الحصان الياباني والأمريكي

دايماً لما تجي تقرأ عن سيارة مزودة يمر بك مصطلح gear sets أو Last gear ratio و المقصود هنا هو عبارة عن ترسين واحد على شكل حلقة و هو اللي يحرك الدفرنش و واحد مخروطي يحرك الحلقة و يكون موصول بالصليب من داخل :)

و هو يشكل المكونات الأساسية لما بداخل الكارونة و تغييره جداً بسيط و فرق محسوس :)

أهلاً أهلاً بالبروف بشار :D

حبيبي عندي سؤال خفيف .. ابغى استفسر عن هالنقطة زيادة .. وشلون تسير تغيير النسبة ؟ هل هو تغير الكارونة كلها ولا تعديل عن طريق الكمبيوتر ولا كيف ؟؟

وبس :)

الستيج 2 فيه نطة كبيرة باللفت عن شد بلاده و يهذا ان دل على شئ فإنه يدل على انه يؤهل الى الدخول الى RPM عالي

ان من أهم التغييرات للدخول الى RPM عالي هو الفاليشن يعني البلوف و التكايات و الكام و الروكرات

ممكن يؤثر على البستم في حال ان اللفت حقه كان أكبر من المفروض فممكن يحصل تلامس بين البلف و البستم و لذلك اذا كان الكت مخصص لمكينة التيربو فإبعد عنه لأن التيربو بساتنه دش في أغلب السيرات اما اللي بدون تيربو فهي فلات و انت ما تبي يصقع بلف في بستم أكيد :)

وضعك سليم و اذا خايف على الكرنك يبغي لك تبدل الثقالة بشي أفتر ماركت تعطي وزنية أفضل ان وجد

و نصيحة :)

بدل ما تكلف حالك هالمبالغ روح التشاليح و اشتري لك مكينة امبريزا تيربو قيمهم على 3-4 آلاف يركبو على نفس القير و نفس الكراسي ولا تغير في الظفيرة الا الكمبيوتر و خلاص :D

Initial D

اخيرا لقيت واحد يزود ياباني :D

اول شي مبروك على الكامات مقدما |3|


من ناحيه الريف يوصل الى 7500 rpm مع الكامات و السبرنكات و البلوف و اهم شي ال Retainers يكون تيتانيوم عشان يتحمل الريف العالي و تستفيد من خفه التيتانيوم يصير تسارع الريف سريع جدااا .
البساتم و الكرنك مالها دخل مباشر بالريف العالي خصوصا انك مارفعت الريف اكثر من 600 rpm عن ريف المصنع

لاكن عندي سؤال الكمبيوتر كيف راح يبرمج نفسه بعد ماتسوي له ريسيت على الكامات الجديده ؟؟ يمكن هذا بنظام السوبارو ؟؟
انا اعدل في سيارتي المشروع القادم :D و مع تغيير الكامات لازم تعيد البرمجه من جديد عشان يشتغل معاك الكام و تستفيد منه بشكل كامل

انا اللي اعرفه انك لازم ترجع تعيد وزن الهواء و البنزين عشان مايصير عندك باك فاير .

اوكي :D

طبعا هذي معلومات عن اللفة حقت الإنتيك/أكزوست شد وكاله ....
الـ Valve Lift (Inches) حق الانتيك 0.315 والاكزوزست 0.266 والديوريشن 180 حق الانتيك و 182 حق الاكزوزست

هذي مواصفات ستيج 3 (( 300 حصان N/A على 2 لتر ))
الـ Valve Lift (Inches) حق النتيك 0.430 والاكزوزست 0.430 والديوريشن 248 حق الانتيك و 250 حق الاكزوزست


اما الستيج 2 (( :D واللي انا حاطه في بالي (( 230 حصان N/A ))
الـ Valve Lift (Inches) حق الانتيك 0.376 والاكزوزست 0.314 والديوريشن 205 حق الانتيك و 200 حق الاكزوزست






:confused: بس اخوي بشار سؤال واحد محيرني من زمان وما لقيت له حل ؟؟
الشركه اللي انشالله بشتري منهم كت كامل حق ستيج 2 (( كامات وبلوف وسبرقات )) مستوى الامان فيها إلى 7500 دوره . وهم كاتبين انه ستيج 2 يعطي 230 حصان عند 7000 دوره ...... اللحين انا سيارتي يبدأ الخط الاحمر من الـ 6000 دوره. هل لو ركبت الكامات مع بلوفها والسبرنقات أقدر اوصل 7000 دوره (( واخلي الـRev limit على 7200 دوره )) بإضافة برمجه جديده للكمبيوتر لكن هل راح يسبب مشكله مع عمود الكرنك والبساتن لو وصلت للـ 7000 دوره ؟؟ لانهم بيكونون شد وكاله وماراح أغيرهم لانه يكلف $$$ ...

