الخبراء رايكم بين الكابريس والاوبيروس.. وش اشتري

انا اقول الكابريس لفضل لسببين:
1-فخامته وقوته
2-شكله الجميل

ههههههههههه من الي يقول ان الهولدن جديدة على السوق

ترى الهولدن لها تاريخ اقدم من السيارات اليابانية بس اللهم انها اختصت بالتسويق في استراليا ونيوزلندا على ما اعتقد فقط

اما على قولتك فلان يلعن في السيارة وفلان يسب الساعة الي اخذها فيها ترى بقول لك ترى مو بس خويانك الي يملكون الكابرس

في غيرهم يملكها ومرتاح منها و يمدحها زي مايذمون فيها خويانك فليش تحاول تفرض رايك ان الكابرس سيارة كثيرة خراب ومو عملية انت جربها بنفسك اول وبعدين احكم


وش قال قال 80 الف حشا سيارة كهربا مو كابرس ذا

تحياتي

يعطيكم العافية ياشباب على الردود بس تبون الصراحة انا ضعت الكابريس من يوم نزل والناس مختلفة فيه بمعدل 50% ناس تقول زين وناس تقول انحش يعني مافيه حل وسط طيب اذا قلنا كابريس رايكم في السته سلندر هل فيه مشاكل والا عادي زيه زي الثمانية

اللي تكفون عنده معلومات وافيه عن السكودا بحكم انها اوروبية حرارتها اسعارها مستعمل اي شيء يقوله

ابوعبدالملك صراحة انا مااحب الدفع الرباعي والجيوب
الصقار الالتيما ياخي تحس من جوه عادية مره حتى من براه كانه اوبترا شفروليه أما المستعمل مااظن الجيوب مااحبها صراحه


تحاتي لكم

تم نقل الموضوع لمنتدى تقييم السيارات

بالتوفيق :)

لو كنت مكانك ومعي التسعين ألف تدري وش بسوي :D
أبحاول أزودها شوي تقريبا 6 آلاف وباخذ لي يوكون تراه موتر من جد شي |1|
ولا وش رايك أخوي :)

اولا اخوي انصحك بالكابرس وذالك مو عشان الكيا فاشلة لاكن انك مخير بينها وبين الكابرس لذا انصحك بالكابرس اما عن الاخ الي قال منو فيكم سمع عن الهولدن اقولة حرام عليك اسال ابوك او جدك عن الهولدن يقولك ادخل موقعهم وراح تعرف ولكن السيارة توقفت في جيلنا لهذا السبب نحن لا نعرفها

تكملة ===

لو انه الموتر شفروليت زي الموديلات اللي بالتسعين كان صحيح نقول كابرس ... لكن يا شباب الاستراليين متى بدوا اصلا يصنعون سيارات

بعديت من سمع فيكم بـ(هولدن) اللي تصنعها .. يا ناس هذا الواقع !!

ماعرف الكابرس !!!!!

أخوي الكبير معه وحده ونسيبي معه وحده وولد أختي معه وحده واثنين من اخوياي معهم واخو واحد من اخوياي برضه معه وحده !!

وحده ltz وثنتين كلاسيك ووحده اس اس والاخيرة رويال .. يعني عارف لكل الانواع .. نسيبي صاحب الـLTZ كل ماشوفه يلعن ويسب فيها ..واخو خويي اللي معه اس اس كل ماشفته يقول انتبه لاتغلط لايهكون هليك .. هج .. الموتر دوخه .. راعي الرويال خويي توه مشتريه .. ويقول يلعن ام الفلوس اللي طارت هباءاُ

اخوي معه وحده كلاسيك .. كل ماشفته يقول ( مافيه غير الياباني = بدل السلام عليكم )

فرجاءا لاتقول اني ماعرف الكابريس !!!!!!!!!!!!!!!!!!!!!!!!!!!!!!!!!!!!

شف اخوي انا معي كابرس ltz 2004

اذا كانوا اهلك يركبون معك دايم ترا الكاابرس وسييييييييع تقول صاله ماشاءالله خاصه مرتبة ورا

واذا كنت راعي خطوط الكابرس عليه مكييينه خرافيه ماشاءالله تخيل تمشي 170 والضغط عند 3 !!! ونفس الشي اذا كنت راعي مقاومات , ولا تنسى ان الكابرس مشهور برساوته في الخط .

اذا تحب الدوران الـ ltz رزه وله هيبه خاصه اذا جاك ابيض ولا اسود .

بعدين ياخي الي يقولك الكابرس خرابات صدقني ما قد شرا كابرس , انا اول ما شريته كنت اخاف واحرص عليه من كثر ماسمعت عنه ومع الوقت صرت اطنش وكرفته كرف والحمدلله ماشي معي تمام ..


