عاجل لكل من سأل عن كامري V6
[COLOR=red]أولاً : الكامري ما راح تنزل بسته سلندر وهذا الأمر أصبح معروف عند الجميع..[/COLOR]
وعلى العموم الكامري راح تعرض بكره في جميع صالات تويوتا وراح تكون متوفره بكميات كبيرة ،،، وهذا الكلام على ذمه مندوب المبيعات في أحد صالات تويوتا
وقال إنه جربها على الخط وكانت راسه بشكل كبير ويقول إنك كل ما زدت سرعتك كل ما السيارة نزلت إلى جهت الأرض ،،، ويقول إنه وصل إلى سرعة 180 وكان عزل الصوت ممتاز ،،، ومدح السيارة بشكل عام.
نرجع لموضوعنا الأهم ،،، وهذا اللي أبي الجميع يشارك فيه
سألته عن مصير السته سلندر وإنه مهب معقول الكامري ما تنزل بمحرك قوي خاصه إذا قارناها بالسيارات المنافسه وإن السوق راح ينسحب منها،،،
رد علي وقال : إن الكامري بأربعه سلندر راح تلقى سوق كبير لها خاص بالمواصفات الجديدة
رجعت وسألته عن السته سلندر إلى وين مصيرها
الرجال شافني ألحيت عليه بالأسئلة وقال خذ المعلومه هذي
مع ملاحظه إن هذي المعلومه سبق سمعتها من أحد الأعضاء في مواضيع سابقه
بعد كم شهر " ما حدد يقول يمكن شهر ،، شهرين ،، ثلاثه "
راح ينزلون سياراة جديدة كلياً في السوق بمحرك قوي V6 ومواصفات فخمة وإن سعرها راح يكون في حدود المية ألف
طيب وش أسم هذي السياراة
قال : أسمها " أوريان "
رديت عليه وقلت أول مره أسمع بهذا الاسم
قال هذي السياراة تنزل من زمان بس راح يغيرون اسمها في الخليج
المهم حاولت فيه يمين يسار إني أحصل على معلومات أكثر بس الرجال قال هذا الموضوع سري للغاية والإدراة عندهم متحفظه عليه بشكل كبير ولا يبونها تتسرب للشركات المنافسه
فيا شباب وش تتوقعون تويوتا راح تنزل حتى تسحب البساط من جميع المنافسين
أنا صراحة أتمنى ينزلون السيارة اللي في هذا الرابط
مع خالص تحياتي
