انفينتي FX35 ولا لكزس RX330 ؟

انفينتي FX35 مجرد وحهة نضر

معليش قريت الموقع قبلك :)

وهذا اللي طلعت فيه

*الار اكس اهداء واريح وافخم سياره في المجموعه اللي تجمع معه الاف اكس والمرسدس ام ال
*مثل ما كنت اقول الموقع يشتكي من ضيق مساحة الجلوس خصوصا في الخلف وصعوبة الركوب والنزول في الاف اكس وعدم الراحه
ويمدح الشكل الخارجي ونظام القياده الرياضي فيها واللي يذمه في نفس الوقت كونه غير مريح يعني يبون السياره تكون بعدة اوضاع

*الاف اكس اقوى واحد فيهم في التسارع

والموقع يرشح لك اذا كنت تبي سياره فخمه تاخذ اللكزس واذا كنت تبي سياره رياضيه تاخذ الانفنتي وانا كلامي من كلامهم

واللي تفهمه من الموضوع ان اللكزس سياره فخمه اكثر بكثير من الانفنتي اللي تميل لكونها سياره رياضيه شبه عاديه

في الاخير اقول لك هذي من اكثر المجلات شهره في امريكا واذا تبي غيرها حاظرين لكن والله اكثر مجلة شفتها تمدح الاف اكس هي ومع كذا شف تفوق الار اكس الكبير في مواصفات السيارات الفخمه

انشالله استفدت واستفاد الجميع

تحياتي لك

اخوي نيسان القديم والجديد كله تعبان والموديلات الجديده شفتها واقدر اقول لك انجح شي طلعوا فيه ال suv بس ما زال يعاني من المشاكل

وبالنسبه للموقع انا جبت لك مقارنه كامله من اكبر مجله امريكيه ومعهم ال ml350 وانا والله ما بعد قريت وش كاتبين بس ابيك تقرا وانا اقرا
تفضل
http://motortrend.com/roadtests/suv/112_0309_suv/

تحياتي لك

^
^
^
أنا معك أخوي ان نيسان القديم تعبان ..

بس بصراحة الموديلات الجديدة تستوجب انك تغير النظرة القديمة ..

وبالنسبة للموقع الانجليزي .. انت عطني الرابط وازهلها

تحياتي لك ,,

الصقار معليش بس معلوماتك غلط الار اكس انجح suv انتجته لكزس واقوى سياره في فئته في السوق الامريكي كيف تقول لي ما يستاهل؟

حارش راجع هاللنك وشف كم القوه
http://www.lexusuae.com/arabic/specs.aspx?pageId=9578
وبالنسبه لاني ما اواطن النيسان والله يخوي اني مجربه وكرهني في الياباني ورجعت للجمس بسببه
اول شي موديل جديد 2002 مطلعه وكاله فل اوبشن انواع القربعه لا دخلت بر واذا اسرعت بالسياره والله العظيم ان البيبان تهتز ويييييين وش ذا راكب في كرتون مو في سياره والديكور يطقطق اذا رقيت مطب ولا شي وانواع الاصوات في المكينه يوم رجعت به من الصمان قسم بالله انواع الحنات والازعاج ورساوه صفررررر
اخرتها انقلبت عليه الله لا يعيده والحمد لله جت بسيطه
وانا مو من النوع اللي يكرف السياره اجل لو اكرفه وش بيسوي؟
اخوي نيسان والله العظيم جودتها مترديه من تجاربي وتجارب غيري
اما الارمادا انت اركب فيه وشف شكل البلاستيك المسه بس وشف وشلون يتحرك ويطلع اصوات اجل لا اكلت فيه مطبات وش بيسوي؟ بيتفكك
وبالنسبه للموقع ابشر بس قل لي تعرف انقلش؟ عشان ادور لك موقع يستاهل انك تقراه
اما الراحه اخوي مافيها رأي خاص الراحه معروفه يمكن القياده تختلف من شخص لشخص اما الراحه وحده حتى مساحة الجلوس فيه سيئه خصوصا في الخلف

وعلى قولتك خلها تنزل ونشوف

تحياتي لك اخوي ومشكور على الحوار الرائع

قوة الارس اكس 253 حصان ؟؟؟؟

عطني المصدر لا هنت .. !!

وبالنسبة للجودة ..

واضح انك ياخوي .. ما تواطن النيسان بعيشة الله ..

