تكفووون قبل بكرة ابغى الفزعة

بدر الجابري @user_21458 · 21-02-2006

مساء الخير يالغالين

تكفوووون ابي خبرتكم كيف اطلع لوحة ملكية امامية لسيارتي 2002 كامري

واسئلتي هي :

من وين اطلعها من المرور ؟ ووين مكانهم بالضبط ؟ والا في اي قسم مرور اقدر اطلعها

كم قيمتها ؟

وكم تآخذ من وقت ؟

يمديني اطلعها بكرة الاربعاء قبل نهاية الدوام الرسمي والا مايمديني ؟

الله يرضى عليكم علمووووني

المـمـيـز @user_14840 · 22-02-2006

حظك حلو توني مطلعها قبل اسبوع وو كنت زي حالتك

لو كنت من الرياض

تمسك طريق الملك فهد اظن و الله اعلم كأنك متجه جنوب

لوزارة الداخليه و زي كذا

المهم بتجيك طبعا على يسارك المملكه وبعدها الفيصليه و انت كمل

بيجيك بعدين قدام شوي مخرج يقول لك طريق الوشم تدخل معه و انتبه لا تضيعه المخرج

بعدين الاشاره تروح يسار و تمشي قدااام لين يصير الشارع حرف T

يعني ياتروح يمين يا يسار انت طبعا رح يسار

اظن بتجيك على يمينك محطه نفط ماعليك منها امش قدام شوي و طبعا الشارع بيبدا ينعطف يمين على خفيف

بعدها بيجيك مطبات بتشوف على يمينك لحظتها صبات و زي كذا بتلقى ادارة التموين

هذا هو مكان اصدار اللوحات

بتوقف سيارتك بتنزل و معك الهويه و الاستماره بجيبك

وتدخل بتروح الدور الثاني بتلقى استمارات على جنب عب وحده

و رح الصندوق طبعا بتدفع على لوحه وحده 50 ريال

فيه عندهم نظام

لو جيت قبل الساعه 10 الصباح تستلم اللوحه الساعه 1

لو جيت بعد 10 الصباح تستلم اللوحه غدا

طبعا انت شف إلي تبي

وطبعا لما تجي تعبي الاستماره و تدفع بالصندوق بيعطيك وصل خله معك

وطبعا ماراح يكون هناك اي زحمه

والله يوفقك و تطلع اللوحه من بكره بقراطيسها

صح طولت عليك لكن ماحبيت تضيع زينا

M O A Y A D @user_15565 · 21-02-2006

100 ريال للوحتين الاماميو والخلفية

واذا انت في الرايض تقدم الصباح تستلمها الظهر ....

بس في اي مرور مااعرف

لكن في غيرها من المدن تاخذلها اسبوع 10 ايام انت وحظك...

Azera @user_26819 · 21-02-2006

هلا اخوي بدر

انا ما عندي خلفية كامله عن هذا الامر لكن اللوحة الطويله يصرفونها لكن مرور بعليشة مهوب بالناصرية هذا اللي اعرفه و الله اعلم :(

أبو حسام@ @user_25938 · 21-02-2006

السلام عليكم

اخوي تروح للمرور وتطلب لوحة وحده بـ 50

وانا بينبع تطلع بعد اسبوعين

ان شاء الله اكون افدتك