...:::الازيــــــــــــــرا...2007:::...نصائح واقتراحات..

ولد البراري @user_25286 · 11-11-2006

بسم الله الرحمن الرحيم

[CENTER]السلام عليكم ورحمة الله وبركاته..
كيفكم ان شاء الله بخير..

انا اليوم جايكم في موضوع اكييد مو اول واحد انا اتكلم فيه..
ومع ذلك الواحد لا يستغني عن مشورتكم وارائكم القيمه..

انا الحين جالس ادور لي على سياره..وصراحه السووق مليان
من الزين والشين وكل واحد يبي يصرف بضاعته على مايقولون..

لكن الصراحه لفت نظري سياره حسيت انها اسرتني من اول نظره..((واحد يسمع في الحب من اول نظره..هههههه))

تسألوني وشهي اقولكم بكل بساطه:
:
:
الازيرا
:
:
تحفة هيواندي
:
صراحه السياره ما عليها كلام من حيث المواصفات والفخامه والقوه والعزم والشكل
لكن ما زلنا نعاني من عقدة الكوري... وانه اقل جوده من الياباني..
صراحه ودي استخير الله واتوكل واشتريها...لكن اخاف من الكوري صراحه
لاني ماقد شريته..مع ان الناس يقولون انه تغير واجد من حيث الجوده والموصفات..

وبعدين فيه نقطه اخرى تخوفني اللي هي السعر..
[COLOR=red]الازيرا 2007 افخم نوع اللي يجي 12 ايرباق/الطبلون زينون..الخ[/COLOR]
سعره الان عند المجدوعي..97000 بعد التخفيض يوصل..94000
ماتشوفون ان السعر هذا غالي على الهيونداي...
لانه ممكن واحد يقولي تدفع حول مية الف في كوري..صاحي انت ولا مجنون..!!
و ممكن احد يقولي بها السعر تقدر تاخذ سياره جودتها اعلى من الكوري
مثل: اكورد 6 سلندرمثلاً..
بس صراحه [COLOR=red]الازيرا جذابه واااااجد اكثر من الاكورد..((طبعا انا ضربت الاكورد كمثال فقط وليس للمقارنه))[/COLOR]
ولاحد يجي يقولي زد دراهمك شوي وطق لك افالون..
لان فلوسي على قدي ولا عندي استطاعه فوق المية الف ولو ريال واحد..
وبعدين خلونا نكون واقعيين شوي عبداللطيف جميل وش شايفينا اغبياء
لما يجي يبيع الافالون علينا بــ::120000 ليه وين لاقيين فلوسنا..؟؟
الافالون سياره اكثر من رائعه لكنها غاليه وسعرها يحتاج لاعادة تقييم..

عموماً انا اسف على الاطاله..وارجو اني اسمع ارائكم واقتراحاتكم بخصوص [COLOR=red]الازيرا..وخصوصاً الاشخاص اللي امتلكوا السياره وجربوها..وشكراً[/COLOR]

[/CENTER]

حماده المصري @user_29335 · 20-11-2006

اخوي انت ما تنسى الاستخاره

وما عليك من كلام الناس وانت لو فكرت في سياره يابانيه في حدود 100000 مثلا اكورد او كامري

استحاله تكون نفس مواصفات الازيرا والازيرا اكييد افخم منهم الشي الوحيد الي ممكن تتقارن بيه هو المكايين ما راح يكون فيها فرق كبير

والكوري فعلا جوده صارت عاليه عن زمان وانا معي اكسنت 2006 ما كملت 6 شهور وماشيه 30000 كيلو وزي العسل مع اني في مصر وشوارعها ومطباتها مفيش اغبى منهم وسواقتي للسياره اغبى واغبى والسياره ما اشتكت لحد دلوقتي

دي االاكسنت...فما بالك بازيرا

ولازم متنساش الاستخاره

ولد البراري @user_25286 صاحب الموضوع · 13-11-2006

اهلين اخوي عبدالعزيز..

بالنسبه لكلامك فهو يمكن صحيح لكن للنوع الفخم العادي اللي يجي بدون زنون/بدون ذاكره المقاعد/بدون 12 ايرباق...الخ

لكن افخم افخم نووع ((اللي يجي فيه جميع المواصفاات)) واللي انا ذكرته سعره 97000 لموديل 2007 وبعد الاخذ والعطا نزل الى 94000 واذا جبت لي اقل من السعر هذا في الفتره الحاليه لموديل 2007 لك اللي تبي...

