ماهي عيوب مركبتك ؟؟؟ ( موضوع تبادلي )

نوع سيارتك : كامري
موديلها : 99
عيوبها الصناعية : لا يوجد ولله الحمد
عيوبها الفنية : ضعف العزل الصوتي خاصة بعد سنوات طويلة
اضافات بقدر قيمتها الفعلية : رائعة جدا
لكن عيبها الوحيد : السمعة السيئة

شكرا يابيجو على الموضوع المميز

كامري 2006

ماشتكيت من شي

بس مشكلتهااا عدم الرسااااوه

هاي المشكله الوحيده الي فيهااا

السلام عليكم روحمة الله وبركاته
يعطيك العافيه أخوي على الطرح المميز بصراحه

وبالنسبه لي ؟؟؟؟

ددسن 82
حمار مكده (( ماجبت جديد )) يسمونها أول فرخ الجمس (( ههههه )) والله اني صادق

كنت أطعس فيها وأقاوم وأداوم وكل شئ فيها وحتى مرات أكد عليها طبعاً داخل الديره

عيبها المصنعي ما فيه كمبروسوسور للمكيف يعني زينه مكان المكيف هههههههههه

وكل من شافك كسرت خاطره (( بس كنت بحفر الباطن يعني عادي ))....
................................................................................................................................
جمس 91 مكينته 454

رهيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــب

أحبه وربي بيني وبينه علاقه حب كسرت راس سيارات كثيره عليها مواصفات خليجيه

مخزن (( طبعاً عندنا من سنه 92 وفتح سنه 2000 واستلمته أحلى أستلام أجيب

من صفر إلى 100 تقريباً 6 ثواني بس ....

عيوبه أعبيه بنزين أول بـ 122 ريال وصرفيتها كل دعسه بخمس ريال وعليك الحساب

بعدها خبط القير ووضبته وبعدها خرب مره ثانيه ووضبته وباعه الوالد بثمنٍ بخس

وبكيت عليه وإلى الآن متحسف عليه ...
....................................................................................................................
كامري 2001 XL كويتيه يعني أوتو القير والمرايا
مميزاتها :
قليله صرف ... مريحه نوعاً ماء ..... نورها يفقع العين على بعد 300 كيلوا <<< هدي أعصابك بس جبار

مسجلها ما سمعت إلى اليوم أقوى منه لديجه كنت أحط أغاني في أيامها الأولى انا ما أسمع

اللي برى هم اللي يسمعون .. وإلى الآن معانا عطيتها أخوي بس الله يعين ....

....................................................................................................................................
ألتيما 2005 نص فل يعني قير أوتو بس

عيوب مصنعيه : المسجل تعبان تقوول كنوود + العكس الأيمن وغيروه الوكاله أول 10.000 صيانه

مميزات :
ماشاء الله تبارك الرحمن صرفيه البنزين تخيل أعبيها فل توصل إلى 650 كيلوا بالررررراحه

رساوه عجيبه عجيبه عزم قوي جداً مقارنه بفئتها ومرات تقارن بخارج فئتها .... الدركسون

يخليك تستمتع بالقياده بصراحه المراتب مريحه نوعاً ما واالمراتب لخلفيه أريح من الأماميه

وتقبل خالص تحياتي

السيارة : رانج روفر
الموديل : 2005
العيوب : الباب ... (( الباب مرضا ينصك وذا انصك ماينفتح وديه لوكالة وسوا فيها حركة بالمفك ولعد رجعت المشكله ))
الدريشة .... (( الي ورا على يسار خربانة ولهب راضية تفتح ولا تصك حجزت موعد لها وراح اصلحها انشاء الله ))
مميزاتها : راسية جداً ... العزل ممتاز ... العزم قوي جداً ... وقمت الفخامة ... فيها مكيف هههههه <<< والله يعطيني من خيرها ويكفيني شرها

السياره : كامري 2005
عيوب مصنعيه: الكمبروسر خربان يوم طلعته من الوكاله وتم اصلاحه على الضمان
العيوب :خراب المقصات بعد 6 اشهر بسبب التفحيط

المميزات: حمار كرف ماشي هالحين عليها 90 الف(مطلعها وكاله) وما اشتكت ابد
قطع غيارها على قولت واحد من عيال عمي تلاقيها في البقاله>>ولد عمي حاقد معه اكورد|11|

الاضافات : 3 انواع جنوط وطقم زنون وتخشيب

شاكرلكم على الموضوع

نيسان بترول 1998 جير اتوماتيك
عيوب تصنيعية: لا يوجد
عيوب السيارة: شراهة في استهلاك البترول - عزم المكينة لا تشعر به الا عند ضغط الدواسة بالكامل - الجير ما يبدل من الرابع الى الثالث الا بالقوة - صوت المكينة عالي

