ســـــــــــــوناتا شلونها ادخل وشارك

طريقة التقييم إلي في الموقع صحيحة ... وهو موقع وكالة حماية البيئة الأمريكية
إذا كنت مهتم أكثر تعرف أيش هي هذي الوكالة وأيش عملها وطريقة تقييمها راجع هذا الموقع
أما طريقة التقييم بناء على فلان يعبي سيارته الفلانية فل بما أري كم ريال ويمشيها من هنا لين هناك في كم 100 كلم ... فماينفع ... لأنك ما تدري كم الشخص ذاك كان ماشي في الأساس (أذكر معلومة في الفيزياء إذا زادت السرعة عن 120 فأن الصرفية تزيد بمقادر الضعف) ... ولا تعرف كم مرة وقف وكم مرة قوم السيارة ... ولا تعرف كم كانت سرعة ميكنة السيارة (rpm) في ذاك الوقت لأنك تقدر تمشي السيارة بسرعة 120 على سرعة 3000 rpm وتمشيها بعدين على سرعة 5000 rpm وراح تشوف إن الصرفية تفرق لأن المكينة صارة تدور أكثر فصارة صرفية أكبر ...

أما المواقع والشركة لما تذكر صرفية السيارة فهي تذكرها بعد عمل التجارب وبعد وضع النقاط السابقة في عين الإعتبار ...

كمثال ... أنا سيارتي أقدر أمشيها في حدود 400 كلم بستعمال 57 لتر بنزين على سرعة متوسطة 170 كلم وسرعة المحرك بين 4000 و 5000 دورة
وفي نفس الوقت أقدر أمشيها في حدود 500 كلم بنفس كمية البنزين على سرعة متوسطة 110 كلم وعلى سرعة محرك بين 3000 و 3500 دورة

في أي شخص راح اقوله أن سيارتي بخزانها الفل تمشيني 400 كلم بس ... راح يظن أن السيارة "تبلع بنزين" ... وإن قلت له إن السوناتا تمشي 500 كلم بالخزان الفل راح يقول صرفيتها حلوة ... مع إن السيارة نفس السيارة لكن إلي يفرق طريقة التجربة وحالة التجربة والسيارة

وهذا إلي حبيت أوضحه

شيء ثاني ممكن توضح لنا العيوب إلي موجودة في السوناتا وإلي تقول إنك تحتفض بها لنفسك ... علشان نبي نعرف ايش العيوب إلي انت شفتها في سيارة وانت ما جربتها وإلي إحنا أصحابها ما شفناها ... وكذلك علشان تفيد الأخ صاحب الموضوع :)

يا شباب من جد نبي احد يكون مجرب السوناتا صح وتكون ماشية معاه فترة طويلة ويكون استخدامه فيها عنيف حتى تطلع مشاكل السيارة لو كانت فيها ..لأني بصراحة كنت ناوي اشتري ازيرا الجديدة ورحت استأجر سوناتا 2005 علشان اجرب مكينتها وجودتها لانها قريبة من اختها الكبيرة لكن اللي يشتغل في محل التأجير وهي شركة كبيرة حذرني مرة من السوناتا الجديدة وقال لي ان فيها مشاكل في القير وانه يخاف يعطيني اياها ويخرب علي القير بنفس اليوم وصارو حاطين وحدة الوحيدة عندهم على جنب وما يأجرونها احد !! ..والرجل كان ناصح لي وما تفرق معه لأني جاي ادفع واخذ اي سيارة عنده وعنده غيرها بنفس قيمتها واخذت هوندا بدالها ...

والسؤال هنا هل بالفعل فيها مشاكل في القير ؟ لكن لا احد يجاوبني ويقوول ماشية معاي زي الحلاوة وهو ما مشى فيها الا 10 الاف كيلو وما حد يسوقها الا هو !! ..يعني ابي احد يجاوب يكون بالفعل يدري ومجرب بدون تعصب وانفعال .

