سوبربان ويوكون 2005

مشكور اخوي ابو عبدالعزيز على الرد وانشالله يقتنعون ان ال 8100 نازل من 2001
بس اللي كان عندي انا مافيه كتابه ما ادري ليش
والصوت مززززعج اذا كان دفرنسين اما الدفرنس الواحد اهداء شوي
وفعلا ال 2001 مشاكله كثيرره سوى لي قللق من جد اما ال 2003 اخف شوي
والصرفيه حددث ولا حرج يبغى لك تحفر بئر نفط عند بيتكم لوول

تحياتي لك

رد ياأخوان زوج عمتي عنده سوبربان 2001 ومن ورى مكتوب ( V8-8100 )
وحنته ماشاء الله واصلة آخر الشارع
وصرفيته جنونية مثل السوبربان موديل 95-99
ولاكن متعذب جدا من المشاكل
وأبشر كم مسكين توه طالع عنده صوت بعلبة الباور
اللــــــــــــــــــــــــــــه يعيــــــــــــــــــــــــــــــــــنه

صاحب المواضيع المميزة دوما أبو أسد

أشكرك أخي الكريم على هذا التقرير المتكامل

في انتظار جديد مواضيعك

شف حبيبي vb8100 معليش اذا فهمت كلامي غلط لاني ما اقصد ابدا التجريح فاعذرني اذا فهمت كلامي غلط

نجي للصرفيه فيه مثل يقول اذا عرف السبب بطلع العجب ودام مصدر كلامك المجله المذكوره فهذا كافي اني اقول لك صحح معلوماتك لان هالمجله غلط في غلط كل معلوماتهم وتبي تتأكد راجع معلوماتهم في سيارات مثل المكينه والحجم وبتشوف العجب
متخلفه هالمجله بكل معنى الكلمه
وانا بعطيك اثبات الجمس تعبيه ب 140 ريال صح يعني فوق ال 160 لتر
طيب على كلامهم يعني الجمس يمشيك فوق ال 1200 كيلو؟ بالله عليك الجمس يمشيك كذا؟ مستحييل شف كيف التخلف في هالمجله

نجي لل 8100 اخوي كلهم الصحن والسوبربان نزلوا 8100 عام 2001 والسياره كانت عندي يعني مو معقوله يكون ملعوب علي فيها والمكينه مثل مكينة اللي عندي الحين ال 2003 يعني تأكد عزيزي


تحياتي للجميع وشكرا

مشكور عالمواضيع الممتازه
تسلم ايدك
**********

يا اخوان فرقوا
عبداللطيف يجيب لاندكروزر ويعدله في جده ويركب قطع كوريه ( GX-R J )

وبرضه عنده لاندكروزر بشكل العادي والي يشبه الخليجي والي مافيه تعديل .

بالنسبه للصرفيه يا اخوان الجمس 8.1 لتر و الاند 4.7 لتر كيف تكون صرفيه الجمس اقل ؟؟؟

اما المواصفات انا اؤيد الاخوان في ان GX-R مواصفاته قليله بالنسبه لسعره

لاكن VX-R فهو مشبع بالمواصفات .




اتمنى عدم استخدام اسلوب التجريح حتى لايتم تحرير وحذف المشاركات

تم تثبيت الموضوع .

اشكرك يا nick على هالروح الرياضيه
اما من ناحية 8100 انا اقصد السوبربان مو الجمس الصحن
ومن ناحية الممشى 650 كيلو والمكينه 8100 لتر 496 انش
ومن ناحية الصرف مكتوب في مجلة سبور اوتو
ان الجمس يستهلك 14.2 وان اللاند يستهلك 16.6 لكل 100

يا ناس حرام عليكم

وش اللي الجمس اكثر هيبه من الفي اكس ار وقف الاثنين جنب بعض وشف الفرق والمواصفات الاند يتفوق اكثر بالنسبه لل vxr يعني فرق شاسع

