وش أحسن مغسلة سيارات في الرياض ؟

A L H A M O O R @user_17724 · 19-05-2005

يا شباب وش أحسن مغسلة سيارات في الرياض وخصوصا شمال الرياض ...
أن من تجربتي المغسلة اللي على امتداد شارع العروبة قبل معرض ( ماي كار ) ....
والمغسلة اللي في شارع التخصصي قبل شركة الاتصالات ...
انتم وش رايكم ؟
7
7
7
7
|3| |3|

A L H A M O O R @user_17724 صاحب الموضوع · 13-11-2005

الموضوع هذا له تقريبا 6 شهور !
لمذا التفاعل الآن ... :D

B R A B U S @user_18993 · 13-11-2005

السلام عليكم ورحمة الله وبركاته

والله شفت الموضوع اخواني وعجبني الحوار وحبيت انضم لكم

مع اني في البحرين الا انه مغساسلنا وللأسف انها شبه تعبانة

يعني انك تودي السيارة عند المغسلة يغسلها بالماي والصابون

وماء عادي يكون وبعدها ياشر لك تجي تاخذ السيارة وترجعها

للعمال حتى يجففوها وينظفوا داخل بشكل سريع مع التواير ويقولك

خذ سيارتك اهم شي انها نظيفها وشغلهم كله بسرعه بسرعه ولا

يعني مال تمشي وقت بس وياخ عليك دينار ونصف يعني 15 ريال

بس انه نادرا مااروح مغاسل لانه مشغل الوالد عمال يجون ينظفون سيارات

البيت ويكون شغلهم انظف من شغل المغاسل والله لانه على راحتهم يشتغلون

ولكن اوقات الفراغ انه انظف السيارت على راحتي في حوش البيت ويكون

طبعاً شغل متقن خهخهه وسلامتكم .... ونأسف على الأطالة ....

اخويكم
clk_200

L S @user_21428 · 12-11-2005

اطلق مغسلة غسلت عندها هي مغسلة العربه اللي في شارع التحلية شغلهم نظييييييييف وحلو بس 35 ريال فقط لا غير:confused:

Torque @user_23048 · 12-11-2005

كم تقريبا اغلى سعر للتنظيف الخارجي وكم أرخص شيء؟

إيسوزاوي @user_18360 · 11-11-2005

احسن مغسله ... مغسلة حوش بيتنا .. شغلهم نظيف ويغسلون من قلب ويهتمون فالسياره كأنها سيارتهم :D ... وببلاش بعد

A L R A J H I @user_20228 · 11-11-2005

أحسن مغسله هي سواقنا كل يوم مغسلها و ملمع كفراتها وتنضيف على كيفك وكل يومين يكنسها بمكنسه الكهرب

وش تبي احسن من كذا وبلاش ((((يعني مافيه خساير ))))

أخوي ( ماي كار ) مغسله 5 نجــوم أول مره اسمع بها (( أكيد لاني ما غسل عند المغاسل )) وين موقعها بالضبط وكم اسعارهم

هذا السؤال موجه للجميع

طيب هل بالرياض مغسله مثل مغاسل الخارج( أوربا والامارات و و و و و) انت بسيارتك يغسلونها

أخوكم : aza2006

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

محتاجك أبيك @user_21972 · 11-11-2005

م

ماي كار

المغسله الثانيه الي ذكرتها مغسله 5 نجوم تدري انهم يغسلون السياره بـمويه صحيه تعبئه ؟؟ هذا غير المواد التلميع والمناشف النظيفه ,,,

فعلآ بس غسيلهم غالي شوووي ,,,

ماي كار @user_22110 Banned · 11-11-2005

م

محتاجك أبيك

أطلق مغسلة مغسلة السبيعي ألي بالروووضه و المغسله ألي بجنب الديانو ألي بشارع الضباب ,,,

المغسله الثانيه الي ذكرتها مغسله 5 نجوم تدري انهم يغسلون السياره بـمويه صحيه تعبئه ؟؟ هذا غير المواد التلميع والمناشف النظيفه ,,,

نيسان للأبد @user_17211 · 11-11-2005

خل الشغالة تغسلك غسيلها قوي بس عطها كم لكمه على وجهاا قبل بداية الغسيل
( ههههههههههههه )

مشكور اخوي على موضوعك

محتاجك أبيك @user_21972 · 09-11-2005

أطلق مغسلة مغسلة السبيعي ألي بالروووضه و المغسله ألي بجنب الديانو ألي بشارع الضباب ,,,

Epica LS @user_21676 · 09-11-2005

احسن مغسلة هي عند على امتداد طريق عثمان ابن عفان (شارع البحري القديم للاخوان المهجولين) اسمها وقود السعودية يغسلون فيها خوال لكن شغلهم نظيف بقوة :)

msh3l1 @user_9394 · 21-05-2005

MORE SPEED

انوااااع التحطيم

ياخي غسلت بالعروبه ولا بغيره كله نفس السعر

و انا اغسل بالمحطات هذي عشاني ساكن قريب من هناك بسكن تبع شغل الوالد

عشان ترتاح بس :)

شباب امزح

من متى المعرفه :D

لا امزح معك خذ راحتك

M a $ a R @user_1379 · 21-05-2005

محطه السبيعي حلوه الي بالروضه عند مدراس الفلاح
لا وبعد مغسله العربه حلوه
يغسلون سوا عادي ولا بستم ب 35 شغلهم كويس بس الزين فيهم انه يغسلون السياره من داخل ويغسلون الفرش والجلد بمكينه خاصه بمروحه يغسلون الارضيه والجلد بماده خاصه احسن شي تنضيفهم للجلد
وفيه مغسله ثانيه بتقاطع الضباب مع التحليه بجنبالبنشر كويس شغلهم
تحياتي

MORE SPEED @user_16047 · 20-05-2005

m

msh3l1

بالنسبه للي على طريق العروبه شغلهم حلو

ههههههههههههههههههههه

اللحين معى وجيهكم تبون تقنعوني انكم تغسلون في شارع العروبه <<<< ياهوووووه من قدكم بس :D

حرام عليكم طايحين نصب على بعض:D

هههههههههههههه اااسف شباب امزح:)

<<< انا عن نفسي احسن مغسله غسلت فيها في الروضه حتى اسمها محطه السبيعي للمحروقات |1| ميه ميه وشلعهم على كيف كيفك ...

MORE SPEED

CamSHAFT @user_6565 · 20-05-2005

هناك مغسلة جيدة في شارع العروبة مقابل العثيم (محطة جواهر السلام)
غسيلهم راح يعجبك ان شاء الله

msh3l1 @user_9394 · 20-05-2005

بالنسبه للي على طريق العروبه شغلهم حلو لكن فيهم دفاشه شوي

مره غسلت سيارتي عندهم و يوم جا يغسل مكان تسكير الباب

من زود الحماس وصل الصابون و الماء للمرتبه و بقعت بالمرتبه

و ما راحت الى الحين .

اما اللي على التخصصي فهذي اطلق مغسله غسلت عندهم

شغل نظيف و يرشون مواد تلميع على الطبلون و يعطرون السياره

بنفس اسعار المغاسل الثانيه .

و عندك محطة الجامعه شغل مش حالك و بعد تقل يغسلون سيارتك ببلاش .

و شكرا لك على الموضوع الحلو

أبو عبدالملك @user_18068 · 19-05-2005

هناك عدد من المغاسل توفر الغسيل الأوتوماتيكي فما طريقته وبكم ؟
وهل جربت ذلك أخي دوريه ؟ ========> (اسمح لي لفيت شوي ) .....!