حلوه اخوي زاحف
اجل راح اجي انا واقووول اعرف واحد من اخوياي معه كامري يشتكي من صرفيتها يقووول مبلشته بقوه
وواحد من اصدقاااائي معه كورلا ويقووول تصرف مثل الجمس

و
و
و
و
والخ
ما ينفع الكلام هذااا اكتبلي كم يعبيها وكم تمشيه وش نوووع قيرها ؟؟؟؟؟
وخذ الكلام من اهل السياره ((((وعندك اعضاااء حطووووو كم تمشيهم وكم يعبونها)))))
اما كلام من راسك فصعبه اخوي شوي
وانا عندي((لاخوي))سوناتا موديل 2000الان فلها في حدود 52 والله والله تمشيه الى 620كيلو داخل المدينه (((بس السواقه راكده)))
وتكفى يالكورلا ترانا كلنا جربناها وانا اللي اكلمك جربتها فتره بسيطه(((ما طولت الحمد لله)))
ورحت عليها المجمعه امشي حدوود190 وامبير البنزين كان على الفل ويوم وصلت تحت النصف((((بين الربع الاخير والنصف)))) وهذا شي طبيعي
لان السياره مصممه للمدينه والمشاوير القصيره نوعا مااااا(((المشوار الى المجمعه في حدود200كيلو عن الرياض)))
اما تعبيها 37 وتمشيك 500 وانت تفجرها وتمشي عليها 180 واخواتها فافلقني ياشيخ $$$$$$$$$$$$فلقه كبيره
على العمووووم
ابي اعرف وش فرق الكامري عن السوناتا في الصرفيه ؟؟؟!!!!!عشان نحط للكامري نقطه ترفع قدرها زياده؟؟!!!!!
خلونا نشوووف وش الفرق !!!!!!!!!!!!!!!!!!!!!

السلام عليكم ورحمة الله


اقول للجميع اني شريت وبعد تفكير عميق وتدقيق في السيارات







سوناتا 2006 مواصفات جدا جميلة



هي السيارة الوحيدة التي امتلكت قلبي وبشدة



|6| العــــادل|6|

حبيت اعلق على بعض الردود الموجه لي

اخوي سراااب
واحد من اخوياي معه كيا اوبتيما 2004 والرجال يقول لي تصرف صرفيه ماهي طبيعيه ويشتكي منها بصراحه
واحد اعرفه كانت معه دايو ليغنزا مدري وش اسمها ويسب صرفيتها ( على فكره اول ما طلعها من الوكاله بعد شهرين خبطت المكينه معه )
واعرف وااجد اللي معهم سوناتا 4 سلندر واعرف واحد معه سوناتا 6 سلندر كلها 2006

وكلهم يشتكون من البنزين معقوله كلهم بيكذبون ؟؟؟؟؟؟؟
انا بالنسبه لي مصدقهم
بالنسبه لكم حبايبي اذا كانت مصداقيتي انا عندكم مش ولابد فما نقول الا تشوفون انشاء الله قريب بعد ما تجربونها ان شاء الله
انا ليش قلت الكوريه ؟؟؟
علشان الشباب اللي معهم كلها سيارات كوريه وكلهم يشتكون من صرفيتها

-------------------------------------------------------------------------------------------------------
اخوي EF Sonata
بالنسبه لتقييماتك العالميه
مدري وش اقولك بس

شف الكامري الاوتو والقير العادي بتلقاهم نفس الصرفيه !!!!!!!!
معقوله معروف عن الكامري اوتو الصرفيه الزايده وهذولي يقولون نفسها

هذا وش يدل عليه ...... ؟؟؟؟؟؟؟

ما يدل الا ان هالتقييمات كلها خطأ والاخذ بها غباااء ودلاخه مع احترامي لك طبعا

اما عن التصورات الشخصيه فهذا هو الاساس لتقييم اي سياره
مثلا انا معي كورولا 2006 1300 CC
افللها بـ 37 ريال تمشيني 500 كيلو صااافي داخل المدينه مع الدعس
حتى اني امشي عليها 180 190 وتمشيني 500 كيلو ما شاء الله

