اليوكن كيف صرفيته واحسن وكالة من حيث السعر

و عليكم السلام .....

اول شي الله يكتب لك الي فيه الخير ويعطيك من خيرها و يكفيك شرها ......


بالنسبه للستفساراتك ( صاير خبره من كثر ما اسئل الشباب هنا |276| ) انا مثلك والله انا اشتري يوكن 2005 واجوبتي طبعا كلها من الشباب هنا الله يعطيهم العافيه غثيتهم من كثر ما اسئل ..... ما علينا ..... بالنسبه للصرفيه ما بعد جربت صراحه بس يمشيك من 450 او تزود شوي هذا اذا ما جابت الــ 500 كيلو .... يعني صرفيته حلوه مره الموديلات الجديده ما تصرف مثل الموديلات القديمه ... بس لناس الي الحين ماخذين فكره عن الامريكي وما عندهم نيه يغيرونها ( تحس انه جنرال موترز متعاملين معي ) |535|

بالنسبه للاسعار انا سئلت كذا وكاله العيسى والجميح و التوكيلات العالميه الي عندكم بالشرقيه وسئلت بعد بالبيد الي في جده .... اسعار الفل كامل الي ما بعدها شي تتراوح ما بين 145 الى 155 هذا اذا اتبي تحط شاشتين دي في دي .. واذا ما تبي بتوقف عندك الى 150 الف تقريبا ..... و يمدحون التوكيلات العالميه للسيارات في خدمتهم بس المشكله ما عندهم ها الفتره الوان متوفره على المواصفات الي نبي |269| عندك بالبيد عندهم كل الالوان بس الله يعينك على جده ..... في عندك الجميح بس ما يحتاج اتكلم عنه معروووووف |393| والعيسى افضل من الجميح مع انهم كلهم في دحديره وحده وبالبيد انا في رايي انه الافضل بس عاد وين فروعه الجميح والعيىس محجرين عليه |580| ..... انا رايي اذا شفت الموتر الي يجوز لك واللون الي ترتاح له خذه من اي وكاله .... ولا تجيهم الا في صيانه الالف والخمسة الالف عقبها لا توريهم الموتر ... اليوكن ما شاء الله نادر الي يشتكي منه وبعدين لو بتضطر تبي تصلحه اذا خرب لا قدر الله .. الله لا يحدنا للوكاله اقرب ورشه متخخصه تضبطه لك واذا كنت مستعجل اقرب محطه في ميكانيكي |276| لا امزح بس يعني اليوكن معروفه صيانه وتصليحات يعني ما تحتاج الوكاله ان شاء الله .

ان شاء الله قدرة افيدك ... واذا شريت قبلي علمني من وين خذته وبكم ......... والله يكتب لك الي فيه الخير



تحياتي ......