شاب ينتظر منكم النصيحة لوجه الله .. رايكم في اللومينا LTZ

THE MAX @user_1870 · 29-12-2004

السلام عليكم
شخباركم ياشباب ان شاءالله تمام ..
ياجماعة الخير في واحد من الشباب يفكر يشتري سيارة جديدة للاستخدام الشخصي يعني باختصار ماراح يبيعها الى بعد خمس سنوات او ست سنوات او اكثر .. ويفكر في اللومينا ال تي زد لكن متردد وخايف من اللي سمعه عنها من خرابات .. فطلب مني انصحه واقوله رايي فيها وقلت له انا استفسر لك من الشباب وقلت مالي الا الله ثم انتوا ماراح تقصورا معاي ومعاه واللي طبعا اكيد فيكم كثير مجربينها ويعرفون عنها اشياء كثيره .
فالمطلوب منكم رايكم فيها .. هل هي عملية ولاكثيرة خراب ؟؟ وهل مظهرها الخارجي ال تي زد جميل ؟؟
ومارايكم في صرفيتها للبنزين ؟؟ وهل تنصحونه فيها ؟؟
الله يخليكم مطلوب رايكم في هالموضوع ولاتبخلون علينا فيه ولكم ان شاءالله الدعاء بالتوفيق
وطبعا اللومينا موديل 2005 LTZ ورايكم يهمنا بالطبع واذا في صور نتمنى تزودونا فيها :)

اخوكم THE MAX

ع البال @user_9416 · 02-01-2005

اخوي THE MAX
بالنسبة للاضافات فهي قليلة جدا
ضللت الزجاج الخلفي
وركبت لوحة طويلة بالخلف
فقط :)
لأنني اعتبر النوع هذا من السيارات مايحتاج لإضافات .

الاصلاحات هي اللي ذكرتها بالأول وهي: صوت في القزازة الأمامية,والتماس في المراتب الكهربائية وكلها صلحتها بالضمان.

وأي استفسار أنا حاضر .
وان شاء الله اجيبلك صور خاصة لك.

THE MAX @user_1870 صاحب الموضوع · 01-01-2005

هلا اخوي ع البال وتسلم على الافادة وعلى كل شي بس اللي اقصده من الاضافات يعني مثلا اكسسوارات وكماليات ونفس الوقت اصلاحات .. وان شاءالله مافي اي اصلاحات والله يعطيك من خيرها ويكفيك شرها ان شاءالله اخوي :)

هلا اخوي فواز وصحيح ماقصروا بس اتمنى اسمع رايك انت بعد اخوي ورايك مهم عندي :)
وتوني اعرف ان LTZ ماتنزلعندكم بس حسافه والله :rolleyes:

فواز @user_561 · 01-01-2005

أعتقد ان الشباب ماقصروا افادوك

انا اللي مضيق خلقي أن اللومينا LTZ ماتنزل عندنا بالكويت :(

ومبروك مقدما على السيارة :)

ع البال @user_9416 · 01-01-2005

اخوي THE MAX
السيدي والراديو تمام وصوت نقي وصافي جدا,وفيه ميزه حلوه ان الصوت يرتفع مع زيادة سرعة السيارة .
بالنسبة لصرفيتها للبنزين فشيء طبيعي انها تكون اكثر وبكثير من الـ 4 سلندر لأنها 6 سلندر ,ولازم تاخذ في بالك الكفرات عرض 225 والجنوط بمقاس 16 وهذي كلها تأثر في صرفها للبنزين .

وياليت تبينلي قصدك بالضبط بالأشياء اللي اضفتها فيها,يعني كماليات او اكسسوارات او اصلاحات او أي شي من كذا .

THE MAX @user_1870 صاحب الموضوع · 30-12-2004

مشكوووووووووووورين يااخوان على الردود اللي صراحه نشعر الواحد بالفخر فيكم ..
اشكركم من كل قلبي على هالافادات وعلى ارائكم الجميلة وماشاءالله اللومينا ماعليها كلام بالفعل
بس الخوف من الاشاعات اللي عليها ..

اخوي ع البال ماشاءالله سيارتك جدا جميلة وخصوصا من الداخل باين عليها فخمة بقوة . الله يعطيك خيرها ويكفيك شرها ان شاءالله .

