ما هي الافضل - Mercedes E240 - BMW serie 5 - VW touareg -

تسلم يدينك ياغالي
موضوع مسكت ومعلومات غااااليه

اخوي سليسكوم معذور ..

اخوي الـ745 نازل في 2002 .. فرق بينه وبين الإس بس 3 سنوات تقريبا او اقل بعد ..

وبعدين لو تلاحظ البي ام الفئه الخامسه بصراحه فخاااامه محد يتكلم عليها من داخل ..

لكن من برا وخاصه الخلفيه انا مااعجبتني

..

ابو اسد .. وضح كلامك .. ان البي ام ماتصل للمدرسيدس ابدا .. بصراحه انا اشوف ان فيه مقارنه ومقارنه قويه بعد ..

بالنسبه للطوارق بصراحه فكر انت تاخذ لك سياره سته سلندر 3.0 لتر .. وعزم نايم بمعنى الكلمه بـ200 الف ..والله حرام ياجماعه ..

المشكله هو مب قوي في البر ابدا ومجربينه اخواني والله ..

فيه خلل في القير التب ترونك وهو انه يغير بلحاله اثناء طلوع والطعس وهذا شي يموت عزم السياره في البر ..

وشكــرا

البي ام

أنا أرى أن أفضل هم جميعا ذات الدفع الرباعي فلكسواجن طوارق|1|

ثم مرسيدس بنز فئة E فقط, لا غير ولا تفكر بالبي أم لانها صراحة لم تصل أبدا لمستوى مرسيدس من ناحية كل شيء(مع أحترامي للجميع ولا أقصد الأساءة لأحد):rolleyes:
|3|

حبيبي اسمحلي اذا تماديت شوي
بقولك شغلة مرسيدس كل 7سنوات تغير الشكل والفياغرا هو جيل قديم بنسبة للبي ام فئة 7 يعني نقارن الفياغرا مع البي ام 745الشكل الي قبل الي تتكلم عنها
وراح تشوف الفروقات
وتقدر تنتظر الى 2006ويطلع الجيل الجديد من الفئة اس وتقدر تقارنه مع البي ام وصدقني مهما توصلت له البي ام تظل تحت لواء مرسيدس هذا موكلمي كلام الخبراء
تحياتي

اخ سليسكوم ..

انا بقولك على شعله .. الـفئه الخامسه حنا شارين واحد 2005 .. فل ابشن .. 530 .. بصراحه ماشاءالله والله يكفيه عين الحسود رووعه فعلا ..

الـE والفئه الخامسه يتنافسون ... انا معك .. وبعض الناس يقولون البي ام احلى وبعض الناس يقولون المرسيدس احلى .. انا معك ..

لكن كـكونك تقول ان البي ام لايصف مع المرسيدس هذي قويه شوي .. صح تقول تويوتا ولا نيسان مايصفون مع مرسيدس انا معك .. لكن بي ام ماتصف مع مرسيدس انا اقولك بصراحه اسمحلي ..

يعني بصراحه شركتين متنافستين جدا جدا .. انا معكم لو قلتوا ان البي ام اكثر خرابات .. ومااختلفنا .. لكن البي ام ياجماعه رحابه و فخامه

عندك الـS والفئه السابعه .. هو الناس ممكن يقارنون بس لو تلاحظون وش اكثر رزه في الشارع .. راح تلاحظون ان البي ام اكشخ وبمراحل وهذا لعده اسباب
واولها ان شكل المرسيدس ( الفياجرا ) جدا مستهلك يعني من سنه 99 وهم يصنعونه وحنا الحين 2005 وماتغير شكله إلا تغيير طفيف جدا جدا
وثاني شي هو شكلها الداخلي .. انا مااقول انه مب حلو بالعكس هو ممتاز جدا .. بس تحس انه بسيط نوعا ما
واعذروني

واللي يقول ان البي ام احلى او ان المرسيدس احلى مافيها مشكله وهذي وجهات نظر بين شركتين المانيتين قويتين

بس اللي يقول ان البي ام لاتقارن بالمرسيدس او العكس فهو غلطان غلطان غلطان غلطان واسمحولي اقول انه مافي راسه في السيارات

وشكرا وآسف على الأطاله

وش جزمت عليه

أذكر إني شفت أودي A8 في أحد المعارض .. 12 سلندر .. قيمتها 510 ألف ريال تقريبا

لكن هذي 12 سلندر

اخوي العزيز gti_cars

الاودي A8 حلوه وانا اعرفها بس ولا مره ركبتها و سقتها بس مب قد الميزانيه ترى انا الحين عندي
سعر السيارات الي ذكرتهن انا بس يعني في هذا الحدود و انا اعرف انه ال A8 غاليه جدا جدا
فممكن تقولي كم سعرها ؟؟
واشكرك من كل قلبي على مساعدتك لي |3|

