فورد مونديو ............ماذا عنها ؟؟

عزيزي كابرس شكرا لمرورك الجميل وثق بأن معلومة ارتفاع الحراره راح اخذها بعين الاعتبار وان شالله خبيرنا ( مونديو ) بيفيدنا فيها ...واتفق تماما معك في الغلاء الفاحش في الاكورد خصوصا اني احسب حساب لاقدرالله وصار حادث للسياره ؟؟وتكاليف التصليح !!


تحياتي .

بصراحه اخوي مونديو بعد ماقريت كلامك اعجز اني اشكرك لحجم واهمية المعلومات اللي استفدت منها الكثير وما اقول الا الله يعطيك العافيه ...بس احب اقولك ان شالله اني لو اخذت المونديو راح اخذ قير اتوماتيك |13| ان شالله والنقطه الثانيه اني

مانيب راعي سرعه يعني حدي 140 داخل المدينه و160 على السفر وهذا في حالات نادره بس انا اتمنى تكون عندي سياره

مريحه من الداخل وفيها مواصفات اوربيه وسعرها معقول خصوصا اني اقدر السيارات الاوربيه واتمنى يكون عندي مستقبلا


سياره اوربيه ايا كانت الجنسيه بس للأسف زي ماانت عارف اليورو مرتفع والسيارات الاوربيه غاليه بشكل عام |5| لذلك


اشوف اا ن المونديو تعتبر خيار ذكي ومنطقي وهالسياره بأمكاني استمتع بمواصفات مالقاها الا من 100الف وطالع بالنسبه


لغيرها ;) وياليت تفيدني عن صرفيتها للبنزين وجدول التشيك حق الوكاله والنظام الصوتي وصفاوته وتقبل تحياتي|3|

صراحة سيارة رايقة جدا وشكل خارجي ممتاز (خاصة الفل كامل)
وهي تصنع في بلجيكا

عيبها الوحيد على حسب ماسمعت هو ان الحرارة ترتفع اذا صرت واقف
لكن بشكل عام ممتازة وتستاهل من يشتريها خاصة مع الغلاء الفاحش في سعر الاكورد

السلام عليكم ..
..
الحمد لله النتائج مرضية جدا ..
..
راح اتكلم عن نقطة الثبات .. انا السياره عندي من سنتين ولله الحمد ماشاء الله ..
تجربتي للثبات على السياره شبه جنون يومي ..
اقصى تجربه لي كانت على سرعة 180 وانا داخل منعطف .. الصراحه السياره ثابته الى حد كبير .. ولكن السياره مالت قليل .. بالمعنى زحفت على خفيف جداً او بدرجه لا يلحظها الا السائق ..
..
وطبعا ياليت انت بنفسك تجرب وحده تكون جديده بكفرات بلدها ويا حبذا موديل 2005 ..
..
يعني تكون مو ملعوب بها كثير والكفرات مش ممسوحه لأن الكفرات يعتمد عليها اعتماد كلي في الثبات ..
..
السياره مواصفاتها عالية على فئتها ولكن الأن بعد نزول عديد من السيارات الجديده امثال اوكتافيا 2005 و بيجو 407 اصبحت الحيرة موجوده لأن كل سياره تمتاز بشيء معين ..
..
ولكن الأن نزلت الفوكس 2006 الجديده .. بطراز واحد وبسعر 48 الف ريال تحتوي على ثلاث انظمة مبهرة وفعاله ABS
+ EBD وقمة الأنظمة وانا شايفه بعيوني زر موجود تحت مسجل السياره مكتوب عليه ESP نظام استقرار السياره في الطريق ..وعلى فكره مصوره انا بجوالي لأني انصدمت فعلاً سياره صغيره ولأقل فئة موجود فيها عديد من الأنظمة فمابالك بالفل .. وهنا الفوكس راح تغطي زياده على المونديو بسبب قرب الحجم والمواصفات المتشابهة والشكل الجديد والسعر الرخيص ولو كانت المونديو تتفوق في بعض المواصفات ..
..
اللومينا ثباتها جيد نسبياً مثل الأكورد تقريبا بس بصراحه انا السياره ماجربتها بس ركبت مع ولد خالي عنده وحده 2004 LTZ وحسيتها ثابته نوعاً ما ولكن جربت الأكورد انا واعتقد ان الثبات متشابه ..
..