مانبي ندخل بموضوع ثاني

لاكن احب اقولكم اكثر من شخص اكدوا زياادة صرفية السوناتا
وانا ما اعتبرها عيب مقارنه بعيوبها الاخرى اللي عندي واحتفظ فيها لنفسي


تحياتي لكم

هذي مقارنة بين صرفية السوناتا والكامري والأكورد
إستهلاك السيارات على الطريق العام (الهاي وي)

السيارة -------------------------------- أوتو -------------------------------- عادي --------
سوناتا 2.4 موديل 2006 ------ 33 ميل/جالون (4 نمر) ------- 34 ميل/جالون (5 نمر)
كامري 2.4 موديل 2006 ------ 34 ميل/جالون (5 نمر) ------- 33 ميل/جالون (5 نمر)
أكورد 2.4 موديل 2005 * ----- 34 ميل/جالون (5 نمر) ------- 34 ميل/جالون (5 نمر)

__________________________________________________

إستهلاك السيارات في داخل المدينة

السيارة -------------------------------- أوتو -------------------------------- عادي --------
سوناتا 2.4 موديل 2006 ------ 24 ميل/جالون (4 نمر) ------- 24 ميل/جالون (5 نمر)
كامري 2.4 موديل 2006 ------ 24 ميل/جالون (5 نمر) ------- 24 ميل/جالون (5 نمر)
أكورد 2.4 موديل 2005 * ----- 24 ميل/جالون (5 نمر) ------- 26ميل/جالون (5 نمر)

__________________________________________________

إستهلاك السيارات على الطريق العام (الهاي وي)

السيارة -------------------------------- أوتو -------------------------------- عادي --------
سوناتا 3.3 موديل 2006 ------ 30 ميل/جالون (5 نمر) -------- لا يوجد غيار عادي
كامري 3.3 موديل 2006 ------ 29 ميل/جالون (5 نمر) -------- لا يوجد غيار عادي
أكورد 3.0 موديل 2005 * ----- 30 ميل/جالون (5 نمر) -------- 30 ميل/جالون (6 نمر)
أكورد 3.0 موديل 2006 ------ 29 ميل/جالون (5 نمر) -------- 34 ميل/جالون (6 نمر)

__________________________________________________

إستهلاك السيارات في داخل المدينة

السيارة -------------------------------- أوتو -------------------------------- عادي --------
سوناتا 3.3 موديل 2006 ------ 20 ميل/جالون (5 نمر) -------- لا يوجد غيار عادي
كامري 3.3 موديل 2006 ------ 21 ميل/جالون (5 نمر) -------- لا يوجد غيار عادي
أكورد 3.0 موديل 2005 * ----- 21 ميل/جالون (5 نمر) -------- 20 ميل/جالون (6 نمر)
أكورد 3.0 موديل 2006 ------ 20 ميل/جالون (5 نمر) -------- 21 ميل/جالون (6 نمر)

* الأكورد الأربعة سلندر كانت 2005 لأنه ماتم إختبار موديل 2006 حتى وقت كتابة الرد إلا على V6.
** الكامري والأكورد الـ V6 أعطت قرآتين وحده 20 والثانية 21 ميل لكل جالون وذلك بسبب إنه في كودين للكل سيارة لكن تمت كتابة الأفضل في ردي هذا ... لكن راح تلقى في الموقع الأرقام الثانية
*** الكامري حسب ما أعرف ماتتوفر عندنا إلا 3.0 لذلك الأرقام راح تختلف عن الموجودة عندنا.

