بشتري سيارة جمس دفرنسين 97 للعائلة - رأيكم الله لا يحرمنا منكم

غالي سعره

وبنسبة كيف تفرق بين السعودي والأمريكي عادة من الطبلون أن كان فيه ميل فأنحش :D وبعض الأحيان يكون فيه ميل وكيلو مع بعض هنا كيف تعرف هو سعودي ولا أمريكي

أن كان السرعات مكتوبة بالكبير ميل وبالصغير كيلومتر فهذا أمريكي أبعد عن الشر وغني له :D

أما أن كان العكس فهذا سعودي السرعات المكتوبة بالكبير كيلومتر والصغيرة ميل.

ونصيحة أخرى يعني حاول قدر المستطاع تبعد عن 2000 و 2001 مو أقولك أنها سيئة بالعكس حلوة بس ترى أخبر أن فيها عيوب مصنعية كثير يعني دور 2002 وطالع

عموما أن كنت تبيه للسفر فأنصحك تاخذ قطع 2500 |1| وها يجي نظام المساعدات الخلفية سيست يعني أفضل في التحميل (يمكن تلاحظ عليه أن يطامر على خفيف في الخط بس هو كذا السيست لأنه يستحمل أوزان ما يستحملها اليايات) ومكاين أقوى وأكبر وجنوطة تكون 8 مسامير والمكاين الكبيرة تراها ممتازة في الخط لمساقط ولا سرعة وأيضا اقتصادية في الخط.

انـا مـع الكـبتـن راعـي الـ 8100 تـرا الجموس موديـلات 2000 إلـى 2003 رخيييصه مرره مرره وتلقـاهـا ولا احلـى

أنـا لاقي 8100 كحلي من تحت فضي جلد بيج وفتح بـ 35 ألف < طبعاًُ سومتـه ولا هو يسوا اكثر لكن موديله اعتـقد 2001

ونصيحه نصيحه نصيحه مهمه جداً من أخـوك المجـرب لاتاااخذ استخدام امريكي ابد أبـد لأني انـا شـريت كـابـرس صـابونـه شكـله من برا ولا احلى منه ونظيف من برا ورزته يعني مره الموتر ملفت انتباه ويوم شريته والله العظيم كل شوي يخرب علي شي مع اني مسوي له فحص كمبيوتر لكن مافاد راعيه صار لاعب علي

ولايغرك الشكل الخارجي على ماقال من برا الله الله ومن داخل يعلم الله واذا بغيت تميز الامريكي عن السعودي رح في آخر الجمس تحت الاصطب الايسر أو الايمن من الخلف تلقى مكتوب العيسى أو الجميح طبعاًُ هذا سعودي واذا بدون شي هذا امريكي

ونصيحتي لك خذ لك سعودي وموديل 2000 بالرياض تلقاها بمعارض النسيم أو الشفا صدقني منتب تاعب وإذا بتفحص نصيييييييحه افحص بأي ورشه ونت بنفسك ولاتفحصها كمبيوتر لأنه يمكن يلعبون عليك

< مثلي

والله يوفقك ويعطيك خيرها ويكفيك شرها

تحياتي

Mr.GMC

50 الف غالي وبقوة بعد

ياخي جمس 8100 2001 ب 53 الف انا واقف عليه في المعارض لونه فضي تحت اسود ماشي 140 الف

وحاول تلقى لك من الشكل الجديد من 2000 وطالع

50 الف؟؟؟؟؟؟؟؟؟
غالي كثير على سيارة مضى عليها 10 سنوات