أخباركم حبايب قلبي ....أول شيء مبارك عليكم العيد وكل عام وإهل المنتدى بخير وصحه وسلامه.
اليوم الصراحه بالنسبه لي يوم حافل وكله أكشن في أكشن (( حشى فلم مو يوم )) .....
المهم اليوم الظهر كنا معزومين على الغداء عند ولد عمة الوالد الله يخليه . ركبنا السياره (( أنا و الوالد وأخوي الكبير وعمي وأخوي اللي اصغر مني بسنه )) ودقينا سلف للاندكروزر وحركنا لبيت ولد عمة ابوي.
وصلنا لبيت ولد عمة ابوي ...... وعند الباب حق المجلس لفت نظري هالموتر وقلت خلني اخذ لكم كم صوره على الطاير (( طبعا بعد إذا ولد عمة ابوي علشان ماينحذف موضوعي مثل اللي صار في احد مواضيعي يوم صورت لكم SLR جاي من ألمانيا بالطياره :( لاني الصراحه لحين حاط في خاطري والسبب اني شفت بعض الاعضاء يصورون سيارات بالشارع من دون علم اصحابها ومع ذلك ماحذف موضوعهم ؟؟ )) ......
المهم هذي الصور ^______^
|1| كدلك من الموديل القديم (( نسيت كم موديله بس كأني سمعت ولد عمة الوالد يقول انه موديل 52 ؟؟ ))
الصراحه الموتر حديد في حديد ..... على قولة الوالد اليوم (( هذا لو تذوبه تقدر تصنع به 7 كوامري من الجديد )) لوووووووووول الصراحه ضحكني بس صج انا طقطقت في البودي شفه من الحديد القاسي تقول خرسانة عماره !!
المهم تغدينا والحمدلله ومشينا للبيت .......
العصر طلعت اتمشى مع ولدعمي (( عنده لومينا اس اس 2006 كوبيه وبجير عادي عليه هدرز وفلتر وكارونه وكمبيوتر ))
المهم وحنا نتمشى وقفنا عند إشاره حمرا ....... توقعوا ايش اللي وقف جنبنا !!
لانسر إيفولوشن ومن صوتها مبين بشكل واضح انها شد وكاله بس عليها إقزوز سيستم .... لانه وقف جنبنا وتم يضغط على الريس ويسمعنا صوت موتره وهو يناظر فينا ؟؟
عاد انا الصراحه كنت مستانس على الاخر لانه تكون عندي شعور انه بيصير ريس أول ماتفتح الاشاره خضراء ...
التفت علي ولد عمي وقالي : شدعوه سيارة سبيس تون (( ايه ادري انكم بتضحكون ياعشاق الامريكي إذا عرفتوا انه ولد عمي يسمي جميع السيارات اليابانيه بسيارات سبيس تون بما فيهم الجي تي ار ؟؟ الحبيب مايدري انه عندي امبريزا ؟؟ ))
المهم وولد عمي صار يضغط على البنزين وصوت المواتر صار عالي ....... V8 ضد 4 سلندر تيربو ...... من الغالب ؟؟
وأول ماصارت الاشاره خضراء ........!
شوووووووووووووووووووووووووووغ برررررررررررررررررراااااااا بررررررررررررررررررررررراااااااااا (( ههههههه صوت مواتر ))
المهم من الصفر إلى الـ 180 كانت للإيفو (( ايه من حقه .... الدفع الرباعي قوي في القومه )) بس يوم وصلنا للـ 200 كانت ورانا بسياره كامله ...... 240 وكانت المسافه سيارتين إلى سيارتين ونص تقريبا ؟؟ المهم بس وبعدها خفينا السرعه .
قالي ولد عمي هاه شرايك في اللومينا ؟
والله تمام والصراحه تمام بس راح عنك في القومه ..... وبعدين لاتنسى انه 2 لتر وانت 5.7 لتر ....
عاد تم يضحك وما رد علي (( احس انه ما اقتنع ههههههههههه ))
إلتفت علي وقالي ........ إحتمال بعد كم يوم كذا اشتري ZO6 من الامارات !! بس مش أكيد (( على فكره هو امتلك 6 سيارات كورفيت قبل اللومينا واخر وحده كانت موديل 2002 أو 2003 مش متذكر بالضبط )) وهو من عشاق الامريكي مثلكم ^_____^!
قلت له الصراحه الكورفيت عجيبه ووحش الصراحه بس ليش ماتغير ؟
خذ الزد الجديده , غير شوي .....
قالي من صجك انت ؟؟ انا اشتري سيارة سبيس تون (( ايه شعليكم ياعشاق الامريكي شكلكم استانستوا على كلمة سبيس تون حقت ولد عمي ))
قالي الزد تعبانه وماتمشي دام انها إنجكتر !! والله غباء من نسيان انهم جابوها إنجكتر ....... لو انها تون تيربو كان أوكي ..... العالم صاروا في الـ 400 والـ 500 حصان وهم توهم على الـ 280 حصان (( طبعا قالها وهو معصب وغاضب ليش سياراتهم بقوة 280 حصان فقط ؟؟ ))
قلت له اوكي خذها وركب لها تون تيربو ! قالي من صجك ..... وين الكراج الزين في قطر اللي يعرف للتيربو ..... كلهم مايعرفون للتيربو لانه معقد .... صحيح انه قوي بس من الخبير اللي بيشتغل على موترك بذمه (( وهو طبعا صادق وين الكراج اللي يعرف للتيربو في قطر ..... وهذا السبب اللي منعني اني اركب تيربو على موتري وخلاني افكر بتكيب كامات على سيارتي بس المشكله اني ماراح اتعدى الـ 250 حصان خصوصا انه مكينة موتر 2 لتر ..... بس 250 حصان على 2 لتر بدون تيربو انا اشوفها شيء طيب ويؤدي الغرض لاني مش محتاج لسياره قوية جدا ؟؟ ))
المهم وتمينا نسولف وحنا نتمشى بالسياره وافترينا فراره وبعدها رجعنا للبيت ....
هذي سالفتي اليوم والصراحه اليوم كان يوم حافل..... اهم شيء تعجبكم السالفه خصوصا سالفة سيارات سبيس تون (( لووووووووووووووول اشهد اني صريح زياده عن اللزوم حتى على السيارات اللي اعشقها خصوصا الياباني ))
وكل عام وانتوا بخير