المصادر هو وكالة حماية البيئة الأمريكة (U.S. Enviromental Protection Agency) وإلي إختصارها EPA
Hyundai Sonata 2006
Toyota Camry 2006
Honda Accord 2005
Honda Accord 2006

هذي مصادري ...
ممكن مصارد موثوقة على كلامك ... لأن خويك (مع إحترامي لك ولخويك) مصدر غير معتمد لأنه مش مبنيه على دراسات وقياسات وإنما بناءً على تصوره الشخصي ... وخاصة إن المحركات جالسة تتغير ... كذلك الأوبتما في إحتمال كبير تكون المكينة "يابانية" ...


تحياتي لك :)

احب ارد واعقب على بعض الردوود الذكيه
ونبدأ بالاول (((اما لسراب الود هذا خويي من زمان اي موضوع ارد فيه لازم اشوف رده ( يبعدي و الله ) كلامي ابداً ما فيه تعصب هذي حقائق ، قولت ان معك سوناتا تبي تمدح فيها بلي هوبه بعد ما حسيت انك تسرعت و نقدوا عليك اخوياك و تحاول تنتقم لنفسك و تخلي السوناتا سيارة نازله من الجنة شي ثاني . اقولك شيء رح للوعلان و أسال احد يصدقك القول عن السوناتا و تعرف يا بعدي )))))
وهذا كلام ابو سويلم الله يحفضه
الحمد لله اعتز والله باخوتك اخوي ابو سويلم
واحب اقووول اني والله لا املك سوناتا حتى ساعتك وانا والحمد لله امتلك جيب توساااان 2006
وبعدين ما قلت كلام غبي او ما شابهه عشان ينتقدوني الاعضاااااء ولا تسرعت صدقني
وحبيبي انا ما اقووول ان السوناتا نازله من الجنه انا اقصد انها مصنوووعه ومجمعه ومجمعه ومجمعه في كوريااااا؟؟؟!!!!!!ههههههههههههههههههههههههههههههههههههه
وانا الله يسلمك ويخليك ابي اعرف وش شايف في الوعلان واحنا ما نعرف علمنا
وعندك وكالة تويوتا اللي في العليا ادخلها وشف فرقها عن هيونداي.
وسبحااان الله بعد البحث والبحث والبحث عن عيووووب في السوناتا ما لقيتوا الا الصرفيه
انت تشوووف ردوود الاعضاء بعدك عن صرفية السوناتا وتراهم كلهم يملكووون السوناتا يعني ادرى مني ومنك
وانا اتحداك شخصياااا اذا كانت صرفية السوناتا قير اوتو اكثر من صرفية الكامري الاوتو!!!!؟؟!!!!!
يمكن القير العادي لاكن صدقني راح يكووون الفرق 20 الى30 كيلو بس ما اشوووفه عيب!!!!!!!!
وصدقني السوناتا ما فيها اي عيب صناعي او قله في الجوده عشان كذا رحتوا لصرفية البنزين اللي هي طبيعيه !!
وارد على كلامك اخوي ابو سويلم
((((((((و بعدين ( الكلام للجميع ) لنكن واقعيين . ليش شركات التأجير و اللوميزنات يأخذون الكامري اكثر مع العلم ان الكامري اغلى من السوناتا ؟؟؟؟؟؟ !!!!
ما عرفت ليش ؟؟ اذا ما عرفت اسمح لي انت )))))))))
طيب ااخوي انت عندك فكره عن انتشااار اللنترا اللموزين في الرياض !!!!!!!!!
او عندك فكره ولو بسيطه عن انتشار الاكسنت في محلات الايجاااار !!!!!!!!!!!!
اما السوناتا الجديده اصبر لها بالكثير 6 شهور وهي راح تنتشر بقوه في محلات الايجار مثل انتشارها في الشوارع الان!!!!
اما تعليق اخوي الزاااحف وهو
(((عندي تعليق بسيط