عزل الصوت جيد، رساوتها جيدة

مميزات اضافية:
فخامة معقولة مقارنة بمنافساتها
===========================================
ستروين 1998اكسارا 1.8
السيارة اقتصادية و رساوتها عجيبة، مريحة جداً في الخط (المسعدات لينة لكن تعطيك رساوة حلوة)
عيوب مصنعية : المصابيح الامامية ضعيفة - دفع هواء المكيف خفيف - البلاستيك الداخلي يتفطر (يتشقق - ينكسر) من اشعة الشمس
عيوب السيارة: صوت المكينة عالي في السرعات العالية، صوت انذار السرعة العالية مزعج جداً نفس البيجو بالضبط (لكن شلته الحمدلله) - بريكها فيه فضاوة - النوافذ اللي ورا ما تجي كهربائية

مميزات:
مريحة في الخطوط الطويلة، و مقودها خفيف و مريح
=================================================
لكزسES300 2003
قبيحة من برة لكن ممكن تتعود عليها (اسمها يساعد) اجمل لكزس من الداخل - هدوء عجيب، محرك وجير ممتاز
نظام الصوت عجيب، امكانية التحكم بقساوة المساعدات
عيوب مصنعية: مبدل الاقراص الداخلي يبلع اقراص و ممكن تعلق داخله
عيوب السيارة: السيارة تغوص (خشمها ينزل الارض) على اقل بريك - بريكها ضعيف مقارنة بوزنها و محركها (ما يحسسني بالثقة)

مميزات:
احلى شي ان كل شي فيها توماتيكي
=================================================
التيما 3.5 2005 (ما كملت معاي اكثر من 3 اشهر ) 10 آلاف كيلو
قوة جبارة - سعر منافس شكل جميل و رياضي
عيوب مصنعية: المكيف ما كنت اقدر افصل الكمبرسور (اسكره) - لون مواد البلاستيك الخارجية مثل مقابض الباب و الصدام الامامي و الخلفي و الجانبي لونهم يختلف شوي عن لون باقي السيارة

عيوب السيارة: مقدمة السيارة تزلق لما ادعس دواسة البنزين اكثر من الربع - صوت المحرك واضح على جميع السرعات ما عدا ونته واقف ومزعج على السرعات العالية - صوت الهوا واضح لكن صوت الشارع مش واضح - عرض الاطارات قليلة اذا اخذنا بعين الاعتبار انها سيارة رياضية - لا يتوفر فيها ABS الا في كاملة المواصفات (بجلد) لكن بريكها قوي -
المرايا الجانبية توديك في دهية (المنطقة العمياء فيها كبيرة)

لا تغركم كل هذي العيوب، هذي اشياء ما كنت اتوقع وجودها، لكن مش لدرجة انها تكون عيوب

مميزات اضافية بالنسبة للسعر 82000 درهم
275 حصان تحت رجلك
مسجل مع كاسيت و 6 سيدي
تحكم بالمسجل من المقود
مثبت سرعة
رنجات 17 انش او 16 ما اذكر بالضبط
تخشيبة
================================================
مازدا 3 1.6 2005 رقم فل ابشن بس بدون جلد
شكل خارجي رهيب و مقصورة داخلية رهيبة - عدادات حلوة و رساوة ما شاء الله عليها، البريكات هي الافضل في فئتها

عيوب مصنعية: صوت الاكسلات اول ما احرك السيارة

عيوب السيارة: المساعدات قاسية لكن تتفهم الموقف اذا شفت الرساوة - الهدوء الداخلي (الاطارات + الهوا) المرايا الجانبية توديك في دهية (المنطقة العمياء فيها كبيرة) و القريب ممكن تشوفه بعيد

لكن لها مميزات اخرى
انوار زينون تعمل تلقائياً
مساحات تعمل تلقائيا عند استشعار المطر
بريكات عسل، ABS ُ+ EBD
مكيف اتوماتيك
مسجل جيد جداً (سماعات تعطيك نقاوة حلوة)
رساوة رائعة

سيارتي بيجو 307 المكينة 2.0

موديل 2004 فل كامل اربعة سلندر


البيجو سيارة عملية و اقتصادية

سيارة راسية و ثابته بالطريق و لها ثقل

مواصفاتها جميلة و سقف بانورامي

العيوب في مشكلة واجهتني و كانت السيارة تطفي علي دائما و لا تشتغل الا باشتراك و طلع العيب من دقمة السويتشكان بها شي منكسر بسبب انها من سنة دقر المفتاح و اضطرينا نشغلها بالقوة فأنكسر السوتش من جوه بدون ما ادري و مشتني سنه بدون مشكله و الحمد لله انحلت

