محتاجة مساعدتكم بخصوص CLS 350

ان شاء الله اخويه ومشكوووور جدا على الدعوة الطيبة والله يحفظك من كل شر ان شاء الله ...

ياليت لو اي عضو من الإمارات وعنده خبره او معلومة عن السيارة وعن عرض عقد الصيانة لمدة ثلاث سنوات من الوكالة واللي يشمل السفايف والدرامات وتبديل الآيل والسيرفس او الخدمة بسعر 14900 درهم .. هل تتوقعون انه عرض مغري وبيفيدني او انه ماله داعي اني اخذه وانه عرض مبالغ فيه ؟؟؟ ومرة ثانيه حابه اشكر جميع الأعضاء اللي علقوا على موضوعي وساعدوني فيه والله يارب يجعله في ميزان حسناتكم ويحفظكم من كل شر آميييييييين...

مشكوووووووور اخويه ابو عبدالله وانا رايي من رايك بأنها سيارة ماعليها كلام وفخمة وانا وااااايد حبيتها .... ان شاء الله بتوكل على رب العباد وبصلي الإستخارة واخبركم بالقرار الأخير ....

مشكور اخويه بو عبدالله على دعوتك والله يوفق الجميع ان شاء الله

اختي انصحج تتوكلين على الله او بدون لا تقارنين السي ال اس باللكزس مع( احترامي لاخواني ) الي فضلوا اللكزس بس بصراحه الموتر قوي او فخم او له هيبته

او اذا خذيتي أي سياره يعطيج خيرها او يكفيج شرها


او تحياتي للجميع .....

الله يمسي الجميع بالخير

الأخت العزيزة أنا لو مكانك ما ترددت لحظة عن شراء السيارة خصوصاً إذا كنت عاشقة السيارة لهذه الدرجة

لم يسبق لي تجربة السيارة ولكن من أشد المعجبين لها

قبل أسبوع تقريباً كنت بوكالة مرسيدس بالسعودية بالرياض تحديداً - الجفالي

وكان معروض 2

وحده CLS 500 لونها أسود وداخلي أحمر غامق بصراحة منظر خيال حتى أني فضلت شكلها على الأس الجديد من زود جمالها وشبابيتها

وكان سعرها على القزازه الأمامية كالتالي :

367.485 ريال سعودي

والثانية حدث ولا حرج CLS 55 AMG

لونها عودي غامق ومن الداخل بيج فاتح أعتقد هيلوز

معدله تعديل كامل AMG من مكينة إلى جنوط وأربع شكامين بصراحة جنااااااااان

والسعر :

478.883 ريال سعودي

بصراحة برأي الشخصي سيارة ما عليها كلام من ناحية الشكل والفخامة وأبدعوا فعلاً بتصميمها

وحرام تقارن باللكزس أو أي سيارة أخرى لأن ما لها مثيل

وأتمنى لك التوفيق ......

وتعلمينا وش رسيتي عليه بالنهاية ولا تنسي الإستخارة ............

أبو عبدالله ..،،،

اقدم شكري وامتناني ( حشا مذيعة تلفزيون) لكل من ساعدني وعاوني وشارك بموضوعي ونتم ماشاء الله عليكم ماقصرتوا وهذا الرجا فيكم والحمدلله ماخاب رجاي ... ادعولي ربي يوفقني في السيارة اللي باخذها ويكفيني شرها ويعطيني خيرها ... لو اي عضو عنده اي تعليق او حاب يضيف اي معلومة بالنسبة لهذا الموضوع فمرحبا به ملاييين وفي الأخير الفايده بتعم الجميع وسلامتكم

اتمنا ان يعونوك الاخوه

الله يعطيك خيرها ويكفيك شرها وتحافظين عليها خصوصا الصيانة الدورية لو حبيتي تعيش المرسيدس معك جديدة لعدة سنوات ..

حلوة السيارة بس للناس ذوي الأحجام المتوسطة والصغيرة ( الرياضية ) مو مثل حالاتنا :)


تحياتي ..

lما شاء الله عليك اخويه بو حميد كفيت ووفيت وماقصرت وانا بصراحة عجبني تقريرك الأكثر من رائع عن السي ال اس بشكل عام والسي ال اس 350 بشكل خاص ونت صدقت يوم قلت انها سيارة جدا مميزة وجذابة ... وانا توكلت علىرب العباد وان شاء الله ناويه اشتريها عن قريب والله الموفق

+++++++++++++++++++++++++++

ناقل الحركة الأوتوماتيكي 7G-TRONIC للفئة CLS 350 والفئة CLS 500

جهاز إنذار ضد السطو والسرقة

بالنسبة الى قياسات السيارة

القوة القصوى (قدرة حصانية / دورة بالدقيقة)

[/CENTER]

هذا الي بينه لي موقع المرسيدس بنز واعتقد انه راح يفيدك كثير

أخ bmw m5 المواصفات اللي ذكرتها هي لسيارة CLS 2007 ,, و ليس 2006 .!