السيارات الكوريه معروف عنها صرفية البنزين الغير طبيعيه

واحد من الشباب معه كيا اوبتيما

يقول تصرف اكثر من المكسيما

وواحد اعرفه معه سوناتا 2006 يقول تصرف صرفيه ماهي طبيعيه))))))
معليش اخوي مو كل الكوري
اللي اعرفه كيا القديم بس ويمكن دايو ما ادري لاكن كيا القديم تصرف وتصرف انا معك
اما هيونداي الشهاده لله ماتصرف
ابي اسألك الاكسنت تصرف!!!!!!!!!!!
الالنترا تصرف!!!!!!!!!!!!!!!!!!!
السوناتا تصرف !!!!!!!!!!!!طبعا بعد ماتقرا ردوود ملاك السوناتا الجديده
لا تعمم يا اخوي
اقدر اقووول ان الشركات اليابانيه معروووف عنها انها تصرف بنزين كثير عشااان
سيارات نيسااان القديمه تصرف!!!!!!!!!!!!!!!!!!
وياليت تعلمونا الكامري كم تصرف اذا عبيتها فل!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟
بقير عادي وقير اوتو؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!
اخوي حارش صدقني الالتيما سته سلندر تستاهل ولو فلها بتسعين ريال تستاهل
تطلع قوه عجيبه والله شي عجيب انا اشووووفها في شارع المسانده شي غريب عجيب !!!!!!
وياليتك وضحت سيارتك قير اوتو ولا لا
لان مثلك عارف تفرق صرفية البنزين في القير الاوتو عن القير العادي
على العمووم اتأسف من صاحب المووووووضوع على الازعااج بس حبيت اعقب على كلام بعض الاعضاااااء الكرام
وشكراااااااا

انا معي وحدة 2006 أربعة سلندر قير اوتو ..

اعبيها فل اذا كانت فاضية مرة ب 50 ريال وتمشيني 450 كيلو الى 480 كيلو كحد أقصى ,,

وانا اشوف انها زايدة ( شوي ) ولا تصل لحد الازعاج ..

واذا كانت الكامري توفر أكثر منها .. فمستحيل توفر منها أكثر من 50 كيلو

وبالنهاية اللي يجرب صرفية النيسان بيعرف معنى الصرفية عن قلب ..

أجل التيما جديدة ستة سلندر أعبيها ب 70 ريال تمشيني 400 كيلو بس س س س !!!

انا طلعت لي سوناتا من اسبوع تقريباً......
:)

مع ان المواصفات القطرية شوي تعبانة بالسيارات الكورية.... يعني ماتلقى 6 سلندر لأن محد يشتريها... مو عشان سمعتها تعبانة لا والله.....بس شباب قطر كلهم كروزرات الله يهداهم....... بس السيارة الصراحة عجبتني...

ان كنت ماخذها على انها تبقى عندي مدة سنة او اقل.... على اساس اني ببدلها.... بس شكلي ماراح ابدلها :)

والله السيارة روعة بس كلامكم صحيح عن الصرفية.... انا عندي 4 سلندر واحس اني اسوق 6 من كل النواحي....هههههههه حتى الصرفية...

لو قلت لي العيب الوحيد بقولك الصرفية اللي شوي زايدة وبسسسسسسسسس

اما كل شي فل الفل....


والله يوفقك في اختيارك مهما كان :)

هلا والله فيك أخوي زي ماقالو الاعضاء السيارة هذي السيارة بالذات كاملة والكامل الله انا ماقول هالكلام وبس هذي نصيحة مجرب واحد من الاقارب ماخذ 2005 سياحي والله قوة وفخامة وفيها مثبت وأشياء واجد وباعها وشرا 2006 ستة سرندل علشان الجنوط والفتحة نصيحة خذها ونشاء الله ماتندم أخوووووك نصراوي.

اخي الكريم انا معي وحده قير عادي


بصراحه لو تسوقه بتعشقه

وكل مار كبت فيها يزود اعجابك بها

الصراحه سياره



واحسن لك من كلام الناس
رح واستاجر لك وحده ب 150 ريايل وجربه شرط ان قبل ما تسلمه تروح تدفع عربون لوحده جديده



وسلامتك
اخوك
السبهه

على طاري البنزين .....

