السلام عليكم
أخواني محتار هل أشتري هوند أكورد ستة سلندر فل كامل !
أم كابريس ss !؟
الهوندا ياباني ومايحتاج لكن الكابريس ما أدري عنها نفسي تعطوني المشورة وهل الكابريس ss يحفظ قيمته وهل سواقته تستاهل وصيانته بعد ؟
وشكرًااا لكم مقدمًا ...:rolleyes:
والله الكابرس عيووووب في عيوووب انا مجرب الشفر واعرفه
لكن بصراحه قطعه الاستهلاكيه رخيصه (هوبات-اقمشه-الخ الخ) لكن المشكله خراباته في اشياء المفروض ماتنخرب الا بعد فتره طويله
لكن الاكورد ماعليها كلام شغل وامشي الين كم سنه ماتحتاج تغير غير زيت وفرامل وكفرات وبس
لكن القطع اكيد عارف غاليه
بس في فرق 30الف في السعر مو قليل
من 90 الى 120 والله فرق مره كبير
أخواني شكرا لكم على الردود .... ومن خلال سؤال الناس تكونت لدي قناعة أن الإس إس مليانه مشاكل شكل ومنظر لكن بدون مخبر ....
أما الأكورد فتجمع بين الاثنين ...
ليه ماتفكر بالأفالون
سيارة تجمع مابين الاثنين
تاخذ من الأكورد مكان الصنع (اليابان) والكرف
صناعتها امريكي طال عمرك:D
بالنسبة لاخوي صاحب الاستفسار ففي السيارتين فرق واضح بالسعر (20 الف تقريبا),,
بالنسبة للصيانة فالاكورد افضل بكثير, يعني قطعه تعيش اكثر من الكابرس
بس الاكورد مافيها اي تميز ,
عن نفسي راح افضل الكابرس,,
صراحة أخوي مافيه وجه مقارنة
أكيد الكابريس أحسن
في الفخامة في السرعة في المميزات
لكن وعلى قولت الشباب
ليه ماتفكر بالأفالون
سيارة تجمع مابين الاثنين
تاخذ من الأكورد مكان الصنع (اليابان) والكرف
وتاخذ من الكابريس الفخامة والمميزات
وتضيف عليهم أنا تمسك سعرها وقطعها رخيصة
شكرًا أخي الغرقان... وأخي وعاشق ولاكن ..
فعلا الأكورد زينة لكنها غالية على اسم الأكورد ..... والكابريس ss شكل وقوة وفخامة لكن الخوف من عيوبها ...
بانتظار آراء بقية الأعضاء وأصحاب التجارب ..
بالنسبة للسيارتين انا اشوف الكابرس احسن وخاصة اس اس وبالنسبة للمحافظة على السعر فانا اشوف انه الكابرس يمسك سعره هالايام وروح المعارض وشوف انا اقصد من موديلات 2004 وفوق
وسواقته ماشاء الله في الراحة والهدوء
والصيانة هو افضل من الاكورد بمراحل بحكم انه قطع الاكورد غالية مرة
واذا بغيت الياباني مالك الا افالون جديد او لكزس اي اس 350
