تكفون لاتحرمونا من آرآئكم ..!!

GL.X غمارة @user_20262 · 13-03-2006

السلام عليكم ورحمه الله وبركاته

شباااااب انا معي 70 الف , احطها بـ وشو ؟ التيما V6 2005 جناح ,, ولا احطها بسوناتا V6 نص فل بفتحه بـ 66500 ؟
وش تنصحونا يآخوااان ؟انا مدررررررررررررررري وش آخذ ,, الالتيما خايف من كلام النااس عنها انها تهرربد ( تتفكك)
والسوناتا انا خايف من كلاام الناس عنها بعد انهم يقولون , كوري .. لاتاخذه .. بس انا اشوف انه تحسن بشكل كبير الكوري , اذا ماني غلطان .. وانا صرآحه رآعي خطوط وسفر .. ومليووون مره اسوي موضوع بس مآلقيت اجابااات شآفيه تفك الحيره اللي فيني .. وش اسوي ؟ و وش اخذ ؟ الالتيما عآجبني عزمهاااا وقوييييه بس مآفيها مواصفات امااان وديكورها من جوا كأنه بلاستيك ابو ريالين .. ,, والسوناتا عاجبتني مررره اول شي لانها جديده وثاني شي فخمه و وسائل اماان حلوه فيها ( ايرباق للسآئق والرآكب / فرآمل ABS ) اهم شيئين بالسيارهـ .. وهذا غير المواصفات الحلوه اللي فيها ( فتحه سقف / مكيف الكتروني / 6 سيديات / مثبت سرعه ) وكل هذا بـ 66500 |10| وانا محتاااااار مدري وش آخذ ؟

يـآليت تعطوني اجابااات شآفيـه ومقنعه .. واذا عندكم معلوماات اضافيه لاتبخلون علينا تكفوووون

وآســف على الاطـآلـــه يآخوآن ,, وشكـــــــــــــــــــــــــرآ ..,,|3|

سراب الود @user_22125 Banned · 14-03-2006

انا اقول وانصحك بالسوناتا الجديده
واللي يميزها عن السيارات الثانيه
انها تجمع مواصفات وجوده وقوه وسعر رخيص في السوناتا2006

نصيحتي لك السوناتا افضل وانتشارها قوي جداااااا

تحياتي سراب الود

سيّاف @user_21467 · 14-03-2006

أنصحك بالألتيما 2006 خاصة إذا كانت 6 سلندر ..
مهب عشان القوة وبس !
مريحة
شكل صراحة
مميزات
رساوة <--- غير طبيعية بحق !!
والمميزات اللي بتجي معها !
مثل الازرار على الدركسون
طبعاً فيها إيرباقين حتى في السياحي الـ 4 سلندر
6 سيديات
.
.
.
الخ

السوناتا ممتازة ..
بس الالتيما أفضل << رأي شخصي >>

أخوك
سيّاف

V2X @user_18369 · 13-03-2006

سونااااااتااااااا ياخوي بدون تردد ...

و اترك عنك الألتيما ... :)

في ناس عندهم سوناتا و ألنترا وصلوا 200 ألف و هي ماشية زي الحلاوة ...

بالتوفيق ...

M .N. N @user_18180 · 13-03-2006

هلا وغلا فيك أخوي

أخوي أنا كنت محتار زيك في يوم من الأيام ،

بقولك تجربتي بإختصار ...

أنا أحترت وأخذت ألتيما لأجل القوة وبحكم أنها يابانية ،، ومن شركة عريقة نيسان لاكن ..

الوكالة زفت !!
المساعدات غيرتهم
الربلات غيرتهم >>>>وهذي ما سمعت أحد مغيرهم لاكن أنا أبتلشت فيها
الديكور الداخلي مافيه جودة أبد

إذا كان عادي عندك العيوب اللي ذكرتها خذها وتوكل ^^^^^

لاكن عندي أنا أفضل السوناتا بمراحل،،،

0
0
0

إيسوزاوي @user_18360 · 13-03-2006

والله ما تنلام في حيرتك .. فعلا شي محير ,,

لكن شف .. انا اللي اعرفه ان الألتيما 6 سلندر 3 فئات ... اذا انت بتاخذ فئه 1 فما أنصحك فيها لانها تفتقر للعديد من المواصفات ,, اما اذا هي فئه 2 فتوكل على الله و خذها ,,

والسوناتا ايضا حلوه خصوصا الــ6 سلندر شكلها حلو ..

الزبده ,, لو اني مكانك خذت الألتيما

سلام

كامري @user_798 · 13-03-2006

الالتيما صاروخ ارضي وقوه غير طبيعيه وموتر ممتاز ومريح اما عن يتهربد انا ماادري عنها ذي

اما السوناتا موتر مريح ومواصفات بالهبل و سعره حول 69 الف ريال سعر ممتاز على المواصفات وكشخه << بالنسبه لي والديكور الداخلي ممتاز جدا بل اكثر من رائع

والله انا اشوف اخوي انك تستخير

وسلالالام

بلا حدود @user_24628 · 13-03-2006

انا اقول السوناتا

وانصحك انك تجرب السيارتين

مبروك مقدما

الحيران الحيران @user_18683 · 13-03-2006

أخي الكريم راح اتكلم انا لك عن الألتيما معاي موديل 2005 4 سلندر فل ماشيه 52000 ألف كم
باختصار كان فيه عيوب بالمساعدات وغيروه الوكالة على الضمان مرتين وخلصنا من هالمشكله
بالنسبه للتفكك ما اظن راح تبخل عليها كل 20 ألف تقريبا تدخلها صيانه ويربطونها لك مثل ما اسوي انا
الفحمات تصدق الى الان ما غيرتها
الراحه هي الافضل في فئتها وأصدقك القول أنها أريح حتى من الكابريس اتكلم عن المخمل طبعا والسرعة كذلك هي الأسرع في فئتها وهي الأوسع في فئتها
الديكور الداخلي هو الأسوأوالأضعف والأردء في فئتها وبالتوفيق،،،،
ولم أشكو ولله الحمد إلى الان من أي مشكله في الوقت الحالي.......

GM_TAHOE @user_23867 · 13-03-2006

والله ودي افيدك
انشاء الله يفيدونك اصحاب السوناتا 2006 والتيما 2006

وتقبل تحياتي

عاشق ميتسوبيشي @user_27574 · 13-03-2006

والله اذا انت محتار بين السيارتين
نصيحتي لك جربهم الثنين وشوف انت ترتاح مع اي سيارة
لكن رايي الشخصي افضل السوناتا
السوناتا افضل من ناحية الجودة وصلابة الجسم
والسوناتا تفوقت على الالتيما في اجميع اختبارات الجودة
انت جربهم بعدين استخير وتوكل على الله
ومبروك مقدما

MONDEO _05 @user_7546 · 13-03-2006

توكل على الله وخذ ألتيما .. ومن قال ؟ الألتيما مافيها امان على الأقل السياحي منها يجيء بـ 2 أيرباق .. والسوناتا الفل أيرباق واحد فقط ومتاكد 1000 % لأن أكثر من 5 مرات رايح وكالة الهيونداي .. الألتيما قوية ومريحة وذات شكل جميل والسوناتا كذلك ولكن احسب حساب الشهرة ووقت البيع اذا كنت تهتم ..
..
واذا تريد الأفضل بصراحة .. هوندا اكورد سياحي وتوكل على الله .. صاحبي عنده واحده ماشية 163 الف موديل 2003 .. السياره مثل العسل ماتشتكي من شيء ولا يستطيع أحد ان يعيبها ..
..
أرق التحايا