ياشباب احذروا من بعض الورش المشهورة والنصابة

مشكووور على التواصل إخواني almalki \\ Night Hawk \\ salehhd \\ اسير دروبك \\ أبو عبدالملك
وبالنسبة لسيارتي ظهرت فيها حذفة شديدة جهة اليمين فرجعت لمركز برجستون وسووا لي الوزن مرة أخرى مجانًا بناء على الفاتورة السابقة ولكن للاسف لم تختفي الحذفة فذهبت لميزان العضيب مرة أخرى وماكنت ناوي أصلحها عندهم لكن قلت خل نشوف وش يقولون هالمرة المهم استلم السيارة عامل هندي وقال تكلف 100 ريال وزن وإذا مازبط الوزن نسوي لك سحب مقص مع وزن بـ 180 ريال ،، أنا تطمنت لكلامه لأنه في زيارتي السابقة لهم قال لي الباكستاني اللي استلم السيارة ذاك الوقت تكلف 450 والسيارة مافيها حذفة ولاشيء ،، فتوكلت على الله وسويت الوزن عندهم بـ 100 ريال ،، فاللي يبي يروح لميزان العضيب يحذر كل الحذر من الباكستاني اللي هناك ،،

بالنسبة لعنوان مركز بريجستون فاللي أعرفه لهم مركزين على الخدمة لطريق خريص الأول في حي الملز بين شارع الستين وشارع الأحساء (بجوار بنده) ،، والثاني في حي النسيم بين ماكدونالدز ووكالة تويوتا عبداللطيف جميل ،،

مع تحياتي
CAMRY2K

أخي CAMRY2K فعلا يجب الانتباه لمثل هؤلاء
لكن أين يوجد مركز خدمة إطارات بريجستون بالضبط ؟؟

السلام عليكم
عندنا بي ام 97خربانة الستاره الخلفية رحنا محل حق قطع غيار مستعمل لان الوكالة غالي
قلت للسعودي كم شغل اليد قال 300 قلت اوكي
رحت الورشة المتخصصة في البي ام مقابل مركز العضيب حق صيانة لكزس الصناعية القديمة
قال شغل اليد 500 ريال قلتلة المحل اللي شاري منة الستارة يقول 250 شغل اليد (يقول 300 )
قال التركي امزح معك اصلحها 250
شوف كم طاح من السعر نص القيمة
المشكلة اني اعرفة وماروح ورشات غيرهم

أخوي Night Hawk النصابين وعديمي الضمير في كل الشعوب موجودين. الله يكفينا شرهم. الحل أن الواحد ما يثق في ورشه واحه يعني الله يعين يروح أكثر من ورشه ويسأل ويقارن. وراح يكتشف اشياء كثيره تفيده في اختيار الأفضل.

تحياتي

السلام عليكم

بصراحة مرت علينا نصباك كثيرة وياما دفعنا على اشياء تقدر تصلحها عند البيت

والمشكلة لما تدفع دم قلبك وفي الاخر ما تتصلح المشكلة

حالياً اتعامل مع الوكاله ادفع شوي فلوس زيادة ويصلحون السيارة وافتك احسن ما تصير سيارتي حقل تجارب لك من هب ودب

اذكر قبل حوالي 8 سنوات كان عندي متسوبيشي جلنت موديل 89 والعامود عندي ضرب وديتها لورش الخضرية بالدمام

شاف السيارة المصري قتله السيارة محتاجة توظيب قالي هي دي العربية امريكاني

بالله واحد مش عارف نوع السيارة شلون يصلحها

الزبدة وديتها ورشه ثانية وشغل فلبينية وصلحو السيارة وكلفت مع قطع الغيار اكثر من 3500ريال والقطع شريتها بنفسي اصلية من الوكيل


وبعد 4 شهور ضربت المكينة قال ايش طرمبة الزيت خربانة وانت ماغيرتها وراحت فلوسك يا صابر

ومرة عندي هوندا 92 قير تماتيك قالولي القير ضرب ووديتها عند اكثر من وركشة منها ورشة تراي ستار حق القيور عندهم سوري نصاب يقولي التوظيب حق القير 2500 ريال غير القطع

وخلاني اروح التشليح واركب قير ياباني ولا ضبط في الاخر رجعت القير القديم ووديتها حق هندي قالي البيرنج خربان وما كلف الا 150 ريال
وغيرها كثير والله افلام لاكن الحمد لله من 98 ما في الا سيارت وكاله ولا انزل بموديل وكله تصليح على الضمان واذا انتهى الضمان شريت غيرها

جاني النوم
بروح اصلي وانام
تصبحون على خير

اخوي المالكي:
طيب اذا كان السعودي هو رئيس المحتالين الجشع ايش الحل؟؟
زي ما حصل في حالتي

والله يا أخوان اغلب الورش يعمل فيها أجانب وشغلهم نصب عيني عينك.

لكن المفروض ان الواحد يكون مفتح يعني يسأل ويفاصل وما يخلي أي كلام يمشي عليه. ويحاول انه يثقف نفسه يعني على الأقل يكون عارف بالاجزاء المهمه للسياره وعملها وايش يصير اذا حصل خلل فيها.

يعني على الأقل ما أحد يستهبل عليه. ايضا لابد الواحد يمر اكثر من ورشه ويقارن كلامهم حول المشكله الموجوده في سيارته وهل اتفقوا على نفس العطل واذا اتفقوا يفاصلهم في الاسعار . يعني مثلا يقول الورشه الفلانيه قالوا نصلح لك بسعر كذا كم تخفظواعنهم وهكذا.

وبالتوفيق للجميع

أخواي Night Hawk و الـصـقـار ،، شاكر ومقدر لكم مروركم ومشاركتكم بتجربتكم ،، وأتمنى من بقية الأعضاء المهتمين المشاركة بتجاربهم إن وجدت مع ورشات النصب والاحتيال ،،

مع تحياتي
CAMRY2K

والله انك صادق اخوي كامري


العضيب هذا وميزان المجد وغيره التابعه لنفس المالك كلها نصابه وقد سووا لي ترصيص ورجعت المشكله