اللي عنده افالون 2005 او 2006 يتحذر لأن مافيها اي مكان للقلص او اي (هوك) لقطر السيارة
بالعربي السيارة ما تنقلص
امس حصل لي موقف وتسبب المطر في تعطل السيارة واتصل للونش علشان يطلع السيارة ولكن للأسف ما قدر يحصل مكان يركب فيه الونش
وكلمت الوكيل المحلي للسيارة وكلمت مدير الصيانة وقال لي انه ما يعرف وين مكان القلص
وكلمت اكثر من مسؤول في ورشة الوكيل (الفطيم للسيارات) ولكن للأسف محد قدر يفيدني
كلهم ما يعرفون من وين تقدر تقلص السيارة
وآخر شي وبعد ما ظلت السيارة في المطر سبع ساعات ونص ربطا حبل الونش بكرسي المكينة
وخذناها للوكالة وقالوا لي ان المكينة دخل فيها ماي وهذا مب تحت الضمان يعني يمكن تدفع ما لا يقل عن 15000 درهم
قولوا لي شو رايكم بهذي المعاملة اللي عاملوني فيها ؟؟
وليش انا اتحمل مسؤولية ان السيارة تظل تحت المطر كل هالوقت ويدخل الماي في المكينة بسبب هالشي وبعدين انا اتحمل هالمسؤولية ؟؟