معي سوناتا 2004 اعبيها فل بـ 54 ريال تمشيني حوالي 460 إلى 490 كيلو
مع التدعيس والسرعه والدوران تمشيني من 410 إلى 440 كيلو

خويي معه سوناتا 2006 مع ان مكينتها 2.4 اكبر من مكينتي مع انها نفس الصرفيه

وانا اشوفها طبيعيه جدا

uvt

عندي تعليق بسيط

السيارات الكوريه معروف عنها صرفية البنزين الغير طبيعيه

واحد من الشباب معه كيا اوبتيما

يقول تصرف اكثر من المكسيما

وواحد اعرفه معه سوناتا 2006 يقول تصرف صرفيه ماهي طبيعيه
........

بسم الله الرحمن الرحيم

السلام عليكم ورحمة الله وبركاتة

حبيبي شوف والله انا معاي سوناتا 2006 والله ذي الحلاوة ماشاء الله تبارك الله ما فيها ولا صوت

وصراحتا السيارة اتغيرت عن زمان بس الناس عندهم هلوسة حول التايوتا

وشكرا

انت طلبت الدليل وهذا هو

http://www.assayyarat.com/forums/showthread.php?t=76793&highlight=%C7%DF%D3%E4%CA+%E3%E1%ED%E6%E4

وراعي هذي الأكسنت عنده أكسنت ثانيه ماشية أكثر من 230.000كيلومتر

ــــــــــ

وبالنسبة لسؤالك عن شركات التأجير

السوناتا لسه جديدة وما لحقوا شركات التأجير يوثقوا فيها ومع ذلك هناك شركات تأجير أعتمدت السوناتا

السلام عليكم

بسم الله

نبدأ بـ H.Y
من الاسم عرفت ان معك سوناتا 6 سلندر مبروك اكيد لازم تقول قوية و حلوة لانها 6 سلندر . صحصح يا الحبيب . امل المثل الصحيح هو : افسح الطريق الكامري وصلت .

اما لسراب الود هذا خويي من زمان اي موضوع ارد فيه لازم اشوف رده ( يبعدي و الله ) كلامي ابداً ما فيه تعصب هذي حقائق ، قولت ان معك سوناتا تبي تمدح فيها بلي هوبه بعد ما حسيت انك تسرعت و نقدوا عليك اخوياك و تحاول تنتقم لنفسك و تخلي السوناتا سيارة نازله من الجنة شي ثاني . اقولك شيء رح للوعلان و أسال احد يصدقك القول عن السوناتا و تعرف يا بعدي .

بالنسبة لمجنون بيجو ، خلك على البيجو احسن و كلامك مردود عليك مليون ( قوية ) انواع الصواريخ جب دليل و بعدين تكلام . شكراً

بالنسبة لصاحب الموضوع ( العادل ) لازم تكون عادل يأخي ما اقول الكلام من عندي انا اعرف واحد شخصياً هناك يشتغل ما يمدحها . بالنسبة لللبنزين تعبيها اذا كانت فاضية 55 ريال و تمشيك 400 الى 380 كيلو بس . اما الكامري شف كم تمشيك ( ماني قيلك حتى تسألهم )

و بعدين ( الكلام للجميع ) لنكن واقعيين . ليش شركات التأجير و اللوميزنات يأخذون الكامري اكثر مع العلم ان الكامري اغلى من السوناتا ؟؟؟؟؟؟ !!!!
ما عرفت ليش ؟؟ اذا ما عرفت اسمح لي انت .... . .

و شكراً

والله السيارة ما عليها كلام ... وما سمعت احد الاعضاء اشتكى منها :)

بالتوفيق

شخصياً مارح اتردد ثانية واحدة في أني آخذ سوناتا ..
وشكراً..