نجي للي يقول ال 8100 ما طلع الا 2002 اخوي اللي كان معي متأكد انا انه 8100 ما كان عليه كتابه لكن المندوب هذا كلامه وهذا موقع عشان تتأكد بس
http://www.thecarconnection.com/index.asp?n=157,275&sid=275&article=703

لكن ما كان مكتوب ورا 8100 مثل الجديد والعزم ما اقدر اقول لك اقل لانه كان دفرنسين واللي الحين معي دفرنس واحد

بالنسبه لابو اسد على كيفك ال VXR اكثر صرفيه من ال 8100؟ انت عندك 8100 عشان تحكم؟
ياخي والله العظيم انه فررق شااسع في الصرفيه ياخي تذكر انك تعبي الجمس ب 140 رياال وما يمشي الا 400 كيلو انا مدري صراحه عن الاخ اللي يقول لي 650 كيلو يمكن مكينته 1500
ارجع اقول لكم خلو التعصب (مع ان عندي جمس وفول اوبشن) ان ال VXR افخم من الجمس بمراااحل

على فكره الطوارق 8 سلندر فول اوبشن فوق ال 250 الف للمعلوميه بس

تحياتي

[size=3]ولاااااااااااااااا اسعار الجي اكس ار هذي الايام وصل لاسعار جنونية 150 الف؟؟؟ وكل الاكسسوارات تايونية ماتكلف الف ريال بالكثير .

لا ونت صادق سعر الجي اكس ار الأن فل أبشن 170 ألف؟؟؟؟؟؟؟؟؟؟؟؟
ولله الي ماشريت لاندكروزر بهذي القيمة الجنونية ولا وأزيدكم من الشعر بيت
VXR فل أبشن يوصل 191 ألف؟؟؟؟؟؟؟؟؟؟؟؟ لسعودي
وحق البازعي يوصل 200 ألف؟؟؟؟؟؟؟؟؟؟!!!!!!!!!!!!!
أشتري سوبربان 8100 أخلص البنزين والنفط كله في العالم ولا أشتري لاندكروزر
لا وأزيدكم من الشعر بيت صرفية VXR أكثر من جمس سوبربان 8100 وجمس أكبر منه حجم؟؟؟؟؟؟؟؟؟!!!!!!!!!!!!!!!!!!



[/size]

السلام عليكم ...

مشكور اخوي على هالتفاصيل الدقيقه وكلنا طبعا نعرف الجمس وهيبته

وبالنسبة لاخوي nick انت تقول كان عندك جمس 8100 2001 وهذا اول مره اسمع به اللي انا اعرفه ان 8100 ماطلع الا في 2002 وكان بداله في 2001 مكينة 7400 و6000
ثانيا الصرفيه كثيره انا معك لكن مو يمشيك 500 انا جربته خط مشاني 650 وانا ممشاي 140 الى150ولا وطفا وهذا شي ممتاز مع ان مكينته 8100 وبس هالصرف انا كان معي باترول 94 صرفيته اكثر من الجمس بواجد لكن اللاند ما جربته
ومن ناحية القوة ما اتوقع اللاند يصف مع الجمس اللي مكينته5300 في القومه ووشلون اجل 8100
ومن ناحية الخرابات انا معي جمس 2002ماشي معي زي الحلاوة مافيه اي كلام من ناحية القوه والعزم
ارجوا انك ماتزعل مني لكن الحق حق

اخوي nick

والله عندك حق منظمة اوبك لازم يعقدون اجتماع طارئ عشان الجمس ...

والله مو رايح يخلص نفط الخليج والسعودية الا هذا الجمس يصرف بشكل جنووووني والله .

واسفين على الاطالة .

السلام عليكم

انااااااا الصراحة عمري ماطالعت للاندكروزر ولا لفت انتباهي في الشارع من موديل جي الا في اكس ار .. شكله ملل وقديم .

لاكن الجمس الصراحة شكله حلو وممتاز على الاقل يغيرون فيه شوي كل سنة من جنوط ومكيف ومسجل ومرايات وحركااات وشاشات .

