بسم الله الرحمن الرحيم
هلا شباب كبف حالكم عساكم بخير
المهم بقولكم سالفه صارت لي وممكن تفسرون ليش صار هذا الشي
السالفه ومافيها اني رحت بسيارتي الجمس الدينالي 2007 يوم من الأيام طبعا قريب ماله الا يومين بهجول به بس وين موقع الهجوله
انا اقولكم رحت سلمكم الله لمنطقه كلها رمال ( نفود ) وقلت بجرب ذا الدينالي في الرمال ووالله طبيت فيها ومشيت لي تقريبا 1 كم
والسيارة ماعليها ماشيه وتغرز شوي وذا عطيتها طلعت ونا ما ادري الا وشوف ذاك التل وقول قدام انا معي دينالي |6|
ورقيته ولا همني في احد وشوي وميل بالسيارة ونا ما ادري يعني ماحسيت انها مالت ووقف وتزلق السياره على جنب
طبعا مع الرمال بتزلق اكيد ونا رحت فيها انا خايف على السيارة لا يصير فيها شي لأنها زلقت وصارت مايله ودرجت ميولها
يخوف كنها بتنقلب ونزلت من السياره الا والكفرات ماعاد اشوفها الي على الجنب وركب وقلت بطلعها بطلعها :(
وغيرت القير من ( D ) الى ( M ) يعني الى القير العادي وحطها بالأول وادوووس عليها وعقبها ما عد شفت شي من الغبار
طبعا حركتي هذي خطأ لأنها تزيت في التغريز المهم واطلع والله من السيارة وصارت لون السياره من اسود الى بني
المهم كان معي واحد وقلت له ناظر الكفرات الي تشتغل كلها ولا الي ورى بس ويقول لا بس الي ورى هي الي تدور
السؤال هناااااا ليييييييييييييييش ما اشتغل الدبل ونا قبل هذي التغريزه غرزت قبلها واشتغل الدبل وطلعت ؟؟؟؟؟
المهم ومافيه خيار الا اني اشوف لي اي وا حد يساعدني واشوف واحد معه لاند كروزر بس مدري كم مديله بس شكله من الجدد
يعني 2004 الى 2006 واناديه يساعدني يقول شوي وجايك قلت له احتريك ورجعت للسياره انتظره بس الرجال تأخر ما جاء
طبعا كانت الساعه 4 العصر المهم واطلع من السيارة واشوف وينه وليش تأخر وما ادري الا وهو مغرز الأخ قلت انا لله وانا اليه
راجعون انا وش الي جابني هنا المهم وادور واحد ثاني لعل وعسى يساعدني ولقيت واحد والله انه كفوو جاء وساعدني وطلع
السيارة بس وشي سيااارته ؟؟؟؟ ما ابي اقول ههههههههه وعقبها راح يساعد الاندكروزر بس جاء دعم لاندكروزر ثاني يساعد
الرجال وانا معهم طبعا المهم اشوف اكسبديشن 2007 جاء بيفزع ويغرز نفس طريقتي انا ما ادري وش هذا اليوم والمهم طلعنا
الاندكروزر وعقبها الأكسبدشن
وعقب ذا اليوم حرمت ادخل نفود
( بس سؤال : لأصحاب الخبره ليش ما اشتغل الدبل يوم غرزت التغريزه الثانيه ؟؟؟ والله شي يقهر )
وش رايكم بالسالفه وللمعلوميه السالفه صحيحه 100 % ولا فيها اي تخريف
انتظر ردودكم |3| |3| |3| |3|
وأكثر
