سؤال خاص لأصحاب الفورد

أنـــــس @user_34305 · 15-10-2006

السلام عليكم

ياشباب أبي أستشيركم في سيارتي جراند ماركيز 2003 ...عندي أزرار تكون في الكونسول العلوي وهي 3أزرار

وهي مخصصه للبوابات الأوتوماتيكية وأظنها موجوده في سيارات فورد من موديل 2003 وفوق فياليت اذا أحد منكم

برمجها أو له خبره لايبخل علينا ياشباب

وقواكم الله....|3| |3|

bxb111 @user_24873 · 04-05-2007

باااااااااااااااارك الله فيك.....................

أنـــــس @user_34305 صاحب الموضوع · 11-03-2007

هلا فيك أخوي أبو عماد

وبالنسبة للشبح فالماركيز أفضل بمليون مرة لو فياجرا صح...

مرووووووورك شرفني..

ابوعمادالطموح @user_43766 · 11-03-2007

سيارتي فور قراند مركيز فل كامل 97 والحمدلله والشكر مرتاح بس ودي بالشبح ياجماعه ويش رايكم
وبالنسبه للسؤال الاخ العزيز جذاب انا والله ماعندي خبر في هذا وعندي ازارير كثيره والله ماادري ويش هي له

أنـــــس @user_34305 صاحب الموضوع · 08-03-2007

مشكووور أخوي على الرد..

بس إلى اليوم مامشت معي..

ياليت واحد يفصل لنا الطريقة وأكون له من الشاكرين...

تحياااااااااتي

KSA_Matrix @user_37505 · 05-03-2007

ن
نابولي89
اعتقد وبل اجزم ان هذه الميزه والازرار مصنوعه بتنسيق بين شركة فورد امريكا وكندا وشركات الابواب الاتوماتيكيه بالدولتين السابقتين وتعمل بنظام مشترك بين السياره واباب الآلي. هناك

اما هنا فلا
وتحياتي

انا اخوي معه ماركيز وعنده نفس الزر وبرمجه (بنفسه زي ماهو مكتوب بالكاتالوج) وهذا هو شغال زي الألف

والموضوع ما يبيله تنسيق شركات حتى يفتح ريموت السيارة الفلانية كراج الشركة العلانية..

السيارة جاي ريموت الكراج منها وفيها ما فيها الا انها تاخذ الشفرة من الريموت الأصلي وتستخدمها هي لفتح الكراج ..

تحياتي

نابولي89 @user_38727 · 05-03-2007

اعتقد وبل اجزم ان هذه الميزه والازرار مصنوعه بتنسيق بين شركة فورد امريكا وكندا وشركات الابواب الاتوماتيكيه بالدولتين السابقتين وتعمل بنظام مشترك بين السياره واباب الآلي. هناك

اما هنا فلا
وتحياتي

الفيلسوف الصغير @user_43397 · 04-03-2007

ياخوان انا محتاج لطريقة البرمجة عندي قراند ماركيو2000 وفيعا نفس الأزرار وباب الكراج من النوع الأمريكي رغم ان الي شريت الباب من عندة قال ان النظام مايتوافق ياليت تفيدونا وطرحها في هذا المنتدى الرائع الرائع الرائع الرائع الرائع الرائع (الكمبيوتر هنق ههههههههههه)

أنـــــس @user_34305 صاحب الموضوع · 23-10-2006

مشكووووووور أخوي سعد

المشكلة أن الكاتالوج انجليزي يعني السيارة استخدام أمريكي

لاتبخلوا علينا يا أهل الخبرة والتجربة...

سعد20 @user_26798 · 22-10-2006

انا اعرف شخصياً صديق لي قام ببرمجة الرموت اللي في الشماسة والطريقة ما أذكرها بالظبط اللي اتذكرة ان الطريقة كانت سهله .... بسيطة (راجع الكاتلوج المصحوب مع السيارة )

King Marauder @user_31160 · 20-10-2006

إذا ما نفعت طريقة الأخ روح لخبراء برمجات الكراجات أو الشركات المتخصصة وخذ معك مهندس وقول للمهندس يفك الديكور ويمكن خبراء البرمجه يرتبونك

vti-E @user_17572 · 20-10-2006

اتوقع اخوي ماتريكس ما قصر واي استفسار انا حاضر ..

KSA_Matrix @user_37505 · 20-10-2006

اخوي جذاب

الطريقة سهلة لكن ركز معي شوي

هذي صورة الازرار

1- رح للسيارة ولازم يكون معك رموت الكراج
2- اضغط الزرين اللي على الجنبين مع بعض واقعد كابس عليهم لين تولع لمبة الزر اللي بالنص
3- اذا ولع فك الزرين واضغط زر ريموت الكراج وحاول انك تقربه من الجهاز او الأفضل انك تحطه قدامه عند القزاز واضغط الزر اللي بالنص واقعد كابس لين يعطيك اشارة انه وضعك تمام

وانا بالخدمة اخوي

تقبل تحياتي

أنـــــس @user_34305 صاحب الموضوع · 20-10-2006

طيب كيف صلحتها؟؟

ياليت تفيدني واذا ماقدرت بإذن الله راح أرسل لك الكلام عن قريب...

فيصل بن محمد @user_24620 · 19-10-2006

الاخ الفاضل :mazen3003

والله اتمنى تساعدنا فلدى اخي موديل 2001 وعنده باب كراج وماقدر يبرمجها

وفي اي مدينة انت

mazen3003 @user_36430 · 18-10-2006

الطريقة موجودة وتشتغل على جميع ابواب الكراجات وطريقة برمجتها موجودة في الكاتالوج بس اللة يعينك على الترجمة وذا كنت ودك اترجمها لك ارسلي المكتوب في الكاتالوج وانا اترجمها واللي يقولك ماتركب اسمحلي اقوله راجع معلوماتك
افتح الكتالوج تبع السيارة ودور صورة الجهاز وارسلي الكتابة اليي تحتها وانا اترجمها لك
الكلام اللي اقولة متأكد منة لني صلحتها لأخوي في سيارته وصار يفتح الباب ويسكرة(بوابة البيت (الكراج))
وانا في الخدمة

just one @user_32322 · 16-10-2006

ملاحظة هذي موجودة من موديل 98

أنـــــس @user_34305 صاحب الموضوع · 16-10-2006

ألف ألف شكر كينج مارودر وفيصل سبورت...

والله مشكلة اذا مايسوونها بالسعودية.

طيب اللي بيشتري وكالة يعني الميزة هذي راحت عليه...

فيصل بن محمد @user_24620 · 16-10-2006

هذي موجوده بالماركيز والفكتوريا الاميركية الفل كامل لفتح ابواب الكراج في اميركا واحتمال تشتغل في السعوديه

كبرمجتها ولكن لا اعرف طريقتها

والله اعلم

King Marauder @user_31160 · 16-10-2006

أنا مثلك 2003 وعندي الأزرار لكن أتوقع تحتاج لمحل السيارات المخصصة للتلميع وغيره ودورلك كهربائي ممتاز عندهم متخصص لهالأمور

هذا توقعي .. والله ييسر أمرك