للجميع : ماهي رائحة العطر التي تستخدمها في سيارتك؟

بالصدفة اليوم كنت بأسواق السدحان اللي على مخرج 14 الربوة ..

وحصلت نفس نوعية الشمع اللي حصلت بالشرقية :) وما صدقت خبر أخذت منه كمية طيبة :)

وطريقته المقترحة للسيارة : حط قارورة الشمع تحت المرتبة ونم وإن وإلا على الطبلون وخل الحرارة تصقعها وتشوف :)

ماركة الشمع Star Lytes وفيه روائح مختلف : كرز - توت - تفاح مع قرفة - خيار :) - بحري - رومانسي ... إلخ

وانت داخل السوبرماركت تحصله على طول على يسارك ..

الله يعطيكم العافيه على المشاركة يا شباب .

وننتظر مشاركة البقية والاستفادة من خبرات الجميع بهذا الموضوع .

تحياتي

افضل عطر مالبورو احمر

والدليل كل من ركب معي سألني وش هالريحه هههههههههههه


جربت كل شي ولكن بالصدفه اكتشفت اجمل عطر

اشتريت عزبه للبر وحطيت قهوه وسكر وكل شي وكلهم بالشنطه

ثاني يوم نسيت اني ما اخذت هيل وحطيت الهيل بالسياره ونسيته وكل ماركبت اقول وش هالريحه الحلوه حتى اختفت ريحه المالبورو

ومن بعدها مانزل الهيل من سيارتي

طريقه الصنع <<< اخس يالمخترع

كيس فيه هيل مطحون ربع كيلو وتخليه مفتوح شوي يعني اذا ربطته لاتشد الكيس خله مرخي شوي وتحطه تحت اي كرسي وتدعي لي

بالنسبه لي حاطه بشنطه سيديات من ابو ريالين وفاتحها شي بسيط وحطها داخل كيس مفتوح

موضوع حلو
وأفضل رائحة الفواكة في السيارة

نفس معاناة اخوي مخربها

كل يوم اشتري نوعيه معطر لكن لافائده ماادري السبب ايش

ومشكوورين عل المعلومات الحلوه

استخدم عطر إسمه Crystal Air وهو قطعه زجاجية دائرية ولونه أحمر red berris

مشكور وما قصرت ... وبالنسبه للشمع موجود بالرياض ولا لأ ؟؟

بصراحة بسيارتي اللكزس نظام شفط للروائح الكريهة وتعطير جو السيارة برائححة عطرة مثل رائحة السيارة وهي جديدة

وكل من يركب معي يقول لي مشاء الله ريحة سيارتك باقية . !!! لجل كذا ولا عمري حطيت معطرات فيها .

وسيارة العيلة والوالد انواااااااااااع العطور حطيت فيها .

تلقاها عند زهور الريف وهذا رابط موقعهم علشان تعرف الفرع القريب من بيتك.

http://www.zohooralreef.com/arabic/en_branches.jsp

مشكورين يا شباب ... وشلون طريقة الفخار ؟؟؟؟

وين القاها ..

جربت طريقة زيوت الريف بالفخارة اعتقد تنفع معك .

واما بالنسبة للشمع فيوجد بالرياض طريق الملك عبد الله محل سيتي بلازا عندهم قسم كله شمع انواع الريحة والاشكال .

اخوي .. فيه شمع بعلب قزاز .. موجود عند صيدليات الدواء بالمنطقة الشرقية ..

حطيت وحدة بالمجلس بدون اشعال وريحتها فواحة بشكل عجيب ..

سعرها 10 ريال .. دورتها بالرياض وما حصلتها :(

وفيه عند ساسكو أنواع كثيرة وبنكهات غريبة وعجيبة :)

لكن غير النوعية اللي عند صيدليات الدواء ..

السلام عليكم ....

انا ماخليت نوع من انواع المعطرات الا وحطيته بس مافيه فايده ابي اعرف ليش العطور ما تمسك ريحتها بسيارتي ... حطيت اللي في المكيف ولا نفع وزعت بالسياره الورود المجففه المعطره وما نفعت وبعدها وزعت في السياره الكور الخشبيه المعطره وما نفعت مالقيت اي شي يمسك واللي مستغربه ان الورد والكور الخشبيه المعطره انفعت ومسكت ريحتها في يوكون حق واحد من العيال وسيارتي ما بينت فيها ... يمكن عشان المراتب جلد ؟؟؟
تكفون اللي عنده فكره او حل يقولي ...

انا بعد نفـس الاستخدآم |4|

على فكرة ..

لازم تحط داخل الفخار منديل عشان يتشرب الزيت ويمسكه من التسرب ..

وأول ما تشتري الفخار لازم تنقعها بالموية 24 ساعة :) على كلام راعي المحل ..

زيت جرة الفخار فكرة حلوه بس انا اذكر كنت حاط منه بالسيارة ومع الحر ينقط الزيت على ديكور السيارة وشلته ومعاد فرت احط منه بس للعلم ما كنت حاط من زيوت زهور الريف المعروفه لكني ابجرب واشوف .

وما زلنا ننتظر رأي باقي الأعضاء.

تحياتي|3|

بالنسبة لي فأنا أستخدم زيت معطر في جرة الفخار الصغيرة .. والزيت من ( زهور الريف ) كل مرة آخذ عطر مختلف :)