النيتروجين

مطفوق @user_14223 · 23-04-2005

انا مافهمت سالفة النيتروجين

اللي يحطونه بدال الهواء في الكفرات

ممكن احد عنده فكره يفيدنا؟؟؟

مطفوق @user_14223 صاحب الموضوع · 27-04-2005

مشكوررريييين شباااب

انا سمعت انهم يسونها في الصناعيه القديمه في المراكز الكبار مو الورش الصغيره
بس القصد هل انها فعلا تستاهل ولا لا؟؟؟

أبو عبدالملك @user_18068 · 27-04-2005

أيضا سمعت أن النيتروجين يقلل من عمر الاطارات حيث تكون باردة من الداخل ومن الخارج تكون عكس ذلك .........
وبعدين من كثر المحطات اللي توفر هذا الهواء ما ادري عن الخلط بين الاثنين ينفع !!!!

الوليد الطائر @user_17749 · 26-04-2005

انا مع الاخ BMW735i في كلامه لو كانت السيارة حق سرعات علية مثل اللمبو او الفيراري او اي سيارة رياضية تستاهل ركبت لها نتروجين اما غير كذا ما افكر ......

BMW735i @user_13095 · 26-04-2005

ما أظن تفرق كثير ، اللي راح تحطة في النيتروجين ، راح تدفعه في البنزين مره ثانية ، وتخيل نسم الكفر عندك لسبب ما :) ترجع تعبي الكفر بي 40 ريال

!
ممكن صرفية البنزين عندك تكون مشكلة فنية في الأساس

BMW735i @user_13095 · 26-04-2005

ما أظن تفرق كثير
!
ممكن صرفية البنزين عندك تكون مشكلة فنية في الأساس

kmn @user_4210 · 25-04-2005

والله انا معي سيارة تبلع بنزين بلع الويل وحبيت اقلل الصرفية بالقدر الممكن دون نزول قوة السيارة وشكرا..

BMW735i @user_13095 · 25-04-2005

يا زين أبو بلاش
حتى الهوا سار يتباع

يا عزيزي ، والله ضحك على الدقون ، طول عمرنا بنحط هوا عادي ، الأباليس هذول يبغوا يخلونا نشتري حتى الهوا و للأسف يلقو ناس يضحكوا عليهم

عموما ، صح النيتروجين ( أو مهما كان من أي نوع من الغازات ) خواصه الفيزيائية أفضل ، لكن هل تحتاجه

يعني
هل تبغ تمشي بخط 360 ولا معاك لمبرجيني مورسيلاجو تستاهل تشترى هوا كفراتها ،،،،،،،،

الدعوة كلها ضحك في ضحك ، فلا تتورط اخوي العزيز

kmn @user_4210 · 24-04-2005

السلام
طيب وين القى النيتروجين فيه

الوليد الطائر @user_17749 · 23-04-2005

يعتبر افضل للكفرات ... لان غاز النتيتروجين بارد جدا وهذا يساعد على ان يكون الاطار دائما بارد وغير كذا انه اخف وزن من الهواء العادي فيعطي اقتصادية وعزم افضل للسيارة .... والنتروجين يستخدم في الطائرات والفورملا 1 واثبت نجاحه... مراكز بيريللي للاطارات تعبي الكفرات نتروجين والكفر الواحد بـ 35 ريال يعني يطلع عليك سعر الاربعة 140 ريال... وعلى كلامهم انه النتروجين يطول 3 مرات اكثر من الهواء داخل الاطار..بمعني مافيه اي داعي انك كل بين فترة والثانية تزيد الهواء او النتروجين فيه....