لكن اخوي ممكن استفسار ؟؟
بكل صراحه قولي .. السي دي اللي فيها ماشي معك تمام ؟؟ ولاكله خرابات ؟؟ وابي صرفية البنزين هل هي معقولة ويمكن تتقارب مع 4 سلندر ؟؟ ومن شريتها للحين شنو الاشياء اللي حطيته فيها ؟؟

واشكرك مره ثانيه اخوي والله يعطيكم العافيه جميعا ولايحرمنا منكم |3|

اخوكم THE MAX

ع البال @user_9416 · 30-12-2004

اخوي انا سياراتي لومنيا LTZ 2004 وفي الرابط صور لها :
http://www.assayyarat.com/forums/showthread.php?t=53406

السيارة مريحة جدا وفخمة وقوية
وصرفيتها للبنزين عادية

واجهت فيها بعض المشاكل البسيطة مثل صوت في القزازة الأمامية اذا رفعتها وصلحتها على الضمان
حصل التماس في المراتب الكهربائية يوم جتنا الأمطار وصلحتها ايضا على الضمان

السيارة فيها اعلى مواصفات الفخامة
ابتداء من الخطوط الخارجية التي بنفس اللون
وانتهاء بأنوار البروجكتور الأمامية .
هذا غير الميزات الداخلية المترفة .

واذا عندك أي سؤال انا حاضر .

blackss @user_5214 · 30-12-2004

هلا اخوي

بصراحه اللو مينا LTZ منظر وغير كذا 6سلندر صرفيه بنزين عاديه لو كانت اللومينا خرابات ما كانت انتشرت كذا

سكوبي @user_14558 · 30-12-2004

اخوي اللومينا بكل انواعها الصراحة حلوة واذا حافظت عليها بتعيش لك 100 سنه

وشكرا

commodore @user_16369 · 29-12-2004

لومينا LTZ

.good

LONELYss @user_12011 · 29-12-2004

خلي ياخدها وهوا مطمن

وأكيد بعدها راح يدعيلك

المهنا بيك @user_16176 · 29-12-2004

وانا اخوك استخر واشتر الموتر انا معي 2004 والله ما فيه احلى منه ما شاء الله عليه افضل من كل المواتر

والجديد عاد طوروه مره

بو العابد @user_15343 · 29-12-2004

السياره حلوه واحد من الشباب عنده 2004 مشاء الله يمدح فيها

ولا سمعت انه 2005 غيرو القير صار اوتو خمس نمر والمكينه زادت قوتها بعد

وبالتوفيق

مؤيد اف1 @user_1786 · 29-12-2004

الصراحه اللومينا 2005 صارت احلى بكثيييييير من الموديلات السابقه..وغير كدا محركها الجديد اقوى واخف من السابق واقل صرفيه تقريبا بلترين اقل من السابق لكل 100 كم..ولكن يبقى السؤال هل المكينه الجديده معاها مشاكل ولا لا |1|

بالنسبه لي هالسياره افكر فيها ;) وعجبتني |3|

$$عبدالعزيز$$ @user_14543 · 29-12-2004

هلا اخوي

بصراحه اللو مينا LTZ منظر وغير كذا 6سلندر صرفيه بنزين عاديه لو كانت اللومينا خرابات ما كانت انتشرت كذا

لومــــــينا s @user_13950 · 29-12-2004

اخوي بالنسبه للومينا ل ت زد فهي افخم نوع من بين الا ل س وال س س ول س وحده.السياره روعه وجميله جدا جدا من الخارج والداخل ..اما صرفيتها للبنزين فيهيا بنظري عاديه جدا ..انا دايم اعبي سيارتي فل ب 48 ريال تقريبا وهذا شئ حلو لسياره 6 سلندر ... واكيد انصحك فيها لانها فيها كل المتطلبات القوه الفخامه السعر الجميل بس لو تصبر عليها شوي تنزل اكثر ...والسياره تقعد معاك 80 سنه اذا حافظت عليها ..الناس هنا يدعسون ويفحطون بعدين يقولون والله السياره خرباتها كثير ... اذا ناوي تشتري لا تشتري الا من العيسى فهو احسن الاسوء.....والله يعطيكم خيرها ويكفيكم شرها