ودعست واشوف الموتر يرجع لكن ليش العدادات طافيه وبرضوه كهرب الموتر طافي !
ناديت خويي وسألته واستغرب وعلى طول كلم راعي الونش وخلاه يروح وخذ الموتر ورفعه وفحص على القير وكل شي مظبوط وناظرنا التوصيلات ممكن فيه شي محترق وفك الطبلون ومدري وشو وفي الاخير بعد يومين من التدقيق لقينا المشكله .. وهي ان القير الاول حق الوكاله يوم فكيناه وفصلنا الكيبل عنه كان القير في وضعيه الـ P وركبنا القيور الثانيه وماانتبهنا على كهرب السياره ابدا ...
وصار انه ركبنا قير ثاني وانه اذا تعشق من الـ P الى اي وضعيه ثانيه يعطي معلومه بأن القير مهب موجود لكون انه مهب مشبك بتوصيله موجوده تحت وهالتوصيله موصله الى الكمبيوتر الموجود حق MSD وكانت اصلا موصله في الكمبيوتر الاول .. وكان يعطي انه مافيه قير والكمبيوتر عنده اوامر بأن الكهرب والبنزين والهواء يدخلن بشكل اكثر وفي نفس الوقت الفلاي ويل يتحرك من القير مع ان عنده اوامر ان القير مهب موجود وصار الدينمو مايولد ولذلك يخف الكهرب وفي نفس الوقت في احيانا مناطق في السياره يضعف فيها الكهرب لدرجه انه ماتوصل له ذبذبات انه يشتغل ...
والحل ان نفصل هالسلك .. حاولنا من عند الظفيره لكن صعب انك تتعرف عليه وحلنا ان حنا نفك الكراسي والفرشه اللى تحت وندور على السلك ولقيناه بعد تعب من التدوير وفصلناه كله (( مجموعه اسلاك في كيبل )) وشغلنا الموتر على طول واشتغل وكل شي صار مظبوط ...
ولا اكذب اذا قلت اني ايست يوم شفت المشكله ولا عرفنا وش سببها الا بعد يومين وكنت متحطم من جد لان متوقع مشاكل لكن مهب الى هالدرجه هذي !
عموما كلشي ظبط وشغلنا الموتر وخذنا فيه لفه (( رهيب الموتر بدون اقزوز )) وعاد شلناه الى محل الاقزوز
وتشوفون الفلتر مغطى بكيسه
وركبنا الاقزوز وكان تركيب اي كلام وشغل بايخ حتى انه يوم شاف المكينه قال مااقدر اسوي هيدرز !!
وكنت مظطر اني اصلح عنده لاني ماابي اصلح شي زين وانا مدري عن السياره وتوها تحت التجربه ...
خلصنا من الاقزوز والغبي وصل الاقزوز من تحت وشبكهن تحت القير يعني الحين بغير زيت القير لازم افك الاقزوز !!
والله من التناحه لكن ان شاءالله قريب اركب هيدرز وسيستم اقزوز ...
وهذي اول تحركيه بعد تركيب الاقزوز وعلى طول الى محطه البنزين وكان الصوت جدا عالي ولاادري ليش !
لان حاليا نزل صوتها مدري هل هو هوجاس ولا مجرد حدس فكري :D
عموما السياره من بعد المحطه طفت
وكانت المشكله في الكربريتر ورجعناها وفكينا الكربريتر ونظفناه ولقينا فيه وصخ والله اعلم ان المحل فكوا الكيسه (( مع اني قايلهم ومحذرهم لايفكون الكيسه اللى على الفلتر )) وخذ تراب ورذاذ بويه وتلحيم !! والله هالكربريتر ماشاءالله تحمل الين المحطه ...
ولله الحمد طلعت السياره وكانت فيه مشكله بسيطه بس وهي ان المكيف حق اللومينا توصيلاته تجي على جنب وقالوا مانقدر نوصل لك توصيلات بالالمنيوم لانه بيطق في الشاصي والمهم مافيه الا اجيب كمبرسور كمارو (( لان توصيلاته تجي من ورا وبعيده عن الشاصي )) واصلا في نفسي هالكمبروسور وابيه حق اللومينا .. المهم مع الدوران لقيت بنغالي وقلت تقدر قال اقدر وقلت يالله بس لااشوفك تحرك شي ولا تفك شي
جيت بكره ولقيته والله مصلحه ومزينه ماشاءالله عليه .. وكل الناس وكل المحلات قالوا مستحيل نفصل في هالمكان لانه ضيق اما هذا ماشاءالله عليه فصل وظبط وعطيته مقسومه من الفرحه
السياره الى الان قويه تقريبا واكيد تفرق عن الوكاله وجربت مع اخوياي اللى معهم بعض السيارات ولقيت فيه فرق وارتحت من اول شي لكن تعرفون القير الغبي لازم له كت كلتشات وهيدرز واسلاك وبواجي رياضيه لاني من فتره الى فتره افك البواجي واصنفرهن والحين الموتر مكتوم ويهتز بشكل غير طبيعي وكل ماوديته عند واحد قالي المكان ضيق ومااقدر افصل له هيدرز الا فوكس وقالي بـ 8000 درهم <= = = والله لو يصنعونه من ذهب |10|
وحاليا ماجربت مع احد رسمي الين اظبط باقي الاشياء من قير واقزوز لان بصراحه القوه اكثر من نصها مضيعها القير لكن نشوف البنزين اللى يشرب وماكنت ملاحظ الشرب اللى في بالي وكنت متوقعه لكن يوم صلحت المكيف لقيت شرب وشرب انما ايه |13|
الموتر يصرف بنزين مع المكيف لكن ماعلينا ...
والمشكله اللى تصادفنا حاليا هو ان الكربريتر حجمه كبير ولذلك بعد فك الدعسه يطلع من الشكمان دخان بنزين مااحترق وحاولت اني اوزن لكن مافيه حل والحل قاله خويي وهو اني اغير الكربريتر الى حجم اصغر ومتى ماجا في بالي اركب اي اضافه اركب هالكربريتر وهذا الحل في طور التفكير والمشاورات ...
وعموما السياره تحت التجريب في كل شي وادقق عليها من كل شي ونتأكد هي بخير ولا لا ...
وهذي صور السياره قبل التعديل
