التاهو ومعناتي معه

شكر اخوي بس ممكن افهم معك ظهلات هالمشكله ولا هيه حظوظ ؟ واهم شي مصروفيه البترول كم الفل وكم يمشيك ؟
مشكور اخوي

نا عندي تاهو 2007 من بن حمودة .. أمريكي بالكامل .. ماشي للحين اكثر من 10000 كم ولله الحمد ما لقيت اي مشكلة ..

المشكلة الوحيدة هي اللي ذكرتها وهي مشكلة الهواء والريحة الخارجية في التكييف .. نسيبي ماخذ وحدة من شهر .. وداها الوكالة تشييك 2000 كم وقالهم عن المشكلة قالوا اكيد كنت فاتح الدريشة بالغلط !!

عموما هذي هي المشكلة الوحيدة وغير جي ما شفت .. والحق يقال

اذا صاحب الموضوع جاد يوثق لنا سيارته بالصور وانا راح اساعده في المشكله

مع اني متاكد انه مايعرف من التاهو الا اسمه

وعلى فكره اول واحد يذم التاهو صاحب الموضوع

لو شيكنا على الا اي بي ادرس حصلناه واحد من الاخوان الطيبين

والله حرام ..

الواحد يدفع اللي وراه وااللي قدامه وآخر شي يتفاجأ بالسيارة اللي اشتراها

ما تفرق عن القديمة والمكروفة بواجد

هذا اذا ما كانت القديمة احسن أحياناً


الى متى يا اخي بنبقى لعبة لهشركات النصابة

سيارة قيمتها فوق المية ألف فيها أنواع الأصوات والقربعة والأعطال

يا اخي ليه هاللعب على الناس .. من يعوضهم


لا والغريب بالموضوع ان اكثر هالسيارات اللي نسمع عنها بالاعطال وبسوء التصنيع

الغريب انك تشوفها منتشرة بشوارعنا أكثر من السيارات ذات الجودة

واللي تصنعها شركات تحترم نفسها وتحترم عملائها

علشان كذا والله نستاهل كل اللي قاعد يصير فينا

ولا بعد وزيادة :p

ياشباب كان حلمي جيب التاهو تدرون صارلي حوالي شهرين ادور والكل يمدح منها بس كنت محتار بين الLT سعرها بلامارات 132000 وبين الفل Z71 وسعرها 148000 الفرق بين التكييف العادي والكلايميت كونترول والسي دي والفتحه والفل احلى واكشخ بس مشكلته الجلد الكراسي نوعيته عادي، شوروا علي ياشباب اي وحده اخد وهل فعلا في مشاكل
واحد من الاخوه الغوالي خبرني في مشكله في مشكله بنظام الفلتره اقصد اذا كبست زر التكييف يبقى الهواء ضمن السياره وامامك مثلا شحن ، الرائحه كلها تدخل داخل / هالمشكله مع الكل ولا كيف، لاني رح حط دم قلبي بهالسياره انصحوني الله يرضى عليكم ومشكوريين

مثل مشكلة اليوكن xl 2007 عندنا .. إلى الآن لم يتجاوز الـ 2000 كيلو متر ، وواجهنا فيه صوت القربعة من الجهة الخلفية .. وحينما كنّا في المنطقة الجنوبية فقد تفاجأنا بتعطل نظام الفرامل بالكامل ممّا جعلني أتهور بحركة لا إرادية وأدير مفتاح السويتش إلى وضع الإطفاء .. ومن بعد هذه الحركة الآن أواجه نتعة في القير .. الله يستر . ( علما ً أن الوكيل هو التوكيلات ) .

والله ياخوى انا عند يوكن xl نوع LTS فل كامل السيارة ممتازة ومطلعها فى شهر 1 واحمد لله الان ثمانية شهور ماشية 8400 كيلو صح فية صوت مو قربعة زى الزقزقة عند باب السواق غير كذا مافى شى الحمد الله بغى العشرة تجى اودية الشركة وهم يصلحو كل شى وترى اى سيارة ماتبان عيوبها الى بعد العشرة الاف 0

