اولا الله يعطيك خيرها ويكفيك شرها
لو ترفعها على وقفة الوكاله يكون أحسن لان السيارة ماشأء الله نظيفه وباين ان كل شي فيها وكاله الاالطلبون العدادات وفي النهايه القرار راجع لك
ومره ثانيه الله يعطيك خيرها ويكفيك شرها ومع السلامه
وماشاء الله عليك ماتنساني
وعلى طاري الصوره اللي تحت هذا هو نفسو الموتر من قبل كذا سنتين او ثلاث بعدها انسحب مني ورجعتووو
وعلى طااري الياي وماالياي حنا اهل الاحساء نحب الكوابرس مطيحه
وعلى فكره ترا اللي طلعين به الشباب هااالايام بدون ياااااااااااااي
وانا عن قريب راح اقص الخلفي ومثل ماقلت احمي والفه ..... وانا مش قاص اللي عليه بخذ لي ياي مقصوص وجاهز
والامامي عارف انه ينقص وانا قاص منه حول ثلاث طيات
ولكن اذا بوديه الفحص ارفعه بااجلد ويرجع مثل قبل .. عشان مايرسبوني باالفحص
وانا فيه شغلات كثيره ماصورتها
منها السستم والاربع سمعات باينير اللي شاق لهم من وراء
يعني تصور على السريع...
وباالنسبه حق موترك ماشاء الله نظيف مررررره
والله يعطيك خيره ويكافيك شره ............
ماشالله موتر نظيف بس ينقصه كم شغلة....
وعلى فكرة:
<<<<<<<<<< متخصص كابرسات 1977 - 1990
أولاً : كتابة ( كابرس ) اللي على الرفرف الأمامي تحت ... لصقها.
ثانياً : مع احترامي الشديد لك انت ما تعرف ( نصبة الشفرات ).
صحيح ان هل الحسا يحبون الموتر طايح بس حرام الكابرس ينلعب فيه.
وياريت تقول للدب اللي قاعد على الكبوت ينزل. يعني معروف عند اهل الشفرات ان الكابرس إذا ما ارتكز وارتفع ما يسمونه كابرس. ويازين لو كان من الخلف أعلى بفرق بسيط.
ثالثاً : يبغاله جنوط 7 إنش أحسن من جنوط الـ 6 إنش اللي عليه الحين.
( سعرها جديدة الأربعة بـ 600 ريال وتلقاها عند البناشر نظيفة بحوالي 300 ريال )
رابعاً : لو حبيت تنزل الموتر ( لاسمح الله ) ترى اليايات الأمامية تنقص عادي.
بس اليايات الخلفية ما تنقص أبد. واللي يقول انها تنقص وتتلحم هذا كذاب. وراح ينكسر عليك وانت ماشي.
لكن ممكن تلينها بالنار من ورى بالمقاس اللي يعجبك بس بعد فترة بينزل زيادة من ورى وبتسمع أصوات طقطقة وقربعة من الياي.
وأخيراً الموتر موترك وإذا تبي النصيحة ركب يايات 72 خلفية و 505 أمامي وتأكد انها صناعة كندية وماهي أمريكية.
وصدقني راح تشوف وقفة الشفر ( غير ).
وهذي صور لأعز سيارة عندي وهي كابرس 1984 شراه الوالد وكالة من الجميح يوم انه تزوج.
يعني الموتر أكبر مني بسنة وماشالله تبارك الله بودي بلده مافيه ولا صدمة. ( بس فيه خدوش صغيرة ماتبين )
بوية بلده ما تغيرت. ( بس أسوي لها تلميع كامل كل سنة ).
مكينة 305 شد بلد ما انفكت ( وغيرت لها جلد البلوف بس قبل سنتين لأنها تآكلت مع الزمن 20 سنة ).
جيربوكس 350 ثلاث تغييرات شد بلد ولا أنفك. بس أغير زيته وفلتره كل فترة.
والداخلية لون بني غامق ( ونادراً ما تلاقي كابرس داخليته بني غامق ) ممكن تحصل عنابي - أزرق - بيج - رمادي لكن البني نادر جداً.
طبعاً أشتراه الوالد من الجميح - جدة على أيامه بـ 41 ألف ريال. ووصل السوم فيه الآن 21 ألف بس ماني بايع أبد.
والله ثم والله انه يطبق الـ 200 والمكيف شغال وهو يضحك ماشالله عليه.
وهذي صوره تراني ماقد نزلتها من قبل بس اذكروا الله .
وماكنت ناوي أنزلها بس قلت عشان أوريك الوقفة المعروفة للكابرسات.
