هلا بك اخوي
اول شي اهنيك على اللون ... انا معي ltz 2004 ابيض :)
بالنسبه للأستخدام .. ارفق عليها ونتبه من المطبات والشوارع التعبانه وبتمشي معك زي العسل ... ما انتبهت لها الديكور بيبدا يطلع لك اصوات خفيييفه .... وحتى لو كرفتها وشبيت عليها الاجزاء الميكانيكيه ما راح تواجه معها مشاكل معها اطلاقا ... اللهم الديكور حساس شوي .
وايضا عندك الفحمات بيبلك تغيرها كل 15 او 10 الالف على حسب استخدامك ( عيب في الكوابرس واللومينات ) مع العلم انها تجلس معي 30 الف وغيري تجلس معهم فتره اطول .
عيوبها مثل ما قلت الديكور حساس ( وترا هالنقطه تختلف من سياره لسياره يعني حظوظ ) , عندك الفحمات تعبانه ... والعزل الصوتي تعبان على السرعات العاليه .. لكن البعض يعتبره ميزه خاصه اذا كانت السياره ثمانيه سلندر :D
اول الف يقولون لا تتعطى الثمانين ... اذا كنت بتاخذ 8 سلندر انا اقولك لك الي 150 - 160 لأن الظغط بيكون نازل وتوه ما وصل حتى الـثلاثه !
بالنسبه للنصائح على المدى الطويل صدقني ما يحتاج اعطيك نصايح , لان بمجرد انك تشريها و تجلس معك فتره صدقني تبي تطيح في حبها وبتصير تخاف عليها :D صدقني الكابرس ينحب :) يعني انت من نفسك تبي تعرف وش الي يصلح للسياره و وش الي بيضرها .
" كل شي تحسون اني استفيد منه " .. اممممم .... خذ جلد لأني انا تحسفت اني ما خذت الجلد والفرق كله 5 الاف ما كنت ادري اني اذا خذت جلد الطاره والقير والجلنط بيكونون مجلدين بجلد حلو مرره ... قبل ما تاخذ السياره اطلب من الوكاله انهم يورونك السياره نفسها واشيك عليها انت من جوا وشيك على البودي ... واخر شي انصحك بالثمانيه سلندر ... صدقني تستاهل وفرقها عن ال6 في الصرفيه شي بسيط .. وبعدين ياخي اذا جاك راعي لكزس جي اس ولا اي اس ولا حتى انفنتي و 430 رافع خشمه عليك عطه بس دعست بنزيم وصدقني يبي يحترم نفسه بعدها :Dولا تهون الفياقرا 500
اي اسئله انا حاظر والله يكتب لك الي فيه خير وخيره
[/color]
