يا اصحاب الخبرة بالدفرنشات ارجوكم المساعدة

SالقايدS @user_19637 · 14-09-2005

السلام عليكم ورحمة الله وبركاته
انا عندي قراند ماركيز 98 بس فيه صوت بالدفرنش
رحت لميكانيكيين قالوا لي هذا الكرونه تبي تخرب
فـ وش رايكم اغير الكرونه والا الدفرنش والا وش اسوي
وما ادري انا اشتري كرونه جديدة والا تشليح
وكم سعرها جديدة وتشليح
وارجو منكم تقولون لي وش احسن ورشة بالدمام والا الخبر تعرف للدفرنشات والسوالف هذي
سمعت ورشة سهم بالدمام هل تنصحون فيهاوالا فيه غيرها
ارجو انكم ما تبخلون علي بالاراء
ولكم كل الشكر والتقدير

Cefiro @user_19734 · 22-11-2005

الكرونه تخرب اذا مشت السياره كثير حول 500 الف
خربت عندي في سياره الوالد كابرس 96 ماشي 600 الف وغيرناها في الوكاله العيسى باربعه الالف الا قليل ولو درينا شرينا دفرنس كامل مستعمل من التشليح
ارخص!!!!!!!!!!!!!!!

ناصرعبدالعزيز @user_21416 · 22-11-2005

الف شكر اخوي فني السيارات

===========

ابي ورشه متخصصه في الكرونه ولها تجارب سابقه في معالجة مثل هذه الامور

ولابد ان تكون في الرياض

الرجاء المساعده قدر المستطاع

فني سيارات @user_8460 · 21-11-2005

ناصرعبدالعزيز
نعم اخي العزيز واحتمالك في محله
ولكنه ضعيف وغالبا ما يكون الضغط على الكارونه وهي التي تخرب
ولكن لتحديد اين الخلل

ياتي دور الفني في الورشه
ولافضل هو المجس الي عند المكانيكي لتحديد قوة الصوت
مثل الي يلبسه الطبيب هو الانسب لتحديد قوة الصوت ولاهتزاز ومعرفة الخلل بضبط
واعتقد لو راجعت كلامي اني قلت هذا الاحتمال ولكن من يحدد هذا الشئ الميكانيكي نفسه

ناصرعبدالعزيز @user_21416 · 21-11-2005

اخوي الفني

انا عندي نفس المشكله ولفت انتباهي لردكعلى الاخ القايد

في ( بس فيه احتمال يكون الصوت من البيرنجات (الرمان بلي ) الي في الدفرلايشن)

هل رمانات الدفرنس الخلفي تطلع صوت زي الونه !!!
لأن الفني فحص موتري الماركيز 98 قال احتمال تكون منهااا
لأن الونه ليست بالواضحه

وهل موقع الرمانات تأتي بعد الهوبات من الداخل وتكون فوق العكس !!

آمل الرد اخوي الفني

SالقايدS @user_19637 صاحب الموضوع · 17-09-2005

ياجماعة ماعهدناكم كذا
وين شباب المنتدى المعطاء
عطونا الحل

SالقايدS @user_19637 صاحب الموضوع · 15-09-2005

جزاك الله الف خير اخوي فني السيارات
وننتظر آراء الاخوان

فني سيارات @user_8460 · 14-09-2005

SالقايدS

وعليكم السلام و رحمة الله و بركاته

اخي الكريم اذا اتاكدت ان من الكارونه خلاص الله يعينك وتبدل الكارونه
بس فيه احتمال يكون الصوت من البيرنجات (الرمان بلي ) الي في الدفرلايشن او شي
بس مادام هم شافو السياره و فحصوها
تبدل الكارونه فقط لاغير و الكارونه بشكل عام غاليه بيت 3000 الى 5000 ريال بس يمكن عندكم ارخص والله يعينك
بعد ماتبدل الكارونه وتحط الزيت تمشي عليها حوزالي 50 كيلو تبدل الزيت مره ثانيه يكون افضل لتنزيل الرواسب القديمه وتتخلص منها (برادة الحديد الناعمة جدا تلاقيها مخلوطه مع الزيت )
الله يعينك