وعليكم السلام ورحمة الله
بصراحة اسألتك كثرة لاكن بجاوب عليها بأذن الله
كم يمشك البنزين من كيلو ؟؟ وبكم تعبيه من الـ E الى الـ F ؟؟
الفل 65 ريال تقريباً ويمشي حدود 400 الى 430 كيلو
وكيفه في الطعوس ,,؟
غزال وماعلية كلام ويعتبر من افضل الجيوب المتوسطة هو والشروكي
وهل فيه فرق بين العادي والتوماتيك في الطعوس ؟؟
انا بصراحة عندي تماتيك ممتاز ومريح اثناء التطعيس لاكن العادي اقوى وهذا شي معروف خاصة اذا غرزت
وهل الـ 2004 دفع خلفي والا دفع رباعي الى سرعه 60 كم \س ؟
كله دفع خلفي حتى 2005
هل استطيع تركيب زينون للنور العالي واخلي النور الواطي اصفر ؟؟ وهل شمعة الباث شمعه وحده والا شمعتين ؟
نعم تستطيع والنور شمعة وحدة واعتقد سعر الزينون 1300 ريال مع التركيب
وهل فيه خرابات كثيره ؟
الموتر بحمد الله مافي اي خرابات وقوي ويتحمل كرف لاكن الصيانة الدورية لابد منها
وكيف صيانة الوكاله ,, زينه والا متعبه وتاخذ وقت ؟؟
انا بالمنطقة الشرقية عند الجبر والحمد لله ما اشتكيت منهم ابد بس لازم تاخذ موعد قبل الصيانة بيوم ولا يومين
هل هو منتشر في المعارض ؟؟ وكم سعر الـ 2004 وكم سعر الـ 2003 اللي اقل من الفل بدرجتين ؟؟
عندنا الموتر منتشره في المعارض بكثرة ومطلوب لدرجة انهم قامو يجيبونة وارد امريكا بسبب الطلب الزايد علية اما الاسعار فأعتقد من 58 الى 65 حسب النظافة والمشي
والنوع اللي اقل من الفل بدرجتين .. يجي بسيدي وكسيت والا بس كسيت ؟
كلة يجي سيدي وكست الفرق هو ان الفخم ياخذ 6 سيديات وكلها مكيف لمس الا اقل درجة
وكيف سماعاته قويه وواضحه والا لا ؟؟ وكم سماعه فيه ؟؟
السماعات الامامية ممتازة لاكن زملاي يقولون السماعات الخلفية ضعيفة شوي
هل اقدر اطيح فيه وارفعه .. ما يظره ؟
الي اعرفة ان الشباب يركوب مساعدات استرالية وبالون جوا الياي ويرفعونه الاكن التنزين ماعندي خبر وهذا جيب حلاتة برفعتة حق الوكاله
وهل فيه اصوات مزعجه والا لا ؟؟
اذا تقصد صوت الهوا فهذا طبيعي في كل الجيوب بسبب الشكل غير الانسيابي والعوازل لاباس فيها اما صوت تفكك فهذا وارد في النيسان وطبيعي
وتنصحوني اخذ فتحه ؟؟
هذا شي راجع لذوقك وبيني وبينك الفتحة تعطي الموتر منظر وانا ندمت اني ما اخذت فتحة
هل فزته قويه ؟؟ وفي كم يجيب الـ 100 كم \ س ؟؟
الموتر قوي وحسب ما سمعت ان الشاب يقاومون بالعادي مع اللومينا اس اس والموستنج ولا نتسى انه جيب الوعزم عالي جداً
هل تنصحوني اخلي كفرات الوكاله والا اركب كفرات نوعيه ثانيه احسن منها ؟؟
بالنسبة لي مخلي كفرات الوكالة لاكن بصراحة خشنة شوي في المطبات وتحتاج تنسيم الكفر الى 15 او عشرة علشان تطعس براحتك
الشباب ينصحون بميشلان لاكن سعرها غالي جداً وتقدر تركب كفرات البرادو دنلوب لاكنها عريضة وشوي وافضل في التطعيس
هل فيه فاصل للسرعه ؟؟ على سرعة كم يفصل ؟؟ واذا فيه اقدر افك الفاصل ؟؟ واذا فكيته كم يجيب زياده عن الـ 200 ؟؟
اما السرعة فأنسا مافي امل يفصل ويطيب طبلونه بالراحة
هذي الصورة في سرعة 160 رجع القير على d2 وطبعاً السيارة ما راح تبدل على d2 راح تبدل على d3 والصورة مولي لشخص في المنتدى وما انصحك بالسرعة تراها مازينه
واللي يعرف الفروق بين الـ 2004 والـ 2003 ياليت يذكرها ..
مافي اي فرق غير الموديل يعني سنة التصنيع المواصفات والمحرك واحد بس 2002 ونازل هو الي يفرق
ياناس انا بشتري باث مستعمل وما ودي اشتريه الا وانا عارف كل شي عنه ,, |5|
انصحك تاخذ واحد من المعارض يكون ماشي قليل لاني اخذت واحد 2004 ماشي 12 الف واخذة زي الجديد واهم شي يكون الضمان ساري والموتر خالي من الصدمات
وانا عارف اني كثرت الاسئلة ,, :rolleyes:
صحيح وتعبتني معاك على الله يبين فيك|11|
لكن استحملوني واعتبروني اخو صغير يستشير اخوانه الكبار ... :)
حاظرين للطيبين وخير ما سويت
وانا داري انكم ماراح تبخلون علي ,,
اخوكم
فهد
اخيراً انصحك بالاستخارة ترى من استخار ماخاب ومبروك مقدما
والالوان خذلك اسود او ابيض لؤلؤي وهي اجمل الالوان 