أبو عبدالعزيز @user_6640 · 12-11-2006

ياشباب السيارة لاقيها بـ 89000ريال بالمجدوعي
بس لازم توريهم العين الحمرا
ولازم يشوفون أنك جاد الشراء
والله يكتب اللي فيه الخير

ولد البراري @user_25286 صاحب الموضوع · 12-11-2006

اهلين اخوي تويونداي...
نعم انا كنت بوكالة المجدوعي في فرعهم اللي بالخبر بعد الاشاره الاولى اللي عند الراشد تمشي شوي تحصل الوكاله على يمينك...والموديل اللي كان معروض 2007 ولون الموتر عودي ومن داخل بيج صراحه شي يبكي...بس انه مش افخم افخم نووع اللي يجي طبلون ليد و12 ايرباق...الخ...اللي معروض الفخم العادي اللي جنوط 17/فتحه/جلد...الخ..

طبعاً انا سألته عن افخم نووع اللي بطبلون ليد قالي هذا بــ...97000 وبعد التخفيض يوصل 94000..سألته ليش ارتفع سعرها...؟؟ قالي السياره عليها طلب وفخمه ومواصفاات قوويه فلازم نزودها شوي بالسعر...

بالنسبه لسؤالك هل فيها شاشة ملاحه...للأسف مافيها..

ومشكور على مرورك..

تويونداي @user_27607 · 12-11-2006

اخوي ولد البراري وشلون تقول 2007؟, كنا بالوكالة البارح ولقينا 2006 وقالوا ان 2007 ستنزل بعد شهر ونصف يعني توها ما نزلت؟؟ انت متأكد انها نازلة واذا نزلت, ففي أي وكالة نزلت وهل نزل فيها شاشة ملاحة كما يزعمون والا لا!!!!

بارك الله فيك

ولد البراري @user_25286 صاحب الموضوع · 12-11-2006

اخوي...soso2004
السعر اللي تقوله هذا لاقل نوع موديل 2006 بس...
موديلات 2007 تغير السعر لانه السياره اخذت شعبيه وبدت
الناس تحبها فالوكاله قامت برفع السعر...الله كريم وش نسوي..
:
وبالنسبه لكلامك ان الكوري جيد اوكي انا متفق معاك..بس اللي ابي اعرفه هل ممكن يجلس معي من خمس الى ست سنوات زي الحلاوه اذا انا استعملت السياره بعنايه...ولا اجلس سنتين ولا ثلاث وتبدا المشاكل...

شكراً ويعطيك العافيه على تجاوبك..

GM_TAHOE @user_23867 · 11-11-2006

اخوي بنسبة لسعر الازيرا انا اللي اعرفة انها بـ 80000 ريال هذا الكلام قبل شهر
واخوي انا معي ( كوري ) سوناتا 2004 والسيارة الى الان جيدة جدا
وبتوفيق اخوي

اخوكSOSO2004

ولد البراري @user_25286 صاحب الموضوع · 11-11-2006

اهلاً بك اخي الكريم محمد..

[CENTER]صراحه كلامك جميل وواقعي ومثل ما قلت اخاف كل شوي واحد ناطلي يقولي منت بصاحي يوم تدفع 100000 في كوري...ممكن واحد يقولي ما عليك من كلام الناس..
انا اوكي ما علي لكن مع مرور الوقت راح يأثر علي هالكلام..هذا من جهه..
ومن الجهه الثانيه..والله السياره فخمه وتحس انها تستاهل..لكن برضو احس اني متخوف...

وبالنسبه للاكورد عند اخوي اكورد فل 2006/ 4 سلندر
صراحه السياره ما عليها كلام بس تنقصها بعض الاضافات الهامه
مثل: حساسات/مكيف خلفي/مقاعد مريحه غير اللي موجوده الان..
وبعدين شكلها بيتغير السنه القادمه ما فيه شك..بعدين احس اني مابلعت السياره من الاساس..((الناس اذواق))..

عموماً يعطيك العافيه وماقصرت ونتظر منك المزيد ان شاء الله.

[/CENTER]

محمد الكامري @user_3430 · 11-11-2006

اهلا بك اخي الكريم

اولا وبكل صراحة انا من الاشخاص الذين اعجبوا بهذه الماركة المرتقية وخصوصا بالمدعوه ازيرا
ولكن كما قلت انت اني استصعب ان ادفع حدود المية في كوري لعل السيارة تستحق هذا السعر
ولكن لن يرحمني الناس وكلامهم حتى لو تجاهلتهم لن يبقى وقار سيارتي في اعينهم

وهناك ايضا نقطة مهمة هي ان هونداي هي الشركة الوحيدة الكورية التي تمسك سعرها عند البيع
احياننا ولكن ليس كل هونداي فكما اظن ان الازيرا لن تكون غالية الثمن حينما ارديد بيعها
ولعل الحراجات ستكون بها من الزاهدين

اخي الكريم اعد النظر في اختياراتك

فانا ارشح لك الاكورد 4سلندر فل كامل ولا تاخذ 6 سلندر
لنكن ستكتفي بالقوة الجبارة التي تنتجها محرك الا4سلندر

وكان الله في عونك

اخوك... محمد