بشار
يعطيك العافيه وهذه المعلومات لابد منها قبل تعلم مهارات القياده في القومات
اخوي المشاري
اذا السياره قير عادي لا تتحمس كثير وتدعس الكلتش الى النهايه بل الافضل انك ترجع الكلتش الى المنطقه التي يكون الكلتش مو في النهايه وايضا السياره ما تتحرك ويكون الطريق متساوي لتجربه ذلك
حتى تستطيع كسب قوة الدوران لصالح الفزه بدل الشخطه الطويله التي تؤدي الى وقوف السياره مكانها لفتره
يمكن تكون ما فهمت
اطلب الشرح مره اخرى
اخوك ك ا م 717
:D هذي الطريقه اللي انا دايما اسويها بسيارتي الامبريزا (( 5 غيار جير عادي )) ..... وفيه سببين باقولهم لكم
الاول : اني أحافظ على جير سيارتي من انه ينكسر لانه مثل ما انتوا عارفين انها دفع رباعي ...... يعني مش حلوه للجير اني اهد الكلج مره وحده والضغط على 5000 دوره !!! لانها ممكن تكسر الجير لذلك لما أقوم الموتر ما اهد الكلج كامل وانما اضل داعس 20% إلى 15% منه .... (( صحيح انه يحرق الكلج بس احسن من اني أكسر جير الموتر ))
لو انه الموتر دفع امامي او دفع خلفي فمافيه أي مشكله لو هديت الكلج مره وحده من على 5000 دوره لانه القوه الزايده راح تكون في التواير لما تشخط على القار ....... مافيه أي ضرر على الجير على المدى البعيد بس القومه بتكون ضعيفه.
ثانيا : بالطريقه هذي تكون القومه أحسن بنسبة 40% لانه ضغط الموتر ماينزل أقل من 4000-3500 دوره وليس مثل ما تهد الكلج مره وحده بحيث يسبب انه ضغط الموتر ينزل من 5000 دوره إلى 2000 دوره (( وهذا راح يأثر على القومه والنتيجه غالبا قومه ضعيفه ))