الطاقة المفقودة في البكرات محسوبة في الداينو جت أما في الويل فيضاف القير و الشفت و اذا ما كنت غلطان انه يقيس حتى التراكشن :)

Initial D : قيمة كام 8000 ريال !!

ذكرتني بالبي ام يا شيخ :D

ممكن تعطينا معلومات عن اللفت حقه و الإنتيك/أكزوست ؟

:)

مشكور خوى ولكن احب ان اعرفك ان هناك فرق فى قياس الحصان الالمانى والحصان اليابانى
هذا الفرق فى ظروف القياس مثل درجة الحرارة وكذلك هناك بعض الباور المفقودة فى (طلمبة المياه والدينامو ومروحة التبريد والحرارة المفقودة فى مياه التبريد ) ولذلك فان هناك فرق حوالى 2% تقريبا ولذك هناك فرق فى الاستاندر الالمانى din و الاستاندر اليابانى jis

هلا والله حبيبنا بلو شيفي |3| ..... اخبارك
بالنسبه لكلامك عن الكام فأنا معاك بس احب اقول لك انه مش على الامريكي بالذات لانه انا عندي سوباور 2 لتر بدون تيربو ..... المهم انه قبل فتره حصلت كامات + بلوف لها عند شركه يابانيه والصراحه انا مخطط عليها
ستيج ون يعطيك 180 حصان
وستيج تو يعطيك تقريبا 230 حصان عند 7000 دوره تقريبا
أما ستيج ثري فيعطي 300 حصان عند 8000 دوره بدون تيربو :eek: ؟؟ وتخيل كلها على 2 لتر ...

:D بالنسبه لي قريب انشالله بركب ستيج 2 (( 230 حصان بدون تيربو )) وسعره شيء غالي بس يستاهل (( تقريبا 8000 ريال مع الشحن |5| بس بدون التركيب )) :D بس احسن مافيه انه مايحتاج تشتري كمبيوتر ريس كل اللي عليك انك تسوي ريست للكمبيوتر حق السياره .

قاعدين نتكلم على اختيار القير و النسب المناسبة للسرعة و التسارع لا أقل ولا أكثر يا blue chevy :D

دايماً لما يكون عندك مثال تزويد الفكرة تكون أوضح من سيارة ستوك لأن التغيير عادة يكون اطراري و النتيجة تفرق كثير :)

لك وحشه يا انيشيال :D

ويا بشار انا قصدي عن المحركات الامريكيه بشكل عام

بس خبرتي بشفر لأني متتبع اخبارها في المنتديات الثانيه


والمحرك 5.0 لتر لها احترامي
لما تحط عليها خفايف تفرق معاك

|1| الله يسلمك وانا بعد كنت متحمس ارجع لكم بأسرع وقت بس كانت عندي ظروف والحمدلله عدت على خير :D




هلا والله أخوي سياره .... كلامك صحيح بس مش هذا اللي حصل معي في ذاك اليوم لانه سيارتي ذاك الوقت كانت تفصل على الـ 235 كم إذا الجو صافي (( وذلك اليوم كان الجو صافي ولا أروع )) بس المشكله انه الموستنج جابت طبلونها عند الـ 230 كم تقريبا وانا كل ماحاولت اتعداه تفصل السياره (( تبند )) وماتشتغل إلا على الـ 210 كم وعلى فكره انا يمكن ماوضحت كثير بس انا ماكنت خلفه بالضبط بحيث يحجب عني الرؤيه وانما كنت خلفه بنفس الطريقه اللي راسمها لك في الصوره


:D وعلى فكره راعي الموستنج باع سيارته من سنة تقريبا واشترى موستنج جي تي موديل 2004 بجير عادي (( يعني لو عندي الكورولا مب أحسن لي اجرب وياه )) واذكر انه ركب قطعه في الجير من شهر تقريبا بس مش متذكر وش هي بالضبط

Initial D


هلا فيك اخوي

حبيت اوضح لك معلومة بسيطة

السبب الي خلاك تكون خلف الموستنج هو ان تمشي وراة بالضبط يعني الصدام بالصدام لكن لو طلعت يمين اكيد راح تقل سرعتك بسبب اصطدام الهواء بسيارتك .