كيف تبيني اقنعك ان الارمادا ممتاز من ناحية الجودة ؟؟؟

اشتري واحد واكرفه 5 سنوات واوريك النتيجة ؟

وبالنسبة للموقع اللي فيه ناس فاهمة .. يا ليت تعطيني رابط الموقع اللي تعرفه ..

وبالنسبة لتجربة قيادتك ..

فكل واحد له رأيه الخاص فيه .. وما اقدر اقنعك بالنسبة للراحة ومتعة القيادة ..

بس انت خل السيارة تنزل ونشوف :)

تحياتي لك أخوي NICK

والله شف انا ما افضل الانفنتي ابدا ابدا

بس يوم شفت هالموتر صراحه دخل مزاجي
شكل
وقوه
سعر معقول
الوان مميزه
تصميم انسيابي خصوصا الاصطبات
داخليه اكثر من رائعه


وش تبي باللكزس اللي من زمان شكله كذا ماتغير


معلومه بسيطه

في ماليزيا يصنف الار اكس كسياره تابعه لتويوتا وليس لكزس وتحمل علامه تويوتا وذلك لانه لا يستحق علامه اللكزس اصلا


هذا والله اعلم

أخـوي أنـا أفضل ال RX 330 سواء بالتصميم أو الأداء أوالسـلامة ,,,

وكـفى فخرا أنة يحمل إسم Lexus الشركـة الرائدة في صنـاعة السيارات الفخمة ,,,

والمثل يقــول (الحـاجة اللي تعرفها أحسن من اللي ماتعرفهـاش ) ,,,







تحياتي ...

شف حبيبي

قير المورانو مثل ما قلت لك 5 نمر ونيسان الى يومك ما طلعت 6 نمر اوتو خلصنا من هالنقطه؟

قوة الموارنو 245 حصان وهذا كلام الموقع وكل المصادر وقوة الار اكس 253 حصان زين؟

اقتباس
=======
بالنسبة للمحركات فمحركات نيسان أفضل من التويوتا ..

من ناحية القوة والتسارع ..
======
من وين جايب هالمعلومه عزيز؟ ممكن مصدر

اقتباس
=====
انت لاحظت البلاستيك الموجود في الارمادا وال FX ??

قمة في الصلابة والقوة .. وهكذا تصبح الجودة متساوية بين السيارتين
====
الجوده مو في البلاستيك بس الجوده في السياره ككل وبالنسبه للارمادا بلاستيكه متفكك وكاله كيف اذا طلع
وارجع اقول لك هات مصدر انهم صاروا متساوين

اما الفخامه مو مقياسها وضعية القير لان كل شخص وله ذوقه في هالامور لكن وش نوعية الخامات ووش المواصفات اللي موجوده هنا تطلع الفخامه وقارن انت وشف ان الار اكس يتفوق بمراحل في هالنقطه على المورانو والانفنتي
وعشان ما تتعب نفسك ادخل اي موقع معترف فيه وسو مقارنه عشان هالمقارنه بتجي من ناس فاهمه وشف وش بيطلع لك

بالنسبه للار اكس والانفنتي مثل ما قلت في ردودي اللي قبل ما يتفوق الانفنتي الا في الشكل وهذا بعد يحكمه الذوق

عموما الانفنتي نازل من زمان في امريكا رح شف اي موقع امريكي وش يفضل ال rx ولا fx35 وبالنسبه للfx45 فنازل له ال rx400 وصدقني بينهيه لانه الحين قبل ما ينتجونه عليه انحجز منه 20 الف سياره كيف اذا طلع؟

في الاخير انا واحد من اللي جربوا السيارتين مع العلم ان الانفنتي كان امريكي يعني مواصفاته افضل ولاحظت هالاشياء
1- اللكزس اريح بمراااحل من الانفنتي اللي ما حسسوك فيه بميزة هالفئه دفع رباعي + راحة سيدان
2- الانفنتي ملفة بقوه للانظار يمكن لانه جديد ومحد يعرفه لكن شكله رهيب
3-شاشة اللكزس احسن من الانفنتي بكثير والمواصفات فيه احسن هذا وهو سعودي اجل كيف لو كان امريكي؟

يالنسبه للأخ اللي منزل الصور هذي انفنتي q45 ولا؟
تحياتي للجميع

السلام عليكم


الافضل لك

يالغالي ..