تحياتى اخوك ابوحنين

هلووووووووووووووووو وين صاحب المشكلة خلنا في المجلس وانحاش عنا


طمنا ويش صار عليك لأنو بصراحه انا من الناس الي ترددت في شراء التاهو

بسبب المشكلة الي معاك لأني بصراحه بصير دافع دم قلبي فيها فا ما ابغى

تصير فيها مشاكل

ياليت تطمنا ويش صار معاك

تحياتي يا غالي

السلام عليكم ورحمة الله وبركاته

أخوي طبيعي المشكلة ما راح تكون أساسية في كل السيارات، هذي المشكلة مصنعية مثل ما قالوا الأخوان.
لذلك روح الوكيل وراجعهم وكلمهم عن المشكلة، وما أعتقد أنهم بيخلوك من دون أهتمام.
ومثل ما قال واحد من الأخوان أيضاً، عطهم كلام سنع عشان يعطوك وجه غصبن عنهم.
التاهو سيارة محترمة صراحة، رغم أن معاي إكسبديشن2007.. بس أن تكون في أخطاء مصنعية وغيره.
شيء عااادي جداً..
وبالتوفيـــق وما أنصحك تبيع موترك.. 1700 بس !!
لا تستعجـــل..!

الغريبة أن بوش وجه نصحية لجنرال موتر لكي لا تتقدم عليها تويوتا في عدد المبيعات بس شكل

القائمين على شركة جنرال موتر ما سمعت كلام رئيسها في زيادة تعمير سيارتها

لا تسلّم عقلك للناس

لولا اختلاف الاراء لبارت السلع

التاهو عملاق في كل شى من خلال تجربة |3|

وقعتونا في حيرة :eek:
كنت ناوي على التاهو |6|
لكن الآن انا في :confused:

شباب ترى انا من اشد المعجبين بسيارلت نيسان وتايوتا ثلاثة من سياراتنا نيسان وفي الديرة تيوتا ولكن لكل مشكك في جودة الجمس سوبربان او يوكن او تاهو فهذه يا اخي سيارات لا تحتاج شهادتي او شهادة واحد مادح او راتح من الستينات وهي في البلد وبعضها تشوفه إلى الآن يكررر. بالنسبة للجمس اعرف واحد سيارته حجم 2500 موديل 2003 وماشي 270000 ولا غيّر فيه شئ ولا تفكك منّه حاجة ولا عنده سيارة غيرها يعني والله كثير احيان يدق سلف ويمشي لا تحمية ولا خرابيط وماشاء الله لا عمره صخن و إلا خرب واعتقد إن 2007 ماراح يقل جودة ولكن ياخي دائما هذه ضريبة الموديل الجديد ويحصل لجميييييع السيارات حتى اللاند و الباترول (مواتري المفضله بعد الشاص)

8
88
888
8888

طبعا مش أقوى من الدينالي

ولا إيييه رأيك ياباش مهندس

انا من محبين الارمادا ومن اشد معجبيه ومن بعد ما سقته ماعاد هضمت الجمس وهو اقوى من التاهو واليوكون

ولكن لو تكلمنا عن الجودة فاليوكون والتاهو افضل بكثير من الارمادا واسأل مجرب السيارتين

السلام عليكم ورحمة الله وبركاتة
التاهو يكفي شكلة ومكينتة وشركتة وجودتة وحرارتة وصرفيتة للبنزين وانة امريكي التاهو معفن
التاهو دائما الاعفن واليوكن كمان معفنين
مالك الا ارمادا وبس والتاهو واليوكن خس
تحياتي

هذا فيه خلل فني
مو معقوله تكون كل السيارات خربانه
ولا ليش فاتحين وكاله
اي سياره فيها هالمساوئ ضروري تاخذتها الوكيل لان عليها ضمان ولا نحن بالامارات ما عندنا هالمشاكل ابدا بسيارة يوكون او تاهو..
.

واي سياره انشاءالله بنتلي لازم تطلع فيها عيوب
يعني الياباني الي ما يخترب
انا اقول روحوا الصناعيه وشوفو المعاناة الحقيقية هناك
بتشوفون من الاحسن
الياباني ولا الامريكي

نعم من الأفضل ان نعرف الوكالات الي اشتكو منها الأخوان وانا اعتقد ان احدها العيسى

نود ان نعرف الشخص الثاني المشتكي اية وكاله بالتحديد وهل هي مشكلة وكاله أم ام مشاكل

من المصنع نفسه ؟؟؟