..
بالنسبة لكونك ناوي تبيع الأكورد ترى راح انبهك لشىء وانا اريد المصلحة لك ..
الأكورد حجمها اكبر واوسع من الداخل واطول وتصميمها جداً جميل ومحركها 4 سلندر 2.4 وجير خمس سرعات صوت المحرك ماتسمعه ..
..
المونديو حجمها متوسط من جميع الزوايا ولو كانت اصغر ابعاد من الاكورد بقليل .. وايضاً تصميم المونديو جميل ومخيف .. بس محركها 2 ليتر وجيرها اوتو 4 سرعات والعادي 5 سرعات اعتقد راح تفرق السواقه عليك وصوت المحرك راح يكون عالي مقارنة بالأكورد ولكن ليس بتلك الدرجه اذا كان القير اوتو .. لأن فرق السما والأرض بين الجير العادي والأوتو في المونديو من حيث هدوء المحرك الأوتو افضل بكثير ..
..
قطع السياره المونديو ارخص .. مقارنة بالأكورد ..
مكيف السياره .. المونديو بارد في الظهر والليل اذا كان الجير اوتو لأن المكيف يفرق مع القير لأن في الجير العادي اذا كنت مشغل المكيف ورجفت عندك السياره علطول الكمبريسور يفصل بعكس الأوتو ..لايفصل ولا شيء .. واذا حبيت تأخذ لا تأخذ الأ الوان فاتحه .. مثل .. ابيض او ذهبي او فضي او احد الألوان الفاتحة .. الأكورد مكيفها بارد لأنها ياباني والكثير يقول ثلج ..
..
كمان المونديو صراحه الحق ينقال اثبت بكثير .. الحق ينقال مو تفخيم بس والله اثبت ..
..
بالنسبه للجوده مااقدر أتكلم بفراغ فيها الأكورد صار لها 27 سنة يعني اكيد الجوده افضل ..
المونديو صار لها 3 سنوات بالخليج جودتها ممتازه ولكن الأكورد افضل ..
..
بدي السياره بدي الأكورد ورقة مناديل من نوع فاين .. المونديو في هذا المجال أقوى حيث هيكلها من حديد مدعم بالفولاذ في الأطراف ومدعم أيضاً بالألمونيوم المخلوط مع الحديد في الجوانب وهيكل ملحم باليزر ..
..
المهم حبيبي هذا من وجه المقارنه انا بس حبيت اوضح بعض الأشياء ..
..
المميزات كتبتها فوق .
..
ابرز العيوب ..
الأكورد المراتب قاسية وليست بالشكل المطلوب .. سعرها غالي جداً اقل فئة تجيب لك الفل أوبشن من المونديو ..
سعر قطع الغيار غالي ..
بريك السياره ضعيف في المواقف المحرجة ..
..
المونديو ..
المحرك مزعج على السرعات العالية مع الجير العادي اما الأوتو فرق كبير
السياره ليست عريضة بكفاية ..
..
اي استفسار انا جاهز |3|

الاخ العزيز ( خبير مونديو )


راح انتظر ردك ومعلوماتك القيمه بفارغ الصبر وان شالله تكون نتايج الاختبارات جيده وتسر الخاطر


لأنه بيني وبينك ( ماسكه ) معي من اسبوع اني ابيع الاكورد 2004 اللي معي واخذلي مونديو !!وماتتخيل وشلون اني جاد بهالموضوع وكل يوم اقعد اشاور واضرب اخماس بأسداس .


تحياتي

يعطيك العافيه اخوي لومينا على سردك لمواصفات السيارتين ,,,,

ولكن من المعروف عن اللومينا والكابرس عدم الرساوه على السرعات العاليه 140فما فوق فهل هذا صحيح وهل هذا ينطبق على المونديو خصوصا اذا اخذنا بالاعتبار انها تصنع في اوروبا !


تحياتي العطره

لي رجعة ..
بس انتظر شوي .. رايح اشوف النتائج اول ..
وراح ارد بخصوص السياره بما يرضي الله ثم يرضيك
..
تحياتي ,,

السلام عليكم ورحمة الله وبركاته

اشكرك اخوي ( super honda) على موضوعك .

وانا لا املك ( لومينا ) ولكن املك ( كابرس ) ولكن سأوضح الفرق واهم المميزات :

- المونديو اصغر حجما من اللومينا .

- المونديو بما انها 6سلندر فأنها تنافس اللومينا 6 سلندر .

-المونديو تتوفر بأنوار ( زينون ) اللومينا لا تتوفر بأنوار ( زينون ) .

- المونديو لاتختلف عن اللومينا من حيث الثبات على الطريق .

- مستوى الفخامة في السيارتان يتاشبه .

- قطع الغيار في اللومينا اسعارها مناسبة و المونديو ايضا مناسبه .

- من حيث الراحة في المقاعد في المونديو اكثر من اللومينا بسبب تصميم المقاعد في اللومينا ضيق قليلا ولكن المونديو

غير ضيق .

واللومينا تتشابه قليلا بالمونديو من حيث المواصفات وبعض المواصفات في المونديو لاتوجد في اللومينا .

وشكرا

اضم صوتي الى صوت الاخ المالكي في استفساراته واتمنى من لديه الخبره والدرايه ان يفيدنا بها .


تحياتي

صديقي كابرس بالفعل سياره رائعه ومرورك اروع شكرا لك .

عزيزي nyc لهذا السبب انا فتحت هالموضوع واتفق تماما مع ماذكرت واستغرب بنفس الوقت عدم تهافت الناس عليها !




شكرا لمرورك |1|

شكرا لمرورك اخوي ( لومينا 2005) بس يبدو لي انك من ملاك اللومينا فياليت توضح لي بعض الفروقات الاساسيه بين اللومينا والمونديو على اعتبار انهما بنفس الفئه .


تحياتي .

|1| يعطيك العافيه اخوي على هالمعلومات القيمه وياليت تقولي بكم اشتراها اخوك ؟



تحياتي

طيب كيف السياره في الخطوط يعني مريحه مقارنه بالياباني والا نفس الشيء. وكم يبلغ سعر الفل ؟؟

سياره جدا رائعه

بالتوفيق

كل من يفتح موضوعها ينعجب فيها ويشوف الكل يمدحها ، وانا كل ما نصحت واحد فيها شراها

بالتوفيق |1|

السلام عليكم ورحمة الله وبركاته

السيارة جميلة جدا و قطع الغيرا مثل ما قال اخوي جيده ولكن ليست مثل التويوتا . ومقارنة بقطع الهوندا .

وتتميز بمواصفات كثيرة منها الزينون و الفخامة .....

السيارة تصنع في اوروبا وتتميز بالقوة و قلة الاعطال .

شكرا