السلام عليكم و رحمة الله و بركاته
هذا أول موضوع لي تقريباً في هذا المنتدى ... و أنا طرحت الموضوع للي ناوي على الأكورد خاصة ... و للمنتدى عامةً ... و أحاول إن يكون كلامي غير انحيازي للسيارة ... هذا و الله الموفق ...
بداية قبل شهر ... في تاريخ 13/6/1426هـ ... استلمت سيارتي الأكورد ::: اللون أسود .. الداخلية جلد بيج ... كامل المواصفات بقيمة 86500 ريال ...هاذي السيارة الي كنت أحلم فيها من أول ما نزلت في 2003 ... و مع إنتشارها إلا إني بغيتها يعني بغيتها :D ... مع إن كان عندي في الخيارات الأفالون ... و اخترت الأربعة سلندر ... لأن الكل يقول إن الستة سلندر صرفية أكثر و سعر ما تستاهله السيارة .....
طبعاً أخذت السيارة عن إقتناع تام إلا في شيء واحد و هو ال TEST DRIVE ... لأن كان الوالد معاي و يقول كيف تجرب سيارة جديدة ؟؟ ... مع إني مجرب الأكوردات ( 1998 - ثلاث سيارات 1997 - 1992 - 1987 ) <<< عاشق هوندا أكورد من قبل :D ... و كنت أحسها سيارة مميزة و خاصة الصوت ...
استلمت السيارة و للحين ماشية 1210 كيلو ... و هاذي أبرز الملاحظات الي لاحظتها في السيارة ::::
الإيجابيات :::
1- العزم رائع و يحسسك بمتعة في القيادة ...
2- الصوت و يا عيني على الصوت ... ( أقصد صوت المحرك ) ... لما تدعس على خفيف تسمع ( درررررر ) ... و لما تدعس بقوة شوي تسمع زي الأوبل ( تسسسسسس ) ... شيء ممتع صراحة :D
3- العزل الصوتي ... صراحة مدهش .. لدرجة إني لما أشغل المكيف و المسجل بصوت 11 أو 12 .. ما أسمع أصوات السيارات .. و هذا الشيء أخاف إنه يخف مع الزمن ...
4- صوت إغلاق الأبواب جميل ... و يريحك ... لكن الله يعينك على جماعة المتعودين على الجموس و التسعاوي ... لازم يخرب عليك الوزنية ...
5- الشكل الجميل الداخلي ... يعني ترتاح لما تنظر لسيارتك من الداخل ...
6- الديكور تحسه متماسك و غير متخلخل ...
7-الجنوط شكلها جميل و مقبول ...
8- رساوة السيارة معقول و تحسنت بشكل كبير عن السابق ... <<< مجرب
9- تعامل الوكالة لك عليه لكن يعتبر إيجابي ...
10 - المسجل صوته رائع و ناعم ...
هاذي الإيجابيات الي حاضرتني الحين ...
ــــــــــــــــــــــــــــ
السلبيات :::
1- قساوة المراتب ... والله أنا ما حسيت بالسلبية هاذي إلا لما أركب سيارة أخوي الألتيما ... أفكر أركب مراتب فياجرا |11|
2- تعليق قاسي .. حتى الألتيما الي جنوطها أكبر و أعرض ما تحس بالطريق مثل الهوندا ... يعني إذا كان الشارع ........ الله يعينك ...
3- فتحة السقف لا ترتفع بشكل واضح ... يعني معظم السيارة إرتفاع الفتحة أعلى منها ...
4- البودي أحس أي ضربة إضمن إن سيارتك فيها شيء ... حتى الحجارة ؟؟؟
5- الأبعاد في الخلف صارت أصعب من قبل ... أفكر أركب حساسات خلفية ؟!
6- سعر السيارة مرتفع جداً مقابل لا شيء ؟! ... أحد معارفي عنده هوندا أكورد الدفعة الأولى ستة سلندر .. أخذها وكالة ب 90 ألف ... و أنا سيارتي أربعة سلندر ب 87 ألف ؟؟
7- قطع الغيار و أجور اليد جداً مرتفعة ؟؟؟
8- وكالة الهوندا أقصد وكالة الأكورد ... كللللللها أكوردات ... مو شرط يكون عيب ... لكن أنا ما عرفت سيارتي من كثر الأكوردات السود ... ( يعتبر نوعاً ما إيجابي )
9- السيارة بها طقة جير لما تعشق من R إلى N ... صراحة ما أدري إيش سببها ؟! ...
10 - مسجل الكاسيت ... والله تحس بنقص في السيارة ...
ـــــــــــــــــــــــــــ
يا شباب قولوا ما شاء الله تراني مو سالم من العين ... والله للحين 13 حكة في السيارة ... و هي مالها شهر ... خلقي ضايق ... بس الله المعين ... عليه نتوكل و به نستعين ...
أنا أستقبل ردودكم جميعاً ... بس أتمنى ما يكون فيها تعصب ...
تحياتي للجميع ....