هلا فيك اختي
احنا اخوان
بالنسبه للعرض بصراحه ماعندي فكره عنه والسموحه

مرحبا بك اخويه عاشق bmw m5 تسلم وااااايد ومشكور على مجهودك وبصراحة وضحتلي اشياء ماكنت اعرفها وانا احترت في السيارتين تبى الصدق وجربت سواقتهن بس ارتحت ل CLS 350 أكثر بصراحة يمكن لاني احب السيارة واااايد غير انها الماني وماسمعت حد اشتكى منها بخلاف سعرها الغالي طبعا وقطع غيارها ... على فكرة وكالة المرسيدس عرضت عليه اني اسوي عقد صيانة شامل للسيارة لمدة 3 سنوات بقيمة 14900 درهم طبعا يشمل السفايف والدرامات والفلتر وتبديل الآيل والسيرفيس بصراحة انا ماعندي فكرة عن هذي السوالف وهل هالعرض بيفيدني او انه مبالغ فيه ياليت لوماعليك امر تشرحلي اكثر عن هذا العقد لو عندك فكرة عنه والسموحة اخويه على الإطالة

هلا اختي
هذي مواصفات السيارة cls 350

1) نظام حقن الوقود المباشر Direct Injection و هو الاول من نوعه في محركات البنزين و هذا النظام بيطبق على فئه السته سلندر CLS350 و بيعطي أداء أفضل للمحرك بحيث بتكون قوة المحرك 292 حصان و بيكون استهلاك الوقود أقل بنسبه 10% من المحرك القديم اللى كان يستعمل ال Port Injection

2) سيتم تزويد السياره بنفس محرك ال S500 و هو معروف بقوته 388 حصان و متوقع يكون أدائه على ال CLS500 أفضل

3) سيتم اطلاق CLS63 AMG مزوده بمحرك V8 بتنفس طبيعي يولد قوه تصل ل 512 حصان

و ستصبح تقنيه PRE-SAFE® anticipatory occupant protection system and flashing brake lights تجهيز قياسي في جميع طرازات CLS Class


وهذي مواصفات GS430
تمتاز سيارة GS430 بتصميم رياضي أيروديناميكي أنيق ومحرك V8 سعة 4,3 لتر مع ناقل حركة أوتوماتيكي من 6 سرعات يؤدي لانطلاق السيارة من الصفر إلى 100 كيلومتر في الساعة في 5,6 ثانية فقط، وتشتمل الإضافات على مصابيح أمامية تتعدل ذاتياً وفقاً لظروف الإضاءة ، وزر لبدء تشغيل المحرك ، ونظام الدخول الذكي بدون مفتاح ، ونظام لكزس الملاحي الصوتي فضلاً عن نظام الإدارة الديناميكية المتكاملة للسيارة.

واتمنى لك التوفيق

ان شاء الله وياليت تخبرينا وش خذيتي ورايج فيها

مشكووووور وااااايد اخويه احمد على نصايحك وماقصرت وانا ان شاء الله بحاول استفسر اكثر عن السيارة وبصلي الإستخارة وان شاء الله خير

:)

مرحبا اختي

افه عليج بس ماغثيتيني ولا شي انا حاضر وفي الخدمه0

بخصوص الصيانه ترها عندنا غاليه انا كان عندي الشبح وكل مره اوديه للصيانه ادفع 2500 الى 3000 درهم واذا كانت
الصيانه ميجر((شامله )) مواقل من 5000درهم لان الوكيل عندنا مايرحم اذا تبين نصيحتي خلج على الياباني تره سعره
فيه انا شريت الشبح في 1997 ((36الف دينار)) 360000 درهم وبعته بعد 5سنوات في 2002 بكم تتوقعين 70000 درهم
يعني خسره 290000 درهم ولواني شاري اللكزس ما اعتقد ينزل سعره الى هاذي الدرجه 0
انا اقولج فكري اكثر من مره قبل قرار الشراء واخذي وقتج ولا تنسين تجربين سياقة السياره اللي راح تشترينه واذا
قدرتي تاجرينه كم يوم يكون افضل (( الحين كل انواع السيارات تؤجر عادي)) هاذي نصيحت مجرب والامر اولا واخير لج

[quote[COLOR=indigo]=بواحمد]مرحبا اختي[/COLOR]

واحد من الشباب عنده هل سياره يقول انها مريحته (( عنده سياره ثانيه والمرسيدس حق الويك اند بس )) بس انا انصحك
باللكزس موتر ما شاء الله عليه وخصوصا الجديد لا تستعجلين وتريي اشوي تره وايد موديلات جديده راح تنزل نصحيه
اخويه قبل ما تتخذين قرار الشراء طلبي قياده تجريبه للسياره اللي بتشترينها وبهد طلبي جدول الصيانه وشوفي
الاسعار 0
واي استفسار لايردج الا لسانج

مشكككككككككككور واااايد اخويه بواحمد على تعليقك وبصراحة انا عيبتني الليكزس GS430 بس للأسف سمعت انه مشاكلها وايد وانها تنتفض منك بعد ال 1000 كيلو وان الوكالة طالبتنهن كلهن وانه وايد ناس باعوها عقب ماشتروها بفترة قصيرة ووووايد كلام ماعرف بصراحة شو صحته ..

بالنسبة لسي ال اس هل تعرف كم ممكن تكلف صيانتها الدوريه وتغيير سفايفها وتوايرها تراها اختك غشيمة في هالسوالف :)

هل تعرف حد اشتكى من الس ال اس 350؟

اسمحلي خويه ادري اني غثيتك باسألتيه بس والله تعبت ونا اتريا من 8 شهور ومترددة اخذها ولا لا

مرحبا اختي

واحد من الشباب عنده هل سياره يقول انها مريحته (( عنده سياره ثانيه والمرسيدس حق الويك اند بس )) بس انا انصحك
باللكزس موتر ما شاء الله عليه وخصوصا الجديد لا تستعجلين وتريي اشوي تره وايد موديلات جديده راح تنزل نصحيه
اخويه قبل ما تتخذين قرار الشراء طلبي قياده تجريبه للسياره اللي بتشترينها وبهد طلبي جدول الصيانه وشوفي
الاسعار 0
واي استفسار لايردج الا لسانج