اخي D.j :
البي ام لاتحتاجها واكيد فلوسك حلال وانت لاتريد ان تصل الوكالة خلال سنة واحدة فقط ....
اذا انت من محبي الفئة هذه فالمرسيدس ستكون اهيب وعملانية افضل لك ولكن لماذا لم تفكر بال A8 الفخمة الرائعة جرب قيادتها بالوكالة واحكم بعد ذلك :-)
انا من اللذين جربوا البي ام من الوكالة والعياذ بالله (مشاكل تبدا بالمحرك للغرفة الداخلية ولحق عليها بس )

التوارغ سيارة رائعة جدا ولكن من فئة الجيبات

وشكرا

والله ماعرف شو اخذ :(

السلام عليكم

اخوي D.j بصراحه السيارات الي قلت عنها كلها تحير الواحد وكل وحده لها مميزات وشكل مختف ولكن عن نفسي راح افضل البيم دبليو اذا كنت تاخذها سياره العمر اما اذا كنت تفكر من ناحيه تبيعها في المستقبل فانصحك في المرسيدس وتكون فئه s اما بالنسبه للجيب والدفع الرباعي فما عندي له اي تعليق لاني ما احب الجيبات .
ويعطيك الف عافيه وان شاء الله لما تشتريها تخبرنا ونشوف الصور.

طيب
شنو قررت؟؟

الله يخليكم لي تسلمون ...

لو لاكم مادري شو كنت بسوي الله يخليكم

فعلا افتوني و ان شاء الله بتخذخ القرار و اول ما اشتري السياره راح اصورها وحد صورها ان شاء الله

عزيزي انا من رأيي انك تاخذ :


Mercedes-Benz E240



تقبل تحياتي

اخوك


night

اشكركم على الردود الحلوه و الساخنه في نفس الوقت و ان شاء الله بحاول اتخذ القرار الصحيح
بس انا اقارن 3 مواتر و هم في نفس الوقت كل وحده تكمل الثانيه و شكلي باخذهم الثلاث و بطيح في السلفيه :o
يا ويل حالي خليها ع الله |6|

اخوي خالد
المرسيدس مواصفات تقدر تحصل ب85الف وتقدر تحصل نفس الموديل ب70وكذا ولاتنسى اذا كانت مواصفات المانيه تختلف في السعر وتفرق عن الجفالي
انا سيارتي قبل 8شهور تقريبا اخذتها ب115الف
ولا تجي تقولي انصب عليك لنه واحد يشتغل في الجفالي صاحبي يوم اشتريها كان معي وقالي انها ماتتفوت وصحيح كلامه وماشاء الله السيارة محد شافها ولا اعجب فيها
على العموم مو ذا موضوعنا واخر شي تظل ذي وجهت نظري فقط لاغير كون ان عندي مرسيدس فبنحاز الى مرسيدس
بس محد ينكر ان مرسيدس اهي تسبق بي ام في الاختراعات
على العموم انا اسف اذا غلطت على احد
واتمنى محد يزعل مني لنه مهما تكون ذي سيارات كلها حديد
تحياتي

أخوي أذا كنت تقارن مرسيدس وبي أم أنصحك بالمرسيدس بنز

أما إذا كان داخل المقارنة سيارة جيب أكيد تاخذها مهما كان نوعها:D
عاد تقول طوارق وش خليت سيارة محترمة بمعنا الكلمة

على حسب الاستخدام إذا انت راعي بر وسفر على الخطووط انصحك بالتوارق

اما إذا كنت بالمدينه انصحك بالمرسيدس
اما البي ام خلك منها كان عندي الفئة الخامسه وذبحتني الدرايش اصلح اليمين تخرب الشمال اصلح المكيف يعلق المسجل


خلك من البي ام نصيحتي لك

هذا ألي عندي

slaiskmm
انت تضحك على نفسك ولا كيف بالضبط .. تقول سيارتك الي هي E280 موديل 2001 قيمتها مثل قيمة 2 اكورد موديل 2005 ردي بيكون في هالرابط

http://www.assayyarat.com/forums/showthread.php?t=56682

ثانياً انا مو فاهم ردك هذا وش الهدف منه .. الموضوع كان مقارنة بين 3 سيارات وكل واحد رد وقال رأيه في المقارنة وأقرا اول رد لي وتعرف اني طرحت رأيي بدون تعصب .. اما انت داخل من اولها وتقول مافيه اي مقارنة لأي سيارة مع مرسيدس ومدري ايش .. حتى لو انك مندوب مبيعات مرسيدس ما قال كذا .. وروح أسأل اي مندوب مبيعات في وكالة مرسيدس واتحدى اي واحد فيهم يقولك ان المرسيدس ما تقارن مع البي ام .. لأنهم ناس فاهمين وعارفين قوة المنافسة بين الشركتين

وعلى فكرة السعر مو المقياس الوحيد لأفضلية السيارة وبضرب لك مثال لو قارنا E500 مع LS430 سعر المرسيدس اعلى ولاكن لما تسوي تصويت لهذي المقارنة بتشوف 90% من الاصوات لصالح اللكزس مع ان سعر المرسيدس اعلى ولاكن هناك عوامل كثيرة تدخل غير السعر

وعلى كل حال النقاش من هالنوع ماله نهاية .. ولا تزعل انا قلت رأيي وكل شخص له رأي