السلام عليكم
عندي مشكله بالسياره طلعت لي قرون :(
اولا : السياره كامري 2002 تيورنق 6 سلندر
المشكله .. ترجف السياره إذا لفيت يمين .. وتكون وااضحه الرجفيه إذا الضغط على 3 او اكثر..
ترجف من الجهه اليمين .. لدرجة إنها مزعجه.. وإذا لفيت اقصى اليسار واكنت فيه مطبات خفيفه اسمع صوت طقطقه جهة التاير اليمين قدام او ماسمعته توقعت انه صوت برغي يلعب بدبة السياره ( بالشنطه) بس مالقيت شي.. والصوت سمعه المكانيكي يقولي هذا صوت مجمع السكات
وديت السياره ميكانيكي .. وقالي عندك الإكسات تعبانه .. اثنينهم يهربون زيت.. وربلة الإكس اللي على اليمين موليه.. المهم فك الإكسات وداهممتخصص إكسات
وضبطهم.. قالي إن الإكس الايمن كان فيه شويه خرابات وغيرة القطع الخربانه وحطيت أصلي واللي على اليسار بس الربل تبدل
وانا شفت بنفسي التهريب والربلات المتقطعه .. وكنت واقف عنده واهو يشتغل لين خلص بعد 4 سااعات
المهم ركب الإكسات وكل شي تمام .. طلعت من عنده افحص السياره والا نفس المشكله موجوده ولا تغيرت فيها شي .. بس لاحظت نعومه بالسياره ( يعني مافي اصوات خشنه مثل قبل).. المهم
رديت له وقالي المشكله مو من الإكسات وانا صلحتهم وعلى كفالتي.. طلعت من عنده ورحت لمحل ثاني .. فحصلي السياره قال الإكسات مافيها شي..
وفريت كذا محل قالوا لي الإكسات سليمه 100% بس مو قادرين يحددون المشكله..
كذا واحد قالي احتمال كبير المشكله من مجمع السكات
وش رايكم باللي صار .؟ وهل تتوقعون المشكله فعلا بالمجمع.. علما إني امبدل كراسي قير وماكينه قبل فتره بسيطه ومبدل الغايشات ومسوي تصفيه للسياره
رحت لوكالة الساير وقالولي المجمع الجديد ب 260 دينار .. يعني 3200 ريال سعودي
ابي فزعتكم .. والله دوختني السياره