بالنسبة للقير ال 6 سرعات .. فهذا الكلام كان مكتوب بجريدة الجزيرة بصفحة السيارات الاسبوعية

اوكي الجزيرة غلطانة ..

بس بالنسبة للمحرك فعلى اي اساس ما تعترف بمحركات نيسان يا حبيبي ؟؟

بالنسبة للمحركات فمحركات نيسان أفضل من التويوتا ..

من ناحية القوة والتسارع ..

وعندك أمثلة كثيرة ..

وبالنسبة للجودة ..

انت لاحظت البلاستيك الموجود في الارمادا وال FX ??

قمة في الصلابة والقوة .. وهكذا تصبح الجودة متساوية بين السيارتين

وبالنسبة للفخامة ... وضعية القير اللي كنها طيارة ووضعية التكايات منقصة من فخامة اللكزس كثيييير

وتقدر لو حبيت تسوي استفتاء بين بين المورانو والآر اكس .. وتشوف النتيجة بنفسك

اما مقارنة ال FX بالآر اكس فهذي مقارنة محسومة مسبقا وفيها ظلم كبير للانفينيتي

أجل 175 ألف ريال سعره |243|

يخرب بيتهم !!

الانفنتي كل شي فيها احسن من الكزس

اولا الانفنتي اغراضها ارخص من الكزس
وثانياً الانفنتي الفخامه بلا منازع

واحسن شي فية وضعيه الجلوس تحس روحك جالس في سيارة مريحه ما تحس روحك بتطلع من السيارة ههههههههه

يا حبيبي انت حارش

والله العظيم كنت متأكد انك تتكلم على اساس معلومات غلط والحين تأكدت

نيسان الى يومك لا هي ولا انفنتي طلعوا قير اوتو ب 6 نمر فكيف تقول لي المورانو 6 نمر؟ تستهبل حبيبي

بالنسبه للقوه انا ما اعترف بأحصنة نيسان ابدا فيا ليت تجيب لي تسارعه هو والار اكس من موقع رسمي وشف وش اقوى

بالنسبه للشكل الخارجي قمة في القبح من وجهة نظري وواجهته فيها سرقه من الار اكس لكن بغباء لكن الناس اذواق فلا انا ولا انت نحكم

الشكل الداخلي اسمممح لي عاد لا الانفنتي ولا هاللي تقوله يجون عند الار اكس يكفيك نوعية الخامات وجوده التشطيب عشان ما تقارن اصلا

فيه شي غيره؟ عشان اقول لك المليون ميزه اللي يتفوق الار اكس فيها على الانفنتي والمورانو

تحياتي

يا حبيبي nick

انا اقولك المورانو وش يتفوق فيه ..

عندك المحرك يالغالي قوته 266 حصان وسعة 3.5 لتر

والقير 6 سرعات مع ميزة التنقيل اليدوي ..

ودفع رباعي مستمر

ويكفي التصميم الداخلي والخارجي .. وركبت واحد في أحد المعارض كان لون الجلد والديكور برتقالي ..

بصراااااااحة خيااااااااال

هذي الميزات اللي انا متأكد منها ..

وخل ينزل عندنا وانا راح اكون متأكد انه راح يتفوق عالآر اكس ..

خصوصا من ناحية سعره الواقعي 120 الف ريال ..

مو 175 الف ريال يا دافع البلا ..

أنا أشوف أنفنتي أفخم وأجمل داخليا من ناحية ناقل الحركة

لكن إذا كنت بتاخذة ولا تبيعة بسرعة خذ أنفنتي

بتبيعة في أي لحضة خذ لكزس

وش اقول اكثر؟؟؟؟؟!!!!!!

أنا أشوف أنفنتي أفخم وأجمل داخليا من ناحية ناقل الحركة

لكن إذا كنت بتاخذة ولا تبيعة بسرعة خذ أنفنتي|1|

بتبيعة في أي لحضة خذ لكزس:D

السلام عليكم

انا من المؤيدين لكلام NiCK شكل الانفنتي افضل من الكزس لكن وفي الباقي اللكزس افضل
وشكرا

اذا تقصد الانفنتي الموجود عندنا
ما يتفوق على اللكزس الا من ناحية الشكل في وجهة نظري ولا الباقي اللكزس افضل

وبالنسبه للأخ اللي يقول المورانو افضل ممكن تعطيني ميزه وحده بس يتفوق فيها المورانو؟

تحياتي