واي استفسار انا حاظر

اخوي
الاوبيروس راحت ولا جت كوري وماتطول معك وانا اللي فهمته انك تبي موتر ما يخرب واجد ويمسك سعره

الكابرس حلو وقوي وفخم بس يصرف بنزين وخراباته تقدر تقول كثيره

الافالون يبي يغيرونها 2005 او 2006 لانهم الى الان مانزلوا مديل 2005 يعني لا تاخذها

السكودا سبورب حلوه وموتر من احسن المواتر بس فيه مشكله غلاء قطع االغيار شوي وان قطع الغيار ماتوجد الا بالوكاله سفاري ومحل واحد بالصناعيه

والاكورد انتشرت خلاص وما احس فيها اي تميز والفل غالي شوي بحدود 87 الف ريال

عندي لك اقتراح بجانب هالسيارت طبعا كل السيارات فيها عيوب بس انت تحاول تاخذ اللي يعجبك وعيوبه ماتهتم فيها

شف الالتيما
شف الجيوب
شف المستعمل

من ناحيتي انصحك بالكابريس

الكابريس من وجهة نظري حق استعمال 6 او سبع سنين ثم بيع واشتر موتر جديد

كل السيارات حق استعمال 6 او سبع سنين بالكثير ثم بيع

انا بصراحة ماعمري شفت كابريس قرمبعة
من اول مانزل الشكل الجديد الى الحين
ووفخامة الافالون زي فخامه الكابريس ال تي زد الدرجة الاولى
ومحرك الافالون زي محرك الكامري

اول سؤال بسألك اياه هل عندك كابريس؟؟؟؟؟؟؟؟
انا متأكد لا لأن لو عندك ما قلت هالكلام

احنا عندنا كابريسين كلهم موديل 2000
واحده اس اس (مالتي) والثانيه ال اس
لأبوي مخليها للدوام وهي تقريبا الحين معديه 150 الف ولله الحمد ما ضرب القير ولا شئ.
بس محافظ على الصيانه الدوريه وهي الفلاتر كلها والزيوت.

اما اذا انت تهمل الزيت ولا تسوي الصيانه الدوريه
فأكيد كل السيارات تخترب .

هي تبع وكالة سفاري .. من ناحية قوية فهي قوية شكل ومكينة وتراها على فكرة بنزين وفخمة من جوّا
اما من ناحية يطيح سعرها فوالله الصراحة ماعندي خلفية عن الموضوع .. لكن اقول لك السيارة تقنية ألمانية لكن مصنعة في تشيكوسولفاكيا على ما أعتقد لكن لو تروح تفتح شنطتها وتشوف العدة تلقى عليها علامة أودي ..

المهم ممكن أنت تتسائل ليش إذا هي سيارة فخمة سعرها حلو مو غالي زي الباقي ..

الجواب ان السيارة هذي بعدها مادخلت مع مع سيارات الاتحاد الاوروبي .. وراح تدخل خلال السنتين القادمتين ويمكن ياصل سعرها الى 160 الف بالريوس !!

حبيب قلبي الافالون محد يقول فيها شيء بس لسه ماجاء الشكل الجديد وصراحة الشكل القديم مع احترامي غبي لكن تقول سكودا هذي والله مادري عنها هي تبع اي وكالة وهل هي سيارة قوية وسعرها مايطيح في انتظار ردك

الافالون سعرها من 76 وفوق .. يعني بتسعين تطلع لك وحده حلوة ... اخوي معه وحده .. مشى فيها ميتين الف باقل من سنتين وعايشة معه زي الفل .. وسأل عن سعرها .. لقاها ماسكته ...

على العموم عندي لك موتر ثاني لو ماعجبك الافالون .. قل وشو .. انا اقول لك ... سكودا سوبيرب .. اللي هي النوع الكبير ...

شاريها واحد من العيال .. لها معه من سنتين .. ركبتها .. وسقتها بنفسي .. تتعب وانت تقول موتر.. مابينها هي والاودي شيء ..

وماشاء الله الله لايضره ماعمره خربت معه ... وابشرك بعد الموديل الجديد حق السنة هذي نزلوا فيها شاشة نافيغيشن من احسن مايكون ..

وتراني صادق لاقلت لك تراها موتر فخم وراسي وحلو وانيق .. وسعره بالتسعين والفل اللي فيه شاشة اعتقد ان ماكنت غلطان بـ96 الف .. ورح شفها وجربها وانت الحكم !!

الأخ/blue chevy
لا والله مو امزح بس ياخي الاوبيروس فعلا فيها فخامه غير طبيعية وفيه شباب كثيرين مجربين هالسيارة ويمدحونها بشكل غير طبيعي وهذا اللي خلاني اقارنها بالكابريس وخصوصا ان الكابريس برضوه فيه ناس كثير يذمونه من بينه الاخfsnas

يعطيكم العافية ياشباب
الاخ/F.S.N.A.S شورتك زينه بس عندك فكرة عن اسعار الافالون وهل فعلا انها من السيارات التي تمسك سعرها لاني مااشوف لها شعبية عندنا في السعودية