سياره تتحرك من الرياض وتتوقف في برلين..!!

بيب بييب @user_20336 · 15-12-2005

السلام عليكم ورحمة الله وبركاته...

أمس وأنا أقرى جريدة الاقتصاديه ((( أخوكم يزعط رجل أعمال :D ))) لكن في صفحة شباب شدني موضوع يقول شاب سعودي يغادر الرياض متوجها الى يرلين (عاصمة ألمانيا) لمؤازرة المنتخب السعودي في بطولة كأس العالم... المهم أنا أنهبلت|10| وقلت والله لقرأ الموضوع كامل الزبده : ان هالشاب أسمه فهد المطيري من شباب الرياض ناوي يروح ألمانيا بسيارته (( أنا لويعرضون علي أروح بالفاكس مارحت)) طبعا المسافه تقدر ب9000 كيلو مرورا بقارتين و9 دول وهو الرجال معزم برغم الصعوبات الي بيقابلها في الطريق المهم بالموضوع كله وش هالسياره الي راح ياخذها في رحلته وبعدين وش هالسياره الي راح تتحمل هالمشوار كله وتتحمل الصعوبات يعني السياره راح تمر على مناطق حاره ومناطق بارده ومناطق ممطره ومناطق فيها ثلوج ومناطق فيها مرتفعات وجبال وهذا بيأثر عليها من ناحية قير وكلتشات وفرامل وبيمر على مناطق منخفضه يعني بالعربي السياره بيلحس مخها من جد والمسافه طويله يعني ممكن تأثر على حرارة السياره...

طبعا أنا شفت السياره وماعرفتها لأن الصوره كانت مو واضحه وبعدين السياره عليها علم السعوديه يعني مو واضح وش هي...

لكن وأنا أقرأ الموضوع تفاجأت أنهم حاطين أسم السياره ....أخخخخخخخخ عليها من سياره بصراااحه كبرت في عيني أكثر وأكثر

تتوقعون وشي؟؟؟؟

|6|

|6|

|6|

لا توقعوا أحسن...

يعني معزمين ؟

أكتبها لكم وكلي فخر ((((((((((((((((ACCORD))))))))))))))))))

آآآآآه عليك يا أكورد....

من جد ترفع الراس ولكم حق ياأصحاب الآكوردات ترفعون روسكم وياي صحيح ان الرجال باقي ماراح وممكن يبطل وانا قاعد أكتب موضوعي هذا لكن يكفينا ثقة الرجال بالأكورد والأكورد قدها وقدودها وطبعا شركة عبدالله هاشم ماقصرت وياه تفاعلت معه وأعطته النصايح اللازمه وكيف ممكن ان يحل المشاكل الي ممكن يتعرض لها بالخط وأعطوه القطع اللازمه الي لازم يغيرها (( أقصد القطع الاستهلاكيه )) وطبعا الرجال سوى صيانه من والى على السياره بوكالة الرياض وحجز تذكرة أفتتاح البطوله ((سعرها تقريبا 1000 دولار )) والرحله كامله راح تكلفه 30000 ريال قابله للزياده...

نسيت ما أقولكم أن موديل السياره 2005 لون لؤلؤي (( يعني لا أوصيكم ياشباب الرياض أي سياره تشوفونها بهالمواصفات صيدوه واسألوه هو الي بيروح المانيا ولا لا؟؟))

طبعا لاتنسون الرجال من دعواتكم بالتوفيق وان الله يحفظه ومايريه مكروه بمشواره ....

M a $ a R @user_1379 · 25-12-2005

ألله يوصله بالسلامه ويرجعه بالسلامه
الرجال يبيكم تطلبون له السلامه وانتم الي يبي يقص رقبته ان وصل والي يقول يب تبوش مكينته وابعلمك انا صراحه اشوفها رحله ممتعه لانه راح يتمتع بالطريق يتفرج على ذا الدول الي يبي يمره والمعروف ان نصف متعه الرحله تكون بالطريق

الله يوصله بالسلامه وانجاز صراحه للأكورد
بس قولو له يدهن الوجهيه بفيري
<<<<<خخخخخ أكبر همه

