حال الشباب لما يسمعون صوت البنات ...

السلام عليكم ورحمة الله وبركاتة

طبعا هذا مثال على حال بعض الشباب والخرابيط

<< فرفشة بس لاحد يزعل

والله يكسرون الخاطر !!!!!!

اقروا وخلصونا

كنت نايم.. وبعالم الأحلام هايم..
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..

رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت.. <<

قلت هلا
وقالت اهلين..
نوره موجوده؟؟

قلت وأنا صوتي رايح فيها..
لحظه شوي بناديها..
وجلست انادي واقول نوره .. يامن نوره يلاقيها..
وقلت مادري وين راحت الله يهديها..

بس دقيقة ماعندنا نوره!!

قالت آسفه اجل غلطانه..
قلت ولا يهمك عادي لا تكونين زعلانه؟؟
مايهم اذا ماعندنا الاـسم بنيبه..

وقالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص بح..
انتي شكلك تدرسين؟؟
كيف الامتحانات؟؟ عسى أنكم مرتاحين..
قالت باقي لنا يومين ونخلص
وخايفه والله من مادتين..
قلت من الامتحانات لآ تخافين..
دامك الليل تذاكرين..
وعلى الله تعتمدين..
واللي يزرع يحصد ( بطيخ ) ما يحصد يقطين..
أهم شي انك ماتنسين..
قبل الامتحان تدعين الله..
ومن إبليس تتعوذين.. << اي هين ههههه ومناك ام البراشيم
خلقه من نار وخلقنا من طين.. وجلسنا نسولف في أمور..
من وشو اسمك الين غلاء المهور..


قالت اسمي (حلا) وقلت لها انا خالد..
وقالت صدفه غريبه اسامينا فيها دلال..
تصدق كنت اتمنى يسموني نوور!!
تصدقين وانا كنت اتمنى يسموني محمد ..

وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..


وبدلع..قالت أنت تشجع الوحده؟؟

قلت في قلبي.. مادري أجاوبك بكف ولا بنعال.. هههههههههههههه
بالله عليج هذا سؤال؟؟ هع هع هع هع

قلت أنا نصراوي.. وما يهمني القيل والقال.. << احلى
هذا الكوماندوز هذا حبه طاح في القلب ولا ينشال..
والشمس مايغطيها مشخال..

< ما يشجع ولا شي .. << بس كذا تررى

قالت شمعنى النصر !!..
قلت يا بنت.. النصر فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. خالد..
قلت آمري يا حلا..
قالت اوصف لي شكلك..

ههههههههههههههههههههههه

توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد

المهم ان تواعدنا..
والموعد باجر في المول قررنا..
بين خوف وامل تواعدنا..

وقضيت ليلتي في حيرة..
وش البس؟؟ جنز ولا برمودة والله حيرة..
مافي غيرها يفج الحيرة.. شيشه و تعميرة..


ورجعت للبيت اعاتب امسي وابتسم لغدي..

وبصعوبة نمت.. قعدت اتقلب يمين يسار..
يا قلبي قلي شو اللي من الحب اهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وتكشخت
لبست غترتي وعقالي ..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..

مب سوالف شجاعة.. هذي اكبر بطولاتي..
اذا خسرت بتضيع احلى امنياتي..
جلست ادور والف وحول المكان اطوف..
وين هذيج العين اللي عليها قلبي ملهوف..
حلا؟؟ ياليت الناس تيي وتشوف..





وفجاءة..



وصلني مسج..
يقول..
سويتها فيك يا خالد..
رد بيتكم وخل عنك هسوالف ياتـعبان


روح نام ..
تعيش وتاكل غيرها
و سويتها فيك

ههههههههههههههه


تحيااااتي للجميع
بوعبدالرؤوف