عزم الميركوري ضعيف

كسير القلب @user_38121 · 19-12-2006

بسم الله الرحمن الرحيم

السلام عليكم

وبعد...

انا يا طويلين العمر معي ميركوري 99 اخضر زيتي نظييف(بس شكليا)

يعني البدي وداخل السياره نظيف اما المكينه والاشياء الي جوه خليها على الله

(من برا الله الله ومن داخل يعلم الله):D

المهم المشكله الي عني اني لا بغيت احرك السياراه وهي واقفه قومتها ماهي قويه لاكن من بعد التعشيقه الثالثه تطيييير|6|

وانا ولد عمي معه نفس السياره لكن اقدم بموديل واحد بس لكن لاجيت اسوق سيارته ما يمديني احط رلي على البنزين الا وطار الموتر

اما سيارتي فيها مثل الضعف بالقومه او مثل فضاوه شوي بالريس

وفي شي ثاني انها من بعد التعشيقه الثالثه يعني لا جت بتعشق التعشيقه الرابعه تسمع صوت السير مده ثانيه او ثانيتين

ومن بعد هالصوت السياره خلاص تطير

يعني المشكله مو بالعزم حتى اني مره طلعت مع ولد عمي على الخط كل واحد بسيارته واثنينا دسنا هو اول شي قدم علي بعدين انا مريت عليه هوا

ادري اني طولت عليكم بالهدره بس يالله ساموحني على الاطاله

اتمنى تلاقو لي حل

شكرا مقدما

كسير القلب @user_38121 صاحب الموضوع · 19-12-2006

مشكور

نشوف ردود باقي الاعضاء؟؟

ثعبان فورد @user_32726 · 19-12-2006

أعمل تنظيف للبخاخات وغير أسلاك ابواجي ولاتاخذ إلا أصلي

ونظف حساس الهواء الي فوق فلتر الهواء وافحص الكويلات

وإنشاالله تنحل المشكلة وعلى فكرة الفورد في القومة ثقيل بحكم وزن السيارة