:: هل زيت غسيل المحرك ضروري ؟؟::

ما انصحك فيه

السلام عليكم ....

ياشباب انا اشوف ان زيت غسيل المكينه يستخدم في حالتين ... الاولى اذا الزيت القديم طول في المكينه وصار محترق عشان يشيل كل بقايا الزيت القديم في المكينه ... والاستخدام الثاني لما تبي تغير نوع الزيت اللي تستخدمه عادة لانه مثل ما قلت يشيل بقايا الزيت القديم وتحط النوع الجديد على نظافه ...

بالنسبه لي انا مشكلتي اهمل الموتر ما اغير الزيت في الوقت المحدد له الحين وانا اكتب هالرد لي حوالي اسبوعين وانا ابي اغير الزيت ولا فظيت له وبسبب اهمالي صاير استخدم زيت غسيل المكينه كثير يمكن بين كل ثلاث تغيرات للزين اغسل المكينه مره وحده وهذا نظامي من حوالي خمس سنوات وسيارتي ما شاء الله عليه مافيه شي ولا تضررت من زين غسيل المكينه ....

اخوي سيارتك ما تحتاج لهذا الزيت ماشاء الله عليك

لكن فايدته انه يزيل الزيت المتأكسد اللي اشبه بالغراء داخل المحرك ومجاري الزيت

واحيانا السيارات القديمة يقفل فيها الشنابر بسبب اكسدة الزيت القديم ويطلع دخان من الشكمان كان السيارة مبوشة

ووظيفة هذا الزيت تنظيف الاكسدة وفتح الشنابر لوضعها الطبيعي

بس اذا انت مداوم على غيار الزيت ان شاء الله المكينة تكون عندك نظيفة

هذا علمي وسلامتكم

نصيحتي لك لا تحط غسيل المكينه

لان ضرره اكثر من نفعه ...

ولو كان له نفع كان استخدمته الوكاله...

السلام عليكم
مشكورين يااخوان على النصايح والمشاركة الرائعة :)
الله يجزاكم خير
وانشالله كذا اسبوعين وادخل السيارة على 100 الف كم الوكالة
والله يعين :)
تحياتي

زيت غسيل المكينة هذا وظيفته سنفرة المكينة

الموبيل 1 هو الزيت التخليقي الوحيد اللي يمشيك 20.000

اما زيت مثل الكاسترول GTX فهو زيت تخليقي يتحمل حتى الـ 5000 كيلو و هو ممتاز للمناطق الحارة :)

ما راح يفيدك بشي,,
احسن شي انك تحط الزيوت التخليقية اللي تمشيك 20 الف كيلو,

يا اخي اللي اعرف انه فيه زيت أو سائل يوضع في تانكي البنزين بعد ماتعبي السيارة فل تصب عليها هذي الزيت او السائل ووظيفته أنه ينظف البخاخات ويزيل عنها الشوائب والأوساخ ..

سعره يتراوح من 5 ريال إلى 30 ريال :)

بالتوفيق

ما انصحك بزيت الغسيل بصراحه اضراره اكثر من نفعه

مشكور اخوي bashar_255 على المرور والرد
الحمد الله انا مااشكي من شي ابدا... لكن فقط اود معرفة هل الكلام من الناس صحيح ام خطأ؟!
====
هل من آراء تشاركنا في الموضوع؟
تحياتي