صوتها مرتفع قليلا و مراتبها قاسية قليلا بس متعود عليها

السيارة في نظري انها قويه و اذا دعست تعطيني اوصلها 200 بالراحة و ارجع اهدي

طبعا عيبها رحت بها عدة ورش و قالوا لي اسفين ما نصلح البيجو روح الوكالة او الصناعية القديمة


كان عندي ماكسيما 2002 على يدي بعتها بسبب عين جتني عليها لانها دائم و اقفه عند الباب و مشيها 20000 الف في سنتين يعني جديدة فكرهتها كره عظيم و اتضايق اذا ركبتها فقمت ببيعها

وشكرا لك بيجو و بس على طرح الموضوع

مشكور اخوي على الموضوع

السياره كورلا 2006

عيوب تصنيعيه لا يوجد

عيوب السياره : بعد الـ 180 انسى شي اسمه ثبات
مافيه رساوه على السرعات العاليه
صوت الهوا بعد الـ 160

فغط

السياره:: سوناتا

السياره ماشالله ماعليها كلام

بس فيها صوت المكينه في التدعيس القوي عاالي شوي

وصوت السرعه يسمعه اللي في شيكاغو >>>يسمع بشيكاغو


والسلام عليكم

السلام عليكم
سيارتي بيوك رودماستر موديل 95
السياره عمليه جدا واقتصاديه في البنزين
عيبها انها تفصل على سرعه 170
وقطع غيارها الداخليه مثل الديكورات ما تحصلها الا بتعب
وفراملها عمره الأفتراضي قصير 4 اشهر ( اقمشه الفرامل )

تشكر عزيزي على الموضوع الجميل والمفيد بحق
أحد الأخوان ذكر تماماً العيوب التي أواجهها في سيارتي الكراون فكتوريا 2003

تقبل تحياتي وأكرر شكري على فكرة الموضوع الجميلة :)

السلام عليكم

يعطيك العافية اخوي بيجو وبس على الموضوع الرائع

بالنسبة لسيارتي كراون فكتوريا 2003 .. بالنسبة لأعطالها قليلة ولله الحمد يعني ما عليها تكرف معك .

عيوبها بالنسبة لي :-
1- نورها ضعيف وهذا معروف للكراون فكتوريا
2- سماعات المسجل ضعيفة نوعا ما (مدري هي كذا والا فيها بلا اللي عندي)

بالنسبة لي بالطريق راسية ما عليها ولا فيه صوت رياح يذكر وعزمها جيد يعني من الناحية الفنية سيارة توب
يعطيك العافية اخوي على الطرح المميز

تقبل تحياتي اخوك

مشكوووووووور على طرح الموضوع أخوي بيجو وبس .........

السيارة: بيجو 307

الموديل: 2004

عيوبها : أول ما خذت السيارة في أول سنه لها طلعت فيها هذه المشاكل :

* صوت في بكرات المكينة والسيور . تم تغيرها على الضمان

* صوت في تعشيقة الجير إلى الآن موجود ومضايقني . وغيروا قطعه في الجير أكثر من مره ولا في فايدة

بس الحمد لله السيارة ماشي 64000 كم وممتازة و أروح فيها خطوط كثيره عيبها الأساسي العزم ضعيييييييف جداً


آسف على الإطاله


تحياتي


عاشق الـ GOLF

السيارة/ ميركوري قراند ماركيز
الموديل/ 1993

مميزاتها / بصارحة السيارة قمة في الراحة وقمة في العازولية
وصرفها جدا ممتاز مقارنتها بالامريكي وطبعا الحمد لله كارفها ولا عمرها خربت علي

العيوب / طبعا عيوبها ان الاذرعة من اقل حفرة تتكسر وتسمع اصوات للليل
وطبعا ماننسى اصوات الديكورات الداخلية المزعجة


وشكرا

محمد الكامري ...

لومينا 2002

عيوبها

القير والمكينه كلها خبطت وطاحت علي وسويت لها توضيب

العزل الصوتي معدووم
كثرة الخرابات يعني كل شي فيها غيرته جديد كراسي مكينه راديتر طرمبة مويه مساحات اختربوا مراوح تبريد
ومشكلتها فيها اصوات كثيره برنقات ..

والان افالون خلااص ارتحنا من كل شي ..

نوع سيارتك :مرسدس فياقرا

موديلها :2003

عيوبها الصناعية :مغيرها بالكامل

عيوبها الفنية :نادره لكن مب انا الي احددوايظا انا مالاحظت فيها عيوب

اضافات بقدر قيمتها الفعلية : شاريها مستعملع ايام 2004 مافيها ذاك الغلا ب(170) وظبطتها ب(75)
مشكووووور