هل تغيير الزيت كل 10,000 صحي للسيارة او غلط ؟؟؟

أخوي ...
انا سيارتي هوندا أكورد 2006
أغير الزيت كل 4000 .... لأني رايح جاي في الخط يومياً و اسرع بالسيارة معدل 160
كنت استخدم موبيل 1 .... ثم غيرت إلى فوكس عشان إنه ألماني .... و التغير كل 4000
لكن ... مرة رحت شفت زيت مرسوم عليه علم ألمانيا ... شان يدور راسي و أسأله شنو هالزيت يقولي اسمه بروفي كار
و هذا سعر العلبة 25 ريال ... طبعاً الأكورد تحتاج 4 علب ... و 4 علب و نص مع الفلتر
انا قررت إني استخدم البروفي كار و هذا الزيت تمشي به السيارة 10 آلاف بدون ما يتغير
و بعض السيارات تمشي عليه 15 ألف .. انت و مشاوريك و سرعتك في الخط
لذالك انا انصحك تستخدم الموبيل إذا كنت قليل المشاوير و غير كل 4000
و إذا كنت مثلي تقطع يومياً أكثر من 100 كيلو استخدم البروفي كار و غيره عند كل 12 ألف ....
طبعاً مع البروفي كار لازم تغير مع الفلتر .....
على فكرة واحد من أصاحبي عنده ميرسيدس و كان يستخدم البروفي كار ... بس ما قالي إلا لما رويته العلبه و قلت له شنو رايك بهذا الزيت ... قالي هذا لي أنا استخدمه


إن شاء الله أفدتك

غلط عليكم المفروض انك تشوف الزيت اذا خفت لزوجتة صار زي حك الماء غير الزيت اذا باقي فية لزوجة لا تغيرة الابعد 5000 كم

عن نفسي أغير الزيت بين 7500 كم - 10000 كم حسب المشاوير ......

طبعا ً الزيت موبيل 1 100% ...........

والسيارة مرتاحة مع الزيت و أدائها حلو في الخط ................

تحياتي


عاشق الجولف

ياشباب انتبهوا من لمس زيت المكينة المحروق لانه يسبب مرض السرطان الله يكفينا واياكم شره

غيره كل 15000 وهذا الحد الادني واذا زت ما راح ياثر علي المكينه
واذا كانت اللزوجة مهمة لهذا الدرجة كان يجي مؤشر خاص للزوجة الزيت بدل لمبة الزيت
الي تحذرك ان الزيت ناقص واضح انت تعيش حالة نفسية صعبة لان السيارة جديدة وهذا طبيعي
والدليل لو ان السيارة اخذت مطب عادي راح تقول اح اح واذا اخذت مطب قوي راح تسب وتوقف السيارة
وتشيك عليها من تحت علي ظنك ان جاها كسر او شعر في ذراعها او الاذرعة او الكتف واذا كانت السيارة موقفه بالشمس
تكون في حالة قلق وما تقدر تاخذ قيلولة وودك تطلع السيارة في غرفة نومك وزي كذا
باختصار لا تقلق السيارة مصنعة لتعيش و تتحمل الاهمال والتقصير والاهتمام الزايد ما راح يجيبلك الا القلق

اخر كلام 5000 كم والله الموفق

ياحبيب قلبي زيت موبيل 1 من أفضل الزيوت الموجوده في الأسواق عندنا والدليل انه أغلى زيت موجود

واللي سمعته انا بعد يتغير كل 20000 كلم بس يستحسن تغيره كل 15000كلم وشوف كيف لزوجته!!

واللي يقول غير الزيت كل 1200 كلم هذا يبغى يستفيد فقط
انا اغير زيت كاسترول كل 5000 كلم والحمد لله الزيت مافيه اي مشاكل

اخوي راجع الدليل ...اهم شي والظاهر ان الدليل يتكلم عن زيوت تيوتا
زيوت موبيل ومن سمعت انها تقعد لحد 20الف

لكن الكلام السليم في تغيير الزيت ...اذا فقد الزيت لزوجته تغيرة علشان مايضر المكينة

اول ماتغير الزيت ارفع معيار الزيت والمسه بيدك ثم افركة بتلاحظ الاحتكاك بين اصابعك خفييف
بعد 5الف جرب مرة ثانية اذا شفت انه لزج خله الى 7,5 ثم جرب مرة ثانية وكذا اليين تعرف كم المفروض تغيره عليه

اذا كانت رجلك حااااارة على الموتر هذا يحرق الزيت بسرعه والخطوط الطويلة برضه تحرق
بس اذا كان استعمالك في المدينة ومشاويرك شوي ورجلك باردة يمكن مايحتاج تغيره بسرعة ...

اشكركم اخواني وسيتم مراجعة الدليل وبخصوص شغل المشاحم اخر مره رحت لواحد اغير الزيت وعملت نفسي اول مره اشتري سيارة قلت له كل كم اغير زيت قال كل 1200 كم بالكثير يعني قال 1000---1200 الله المستعان

تقبلوا تحياتي

راجع الكاتلوج والوكاله ادرى بسيارتهم :)

اما ابو 5 الاف،، ريح راسك وريح جيبك بعد لووووووووووووووووووووووووول شغل الحراميه اليمانيه اثر علينا

راجع دليل مالك السياره

وريح راسك