوسك....معروفين ..دامهم كلهم هنود وباكستانيين ومخلطين...وش تبيهم يصيرون؟؟ ماعندهم ذمه والله ...ذممهم مشاخيل..
انا راح اقول لك سالفتي اجل....
قبل لااشتري الاكورد....استأجرت سياره من وكالة تاجير....السياره كانت مازدا 6...طيب رحت فيها البحرين الصباح...دخلت البحرين وعندي التفويض ودخلت بشكل طبيعي وماحد قال لي اي شي..بالعصر قررت اني ارجع السعوديه...لما وصلت عند دكانهم الي يوزعون منه اوراق الجمارك...قال لي العسكري ان علي مخالفه...انا استغربت بصراحه علما اني ماقطعت اشاره ولاسرعت...
مريت عند مكتب المرور الي على الجسر....اعطيته تفويض السياره والجواز...قال لي وش السالفه قلت له مدري والله الرجال الي هناك يقول لي ان علي مخالفه....دخل رقم السياره في الكمبيوتر الا يقول لي اي نعم عليك مخالفة سرعه...قلت له كيف؟ قال لي شوف الصوره ..ووراني صورة السياره فعلا ...وماانكر ان هذي صورة السياره فعلا....قلت له طيب كم الساعه صار؟ على اعتبار اني جيت وبمشي بنفس اليوم...قال لي قبل 10 ايام....قلت له يابن الحلال انا قبل 20 يوم ماجيت البحرين....وبعدين شيك تاريخ ايجار السياره...امس بس....وتقدر تشيك عند الجوازات اذا انا جيت بالتاريخ الي صارت فيه المخالفه....قعد يقول لي بالبحريني (اكو المخالفه عليك جوف اخوي..يعني الكمبيوتر بيجذب؟). قلت له انا ماقلت (يجذب)...بس انا ماسويتها...ظل يطالع فيني قال لي اشلون الحين راح تدفع والا لا؟ قلت له (جوف) اخوي...انا لو مسوي المخالفه بدفعها وانا راضي...لكن لو ريال ماادفعه دام اني ماسويت شي...يمكن واحد جا بذاك التاريخ وسوا المخالفه وطلع السعوديه ولادفعها....ادفعها انا ليش؟
منا ومناك كان في واحد جالس وياه.....سمع كل الي دار بينا...قال لي اخوي تفضل اجلس وانشالله مايصير الا كل خير....
ظل يتصل بفلان وفلان وبعدين قال لي خلاص اخوي تفضل وحنا اسفين ...والله انه ماقصر معاي حتى انا شكرته بصراحه...
هذي قصه من قصص النصب على السعوديين وغيرهم من مرور البحرين ....انتبهوا ياشباب ....انا طلعت منها لكن في ناس طيبين والله ويمكن هذولا الحوش يقصون عليهم...انتبهوا....
