أول مرة باللومينا لحقوا الخبر السار

السلام

اخباركم شباب؟

اخبار الاختبارات معكم ؟

ياشباب انا شفت شيا للومينا بالوكالة وعجبني لانه اول مرة من نوووعه وقلت لازم أخبر الشباب رغم انه المفروض من زمان يكون موجود لكن الشكوى لله

كنت مار بالوكالة التوكيلات اللي بالدمام على خط المطار القديم رحت قلت يمكن اشوف لومينا 2005 لكن للاسف ماحصلتها معروضة

المهم رحت واشوف لومينا اس اس 2004 سوداء وجنبها ورقة مكتوب فيها اضافات عليها مثل :

1- حساسات بالصدام الخلفي نفس لون السيارة ( تقدر تركبها سعرها مع شغل اليد بـ1000 ريال )
2- قابضات الابواب من الداخل لونها فضي شي روعه في السابق كانت نفس لون الديكور أسود ( ماسئلت عن سعرها )
3- فيه قطعه تتركب اسفل الباب من داخل السيارة لونها فضي طالع جنااااان ( ماسئلت عن سعرها أيضا )
4-عصا القير تجيك ايضا بنفس اللون اذا بغيت ( للاسف ايضا ما سئلت عن سعرها )

طبعا الاضافات هذي موجودة على اللومينا وتقدرون ترحون تشوفونها لكن لون عصا القير ما غيروه
وسعرها بـ 92 الف فل ريال كاش والاضافات هذي موجودة

للاسف ماقدرت آخذ صور لهم والسبب لاشك فرحتي باللي شفته على اللومينا

يليت تعطونا رايكم حول الموضوع هذا واتمنى اكون أفدتكم

وأنتظروا كل ما هو جديد مني |3|