فنصيحة لشباب بشكل عام :
( اذا الواحد يتقاوم خط مع سيارة اخرى يحاول بقدر الامكان ان خصمه ما يكون خلفة بالضبط = باختصار اذا كان وراك اطلع يمين عشان الهوا يصطدم بسيارة الخصم وتقل سرعتة )

مع التحية والتقدير ,,,

Initial D : و الله اشتقنا لك من زمان ما نشوفك :D

بالنسبة لقير الموستنج التماتيك فهو نفس الكراون فكتوريا و الماركيز اللي لهم مشاكل بالبلوف و دورة الزيت <<< يتحجج :D

و هذا الريت تبعه :
2.40
1.47
1.00
.67




كنت طرحت أنا موضوع انه مكينة 5.0 حق الموستنج بكام و تكايات و بلوك شد بلاد يوصل 400 حصان بدون نايتروز أو اي باور آدر

http://www.carcraft.com/techarticles/116_0307_ford/

تخيل بساتم دوم نفس خلطة الراس و ستروكر على محرك 351 ارفعه الى 449 خلنا نقول على سبيل المثال و حط على خلطة الراس كام محترم و تكايات سوليد و بدل الروكرات بروكرات 1.8 و هدرزات هدد لونق تيوب من BBK

يعني أنا أضمن لك مو أقل من 550 الى 570 حصان على الداينو

تخيل هالمحرك الجبار ذا و حطيناه على قير الماركيز اللي شرحت خصائصه التعبانة فوق

في العادة لما تجي تحط محرك على قير عادي مع التراكشن و وزن الشفت اللي هو المحور تخسر من 10 الى 25 حصان تقريباً و هذي على حسب التراكشن تبع السيارة

حطينا المحرك ذا اللي أنا أخترعته لكم على قير الـ AOD و اللي هو قير المركيز و الموستنج التماتيك

اول حاجة انت بتتفاجأ أنك لما تعمل تست على الداينو بتشوف فيه 50 الى 60 حصان ضايعة على الويل و السبب هو التعشيق البطيء و دورة الزيت تبع القير ..

طب بدون ما نلمس المحرك و حطينا قير AOD معدل من شركة عليه طنجرة سريعة و شفت كت للقير و مخ معدل هالكلام ممكن يكسبك الكثير من العزم و القوة الحصانية الضائعة

طب بنسب القير هذي اللي زي ما هي شد بلادها و دفرنش نسبته شد بلاده محرك زي ذا أقدر أمشي به مو أقل من300 الى 350 كيلو متر بالساعة !!!

هل أنا محتاج هذه السرعة ؟

" البعض بيقول ايه :D "

طبعاً بنحتاج الى أن أحنا نغير نسبة الكارونة اللي بالدفرنش الى نسبة أكبر يعني لو نحط نسبة 3.42 بيصير التسارع أكبر و لو 3.73 أكبر من اللي قبلها و لو حطينا 4.10 أكيد أسرع من اللي قبلهم لاكن كل ما كانت النسبة أكبر كل ما كانت السرعة النهائة أقل

لازم أحط كارونة بتسارع و سرعة نهائية مناسبين

فرضاً أنا أجهز حق 400 متر آخربها و أحط 4.30 :D

ما كفاني و السيارة تطبق بعد الـ 400 متر بكثير أحتاج الى كارونة أحشر أو قير أحشر

خلنا نشوف قير الـ T-18 على سبيل المثال و هو قير عادي :

6.32
3.09
1.69
1.00

هذا قير حاشر

و بكذا أكون استغليت القوة الحصانية كاملة


فنتيجة الحديث أنه هناك محددات أساسية للسرعة و التسارع و بغض النظر الى الوزن فإن النسب مهمة جداً جداً في حساب التسارع

فممكن أني أدخل الـ 10 ثواني بمحرك 5.0 و بتعديلات بسيطة " لاكن بيكلفني $$$$ :D "

بمجرد أعتمادي على النسب و الوزن و نوعية القير

تقبل تحياتي ،،،

وشو الاكزوز والكام ؟؟؟؟

ماتشوفون الكمارو اقوى من اللومينا

مع انهم نفس المكينه بالضبط
لا والكمارو 305 احصنه واللومينا 325 حصان

إلي مخفف من قوة اللومينا شوية
البرمجه + الاكزوز

لاعنين خير السيارة
حط اكزوز عادي (مو شرط كبير)
وحط برمجه
اقسم بالله السيارة توصل 299 كم (في حركة في اللومينا تخليها عداد الكتروني وتبين معاك)


والحلو في المكاين الكبيرة انك تحط شئ خفيف وتفرق معاك
مثلا
مكينة اللومينا تحط فيها كام إلا وهي زايدتلك على الاقل 50 حصان (من غير مايكون صوت المكينه مزعج كأنه طبيعي)
نقدر نوصل اللومينا 500 حصان تقريبا من غير سوبر ولا تيربو (كلام الفني) <<<<<< رجال خبير مو تقولون بعد

قلتلكم جربوا مع الكمارو وراح تشوفون الفرق
مع ان اللومينا اقوى من الكمارو

ممكن صحيح يكون في بطن السيارة مكينة قوتها 350 حصان ... لكن كم راح يصفى منها على الكفرات ... كل قطع راح تنقلة أو توصل القوة هذي للكفرات راح تاكل من القوة هذي ... فماراح تصفى في النهاية غير على 280 أو ممكن أقل على الكفرات ...

فالقوة مو كل شيء :)