الآن شيخ الياباني يدخل في سلك الشرطة السعودية

بسم الله الرحمن الرحيم
كيف حالكم ياشباب ان شاءالله بخير
اولا واول ماابدي فيه هو اشكر العضو النشط AZN على الموضوع الجديد والقوي ..
ثانيا اقول شوي شوي يااعضاء يامن رددتم بردودكم المتهجمه على العضو المسكين AZn
تراه المسكين كتب في موضوع بنهايته : وش رايكم ؟؟

ماقال غصبن عليكم او بتكون 100% تراها مو عدله عليكم ولا بردودكم المتهجمه اللي من يقراها يحس انه العضو
المسكين هو اللي منزل قرار وضع تويوتا كامري بديلا في الدوريات عن اللومينا .

ثالثا احب انوه الى الجميع وعلى راسهم اخص المعارضين والمعترضين على الكامري ..
اخواني الاعزاء وخير ياطير لو حطوا الكامري وش فيها ؟؟ والله قدها وقدوووود
سيارة من ناحية شكل جميلة من ناحية قوة قوية ومن ناحية تحمل فحدث ولاحرج
ولو استبدلوها عن اللومينا مو معناته اللومينا فيها اعطال او خراب لكن لربما تغيير لاسباب لايعلمها الا الله ثم
المسئولون عن هذا الامر ...

وللمعلومية للجميع وخاصة للعضو ( blue chevy ) اللي في كلامه يقول عندهم بي ام وعندهم كابريس يعني الحين هذه السيارات لما اختاروها معناته انها ذات كفائة عالية وانها قادره على مطاردة سيارات توب كار ؟؟
طيب خلينا من العرب وروح شوف امريكا في احد الولايات موجودة ( شفروليه ماليبو ) هذه السيارة مؤهلة تطارد سيارات توب كار ؟؟ طبعا لا ومستحيل لكن اختاروا السيارة لداخل المدن فقط .. طيب خلينا من امريكا خلينا ناخذ جولة بفرنسا
ايش سيارات الشرطة هناك ؟؟ فيها انواع منها بيجو ومنها رينو ومن فئة صغيره يعني هذه معناتها سريعه ؟؟
طبعا لا .. ياناس حطوا عقلكم براسكم تعرفوا خلاصكم لما يقع الاختيار على سيارة ما عشان تخدم في الشرطة
مو معناته انها الافضل مثل مايفكر البعض في اختيارهم للومينا .. حبايبي تم اختيار اللومينا مو عشان قوتها ولا مادري ايش
تم اختيارها لعدة اسباب ومن ابرزها:
1 - على سبيل المثال السعودية يكون بينها تعاون قائم بينها وبين الولايات المتحده في تطوير امنها كما هو حاصل في الجيش امدادهم بدبابات ومدرعات واسلحة نفس الشي في قطاع الامن وبالتحديد المرور وبما ان امريكا المسيطره فطبيعي بتنفذ المثل الشعبي ( دهنا في مكبتنا ) :D بمعنى اصح تبي تفيد بلدها بكل شي فمو معقول بتستورد
سيارات من دولة ثانيه فشي اكيد بتاخذها من امريكا او من شركة امريكية كما حصل مع لومينا وسابقا كابرييس ايام الثمانينات ..
2- عندما اتى الامر باستبدال سيارات الامن بالطبع كان هناك مناقصة وتم اختيار هذه الشركة ليس بعد دراسة كفاءة وانما بعد دراسة ( MONY ) فطلعت ارخص شي شيفرولية لومينا فرست المناقصة عليها وتم اختيارها من اجل التوفير في المال العام .
هذا والله اعلم ..
عموما عندي كلام كثير بس حبيت اوضح لكم ان الاختيار مايتم من اجل القوة بل لاسباب تجهلونها كثيرا
اخوكم THE MAX