(((التأمين الشامل))) مقلب وأكل أموال _ شوف واحكم

أكبرأكذوبه في شركة التويوتا وهي ما تسمى بالتأمين الشامل
كيف

تأمين شامل دعاية لا نهاية لها وفي الواقع اذلال لا نهاية لها

قف أمام مكتب التأمين وانظر بعينك قبل شرائك سيارة نظام تأجير منتهي بالتمليك وترى العجب من العملاء الذين تتوقد أعينهم غيظا وغضبا لتصرفات شركة التأمين

أنا وقفت أضحك أفكرهم يستعبطون وشوي ولا قام البقس هذا يقول دافع لكم تأمين وهذا يقول ما يشملها

أنا جاي بشكوى ان سيارتي انسرقت لما شفت الوضع قلت الله يعوضك بخير
قام البقس على 100 و200 ريال


بيعطوني سيارة يعني؟


جيت عندهم قلت سيارتي انسرقت (بس سمع انسرقت قال جيب بلاغ بالسرقة ) قلت جاك الفرج

رحت الشرطه قالوا ما نعطيك البلاغولا نعطي أحد أبد

رحت للتأمين قلت رفضوا يعطوني البلاغ قالوا راجع التويوتا راجعت التويوتا قالوا والله ما نقدر نسوي شي (بالمناسبه الشهر الماضي ما دفعته) قلت هذا الي همكم

شوفوا لي حل قالوا ما نقدر نفيدك

كنت باشتكيهم لما شفت ان ما احد معطيني وجه
قريت العقد من ضمن شروطه (في حال سرقة السيره لا يحق له المطالبه بسياره أخرى ) انا انصدمت قلت الله جاب والله خد والله عليه العوض المحكمه ما راح تفيدني على شي موقع عليه الي فات اعتبره أجار السيارة

وشوي ويكلمون التويوتا يقولون عليك اقساط متأخره
قلت ما لغيتوا العقد
قالوا لازم تدفع الاقساط

قلت وفي نفسي والله ما أدفع ريال

أزعجوني تعال نتفاهم ادفع ولو حق شهر وانا سيفون

رفعوا علي دعوى بتأخر السداد 6 أشهر فاتت في المحكمه

توني جاي من المحكمه ادعوا لي انا الله يفكني منهم ...

قلت الكلام هذا عشان الواحد الي يفكر يشتري سياره حرام يدفع دم قلبه ويوقفها للحراميه عند الباب

والوطن مهتم بالمواطن ما شالله والشرطه في خدمة الشعب كل ما اروح يقولون ما دورت لها ولا طايحين تريقه في خلق الله


مختصر الكلام نصيحه لكل انسان يبي نصيحه سياره بـ 15 الف تمشيك وما تلفت انظار الحرميه كثير ولو راحت ما تتحسر كثير

اسف على التطويل والي عنده سالفه مثيله لا تحرمونا من ردودكم