انا صراحة اتوقع في مشكلة في المكينة لأني ما اتوقع اول ما شريتها كانت صرفيتها كذا
او يمكن في قطعة تستهل وانا ما غيرتها انا ما اغير الا الزيت و البواجي غير كذا ما أغير فما ادري في شيئ يتغير و انا ما غيرته ويسبب الاستهلاك الزايد
بس يا s.a.3 مع ان الصني صرفيتها كثيرة الا اني اشهد انها صبورة وتتحمل
لأنه ما باقي مطبة ما اكلتها ولا حفرة ما طحت فيها وحتى وانا مسرع اطيع في حفر عادي السيارة ما تقول شيء ماشاء الله عليها
ولا باقي رصيف ما صعدته و حتى التطعيس طعست وغرزت وعلقت و الحمد لله ما وديتها اللوكالة الا مرة تشييك بس
وتصدق اني مرة وانا ما شي 130 وكان الشارع مكسر والا والاقي ذاك الجزء من الشارع اللي مرتفع تقريبا 20 سم او 30 سم واصقع فيه تتوقع وش صار ؟
ما صار شيء !!! والله لو انها هنداي كان تفككت انا واحد من ربعي توه مطلع سوناته الجديدة اكل مطبة وهو ما يدري المساعدات قامت تطلع صوت ما ادري وش بيصير فيها لو اني انا اللي اسوق
على العموم كل سيارة لها عيوب و مميزات وسالفة البنزين ان شاء الله نلاقي لها حل
ومشكور على الرد واسف على الثرثرة بس بغيت اعطي السيارة حقها