اللندكروزر من يوم مانزل مايغيرون الا في اللزق والاستكرات اللي في البيبان كنها هايلوكس ... وش ذا يستهبلون ذولي؟

ولاااااااااااااااا اسعار الجي اكس ار هذي الايام وصل لاسعار جنونية 150 الف؟؟؟ وكل الاكسسوارات تايونية ماتكلف الف ريال بالكثير .

حتى المسجل مو حق وكالة واذا اعطوك الوكالة تقلبه من وراه مكان الصنع made in taiwan

وسلاااااااااااااااااااااااااااااام

تسلم على موضوعك الحلو
مثل ماقال الأخ NiCK:

عموما نصيحه لاي شخص يبي جمس ياخذ ال 1500 ويكون دفرنس واحد لانه هو اللي مشاكله قليله وصرفيته حلوه

وأنا عندي اليوكن SLT 2004 ومجربة ماشاء الله عليه

وتسلموا

شف حبيبي
والله لا يوكن ولا جمس ولا اسكاليد افخم من الفي اكس ار لا تجلسون تلعبون على روحكم يعني صارت معك سياره لاتحطها فوق مستواها

وبالنسبه للي يقول مندوب عبدالطيف جميل ياااخي خاف ربك ويين مندوب وبيذم سيارته ما صارت هذي لا تلفق على غيرك كلام
ومن وين جايب لي ان الاند يصنع في ماليزيا؟ لا ياحبيبي ياباني 100% والجمس بعد امريكي

خلصنا من المواصفات نجي للهيبه الحين بالله عليكم لو شفتوا بالشارع في اكس ار ويوكن وش اللي بيجذب انتباهكم واللي اكثر هيبه؟
100% الفي اكس ار

نهاية كلامي خلووووو عنا هالتعصب الغبي اللي معروف انه غلط الجمس واليوكن ما خلاهم ينتشرون الا رخصهم اذا جينا للواقع

تحياتي

أشكركم على الردود أولا وثانيا أنا أفضل اليوكون على لاندكروزر لكن لا أقصد الأسائة
للاندكرزور بس حبيت أوضح أن مافي مثل الأمريكي في الفخامة والقوة والهيبة الشكل والمواصفات والأهم أل وهو السعر المعقول
ومثل ما ذكر أخوكم العزيز GueSs_wHo عن اليوكون والاندكروزر
وسلامتكم|300|

هدووووووووووووووا الوضع يا الشباب |119| ..... صراحعه الموضوع مره راايق وجاي في وقته ...... صراحه يا شباب الحق ينقال اليوكون ما في مثله انا اول كنت مو مصدق بس شفت وقريت المهم لو بحكي كلن بيخالفين بس الي جرب غير ... وصراحه نفس مدير المبيعات حق تويوتا قلت له انا محتار بين اللندكروزر واليكون ... قالي بكم اليوكن قلت بـــ 150 الف فل اوبشن ... قالي خذه وانت مغمض وخل عنك اللندكروزر قلت له ليه قالي اليوكون افخم من اللاند ومن ناحية القوه فهو قوي وما عليه غبار في نفس الوقت ما نهضهم حق اللاندكروزر .. اللاند من داخل ما في اي فخامه تحسسك انك راكب سياره بقيمة 180 الف الحق ينقال.... يعني الخلاصه قالها لي اذا انت منت من النوع الي تشتري الحين وبعد سنه تبيع خذ يوكون لانه بيطيح سعره الناس خذوا فكره ولا راح يغيرونها ابد عن الامريكي بصفه عامه .. الامريكي بصفه عامه اتفادواكثير من المشاكل نهاااااائيا ...


واذا انتم تتكلمون عن صنع اليوكون ووين مصنوع شوفوا اللندكروزر وين مصنوع تراه مصنوع في ماليزيا مو في اليابان ابو جميل لاعب على خلق الله .... رح شف سيارات البازعي وقارنها مع ابو جميل ....