الحاييير @user_18920 · 24-12-2005

ماشاء الله عليه راعي خطوط المطيري

ZiZw_911 @user_3562 · 21-12-2005

والله مشكلة من جد

احنا يااخوان ما قلنا شي الحين في السيارة

كنا نفرض على سبيل الافتراض

ونتمنى على سبيل الاماني

ان تكون السيارة رنج روفر

وبعدين بالطقاق السيارة كورية او بريطانية او يابانية

بس المجنون هذا بيندم وبتشوفون

فليش التعب والارهاق والمذله

طيارة وانتهت السالفة

لكن قالوها في القدم

اهل العقول في رااااااااااحه

ولا حد يفهم كلامي غلط

والتعصب اللي ماله داااااااااعي

فكونا منه

عاشقه ال Range @user_25412 · 20-12-2005

الحياه السيفوكلوجيه تمر بقليل من هذا النوع من تطور العقل اللا واعي

اللذي يتصل اتصالا مباشرا باللغه الانبلوجيه من الحياة الاخرى <<<<<< احاول احتك بعمر

عمر الشهري @user_9141 · 20-12-2005

شيء رائع في الحقيقة وتعتبر من نسج الخيال

الأخت عاشقه ال Range

التحلي بروح الديمقراطية طيب والبعد عن التعصب أطيب :)

خالص تحياتي للجميع

عاشقه ال Range @user_25412 · 20-12-2005

اي اي هيين بس

اقص رقبتي ان وصل .. لو يوصل للقريات زيييين :D
انا اقوول عقلووه بس و اذا كان ملزم عالروحه يروح بالطياره وش الله حااده عالشقا والهبال
انا قلت السياره بتصير رانج اثرها اكووورد :confused: :confused: وقصصم ما عنده سالفه
لا وتقولوون ما نبيكم تسوقوون يالبنات <<<<< مسكتها علييكم تشوفون بس
عالاقل حنا محنب مسوين كذااااااا :eek: :eek:

EXiT @user_23262 · 20-12-2005

الله يقويه

واختياره للاكورد ممتاز

تيمون @user_23665 · 19-12-2005

مشاء الله علية شكلة معزم على الروحة

350z-sparda @user_21091 · 17-12-2005

مسوين زحمة والاكورد لسا ما وصلت ...
قولوا انشالله يوصل بالسلامة مو الاكورد وما اكورد ...

bashar_255 @user_12025 · 17-12-2005

الله يوفقه :)

الا بقول

كم رقم اللوحة ؟ :D

Mr.zoom @user_21749 · 17-12-2005

خلة يستريح بس ويروح بطيارة هذة جنون موب عشق سفر واللة حرام عنده اهل مايفكر فيهم هل المجنون

CamSHAFT @user_6565 · 17-12-2005

بلعكس يالغالي
صحيح الاكورد تتحمل..وايضا مشوار كهذا اي سيارة ممكن تتحمله
لأن الخطوط اريح للسيارة بكثير من داخل المدينة
القير ثابت ولا فيه تعشيق وفك التعشيق..والهواء يتدفق على المكينة بسرعة عاليه ويبردها والدعسة وحده

EVO MR @user_20104 · 17-12-2005

الحين وش جاب سيرة الأكسنت والسوناتا هنا

من جد بعض الناس اتعموا من الحقد

الحين ما لقيت إلى ردي تعقب عليييه ..

الظاهر حاطينك مراقب علي وأنا ما أدري ..

على العموووم ما صار إلا خير ..

وبالنسبة لردي .. فصاحب الموضوع كتب وبكل فخررر .. تدرون وش سيارته قال (( أكــــورد )) ..

وهذا يدل على إنه إفتخر في إن الأكورد بتمشيه من السعودية إلى المانيا ..

وأنا مستعد أستناك على حدود سوريا .. وإن وصلت إلى هناك بسيارتك الكووورية ..:eek:

مستعد أرجعك البيت وأوديك على حسابي سوريا إجازة أسبوعين ونص ..|4|

واتمنى اخوي إنك تحسن الفاظك في المرة الثانية .. يعني أنا ما غلطت عليك علشان تتكلم الكلام هذا .. :mad:

تقبل فائق إحترامي .. |3|

ت ح يا ت ي EVO MR

salehhd @user_17805 · 16-12-2005

ما شاء الله

الاكور سيارة يعتمد عليها وحق خط يعني اعقل وتوكل

الله يوصلة بالسلامه

لاكن في مشكلة

لوحة السارة بالعربي وبروح دولة اجنبية

يعني احتمار يرجعونة

Tiguan King @user_21525 · 16-12-2005

الاكورد لو تبي كان راحت لامريكا مو بس المانيا

الياباني قووووه

مشكور على الموضوع الرائع

تحياتي

لاندكروزر-GX-R @user_5302 · 16-12-2005

ماشاء الله عليه

الله يوفقه ويوصله بالسلامة

بس والله مادري عن الأكورد هي تتحمل ولا لا ؟؟

صحراء الجليد @user_19137 · 16-12-2005

E

EVO MR

ما شاء الله عليييه ..

