لكزسES350 - هيونداي أزيرا تقريبا نفس المواصفات

يعطيك العافيه يا أبو عبدالعزيز

شباب لاتنسون الفرق بين أنظمة التعليق بين السيارتين
فنظام التعليق باللكزس ES هو من طراز مارك لفينسون وهو نظام إدخل عليه تعديلات ليتناسب مع حجم السيارة ((وهو نظام قديم مستخدم في الكامري موديل 93 والأفالون كذلك من قديم))
أما نظام الهيونداي أزيرا هو دبل ووشبن وهو نظام متطور وغاية بالتطور يستخدم في أغلب السيارات الفارهة والرياضية منها ((اللكزس LS460-BMW-AUDI)) لما يعطي من ثبات وراحة تفوق بها النظام المستخدم في الES

وهذا مثال واحد من عديد من أمثلة التفوق التقني للأزيرا

أبو عبدالعزيز

الأزيرا ممتازة ومو عيب لو كانت كورية أو صينية المهم انها قوية وقطعها متوفرة وقيمة اعادة البيع تعتمد على نظرة المستهلك نفسه

بس الفرق كبير بينها وبين اللكزس من ناحية العازلية والراحة مع ان الأزيرا ممتازة بسب تظل الراحة درجات

لكن كجودة ما اظن فيه مشكلة عند هيونداي مع ان اللكزس افضل بس جودة الأزيرا تظل ممتازة وتستحق الشراء ومافيه شي يستحق القلق

فالموضوع راجع لنفس المستهلك اذا يبي يوفر فلوس يآخذ أزيرا واذا يبي يشتري اسم ماركة وفخامة أعلى وعازلية عالية يآخذ اللكزس

متأكد؟؟؟؟؟؟؟؟

لانه مكتوب عليها JBL زي السستم حق الأفالون

8
8
8
8

صراحة هالصورة خلتني اغير نظرتي في ازيرا

داخليتها روعة والله كنت احسبها لكزس

ياليت حد يحط لنا كامل مواصفاتها وصور لها

السلام عليكم :cool:
بالنسبه لشاشة الازيرا تجي شد بلد من المصنع من كوريا وهى من صناعه شركة LG العالميه وهي من اوائل الشركات في صناعة الشاشات LCD في العالم . والشاشه متوفره عند جميع وكلاء هيونداي في السعوديه وهم المجدوعي في الشرقيه. والوعلان في الوسطى . والناغي في الغربيه . وبالنسبه للجوده انتهى الكلام عن جودة هيونداي وجوائز الجوده العالميه من JD POWER اعلى هيئة تصنيف للجوده في امريكا دليل على جودة