وبالنسبه للتطعيس والبر ما تبرههن عن قوة السياره الى ذيك الدرجه ترا الحمل كله على السواق .... اجل في همر يغرز |199| ... يعني انا استغربت مره كانت راكب مع واحد معه يوكون كان يبي يورين كيف انه قوي في البر وعلى الخط لاني ناوي اشتري واحد ان شاء الله .... مرينا من طعس الخزامى شفنا جيبين للاندكروزر مغرزين في مكانين بعيدين عن بعض والمشكله انها في اكس ار ... يعني هذا شي ما يصدق صراحه العيب مهوب في الموتر العيب في السواق .. الزبده مهوب من النطق اننا نهضم حق الموتر بسبب سواق ما عنده سالفه خلونا نكون واقعيين .

بالنسبه لاسعار اليوكون ... انا رحت للعيس والجميح وكلمت التوكيلات العالميه وكلمت بالبيد الي في جده اسئلهم عن اليوكون 2005 فل كااااااااااااامل فتحه جلد دفع رباعي مراتب نفصله الى اخ ... اسعرها تتفاوت بين ها الوكالات ومحصورة بين 145 الف الى 155 الف اذا انت تبي تضيف شاشه او شاشتين دي في دي .... وها الكلام من اسبوع بالضبط .....

ما علينا يا شباب السيارات كلها لها عيوبها ولها مميزاتها بس المشكله الواحد ياخذ فكره عن شي ولا يغيره فكرته اذا تغيرت النظره ...

وووووو بس |253| ومعليش على الاطاله يا شباب ... ووسعوا صدوركم علي ...



تحياتي للجميع .

يابوي وانا وش علي من الموقع اقول حنا قايسين وزن اليوكون وطلع 3130 كيلو جرام اول ماطلعنا الاستماره الجديد الي عندنا بالسعوديه
وهي بطاقتين وحده عن السياره اي الوزن النوعيه الموديل والاسم والثانيه الاسم وغيرها
صدق او لاتصدق هذا وزن اليوكون الحقيقي لو كان وزن اليوكون 2355 كان تلقى تسارعه من الصفر الى 100 في اقل من 7 ثوان
ولو كان وزن اليوكون 2355 كان تلقها اقوى سياره في التطعيس بالله مكتوب عندك في اليوكون مكتوب وزن السياره من قدام ومن وراا
يعني احد يحمل الحموله عند المكينه يفتح الكبوت ويحط الحموله ؟؟؟؟؟
حنا قسنا وزن اليوكون اذا انتم عندكم مقياس لوزن السيارات رح وقيس
والاستماره الجديده يعرفونها الشباب السعودي اكيد 100%
وكان عندنا اوبل اوميغا 2001 وكان وزنها 1450 كبلو جرام ثم بعناها وافتكينا منها وكان يوم السعد

اخوي النايم
انا ماجيب الاسعار من راسي سعر اليوكون من المصنع من الشركه الام 45790 دولار للفل كامل SLT اذا انت مو مصدق خش على موقع الشركه الام

سلام

TOP CARS
اليوكن في الامارات SLT ب 150 الف درهم

دبل وفتحة وجلد وتلفزيون ...الخ

اما بالنسبة لموضوع الوزن عندي لك صفحتين من موقع GMC وموقع الشفر
هذا موقع اليوكون وفية وزنة بدون الحمولة ومع الحمولة لكن بالرطل احسب الي بدون حمولة وتطلع 2355 كيلو

وهذا موقع التاهو (نفس مصنع اليوكون)(اضغط CAPSCITIES) مكتوب فية الوزن بالكيلو 2355 وبالحمولة 3084كيلو


وبس

توب كار ياخي انا اموت واعرف من وين تجيب هالاسعار
اجل يوكن ب 150 الف وييييييين عسى ما شر

ياخي رح لاييييي وكاله واذا صار سعر اليوكن 2005فل اوبشن بس بدون جلد كاش مو 117 الف مستعد اشتري لك واحد <-- وش عنده

ياخي انت اسعارك غلط ترى صحح معلوماتك

تحياتي