شكله من جد مطفررررررررر . . هههههههه

والله الأكووورد موووتر .. صررراحة .. ونعم مووتر اليابان ،،

لو ياخذ أكسنت وإلا سوناتا بتبوش في الخط .. بتطييح المكييينة .. هههه

ت ح يا ت ي

الحين وش جاب سيرة الأكسنت والسوناتا هنا

من جد بعض الناس اتعموا من الحقد

M.G.M @user_10743 · 16-12-2005

بصراحة مغامره كبرى

والاكورد والنعم فيها

تحياتي لك يا فهد المطيري

عطاوي المكاوي @user_23263 · 16-12-2005

شاب سعودي يعتزم السفر بسيارته برا من الرياض إلى برلين لمساندة الأخضر

محمد البيشي - الرياض - 12/11/1426هـ
عندما تفكر بأنك ستقطع بسيارتك مسافة طويلة تتجاوز آلاف الكيلومترات، وتمر من خلالها على دول وقارات بمختلف تضاريسها البرية والبحرية، فإن التفاصيل ستتزاحم في مخيلتك ولاسيما وأنك ستقطعها بمفردك وعلى نفقتك وبسيارتك الخاصة فإنك ستعيد التفكير ألف مرة في مغامرة كهذه ! ولكن إن كان الهدف هو مؤازرة الأخضر في المونديال العالمي في ألمانيا بعد سبعة أشهر من الآن فإن ذلك ممكن.
هذا ما قاله لنا فهد المطيري الطالب الجامعي، عندما عقد العزم على السفر بسيارته "هوندا" 2005، من الرياض إلى برلين في الصيف المقبل لمساندة المنتخب السعودي في مشاركته الرابعة قاطعا أكثر من تسعة آلاف كيلو متر وتسع دول بين قارتي آسيا وأوروبا قد تستغرق أكثر من عشرة أيام متتالية.
"الاقتصادية" التقت المطيري وسألته عن الدافع وراء هذه المغامرة فأجاب قائلا: "أنا شخص يعشق السفر وقد سافرت إلى بلدان كثيرة، من قبل ولكن بالطائرة، وعندما كنت أخطط للسفر إلى ألمانيا للمشاركة في تشجيع الصقور الخضر والاستمتاع بالإجازة الصيفية، خطر لي أن أستفيد من الدافع فرصة لزيارة عدد من بلدان العالم التي لم أزرها حيث إن الرحلة ستنطلق من السعودية، مرورا بالأردن ثم سورية وتركيا وبلغاريا وبعدها رومانيا ثم هنغاريا والنمسا وصولا إلى ألمانيا.
وأوضح المطيري أن الكثير من زملائه الشباب نصحوه بعدم القيام بهذه الرحلة لما فيها من مجازفات كثيرة قد تعترض طريقة وكذلك هناك إجراءات قانونية وظروف طبيعية لا يعلم عنها شيئا، إلا أن رغبته في تحقيق شيء مختلف وإحساسه بأن الأمور ستكون على ما يرام، جعلاه يبدأ في التحضير للرحلة بشكل فعلي من خلال جلب الخرائط، وشراء بعض المستلزمات الضرورية للسيارة من قطع غيار وتحديد بعض أماكن الصيانة على الطريق عبر الإنترنت، وخيمة صغيرة، وحجز تذكرة مباراة الافتتاح، التي تجاوزت قيمتها 1000 دولار.
ويتوقع المطيري أن تتجاوز تكاليف رحلته التي تستغرق على الأقل عشرة أيام على الطريق، وأسبوعين إقامة في ألمانيا 30 ألف ريال سعودي، وأن المبلغ قد يرتفع وفق الظروف التي قد يواجهها.
وأضاف فهد أن أكثر ما يخشاه هو أن تتعطل سيارته في الطريق ثم لا يجد القطع اللازمة أو مكانا للصيانة، وهو ما دفعه لمحاولة التنسيق مع وكيل الشركة المصنعة للسيارة في الرياض عله يحصل على بعض المساعدة والمعلومات اللازمة في حال حدث شيء من هذا النوع.
وأخيرا يقول المطيري إنه يرغب حقيقة في أن يشارك في هذه التظاهرة الرياضية العالمية ويحمل العلم السعودي بين عشرات الأعلام في يوم الافتتاح.

http://www.aleqtisadiah.com/news.php?do=show&id=5424

قوية يا أكورد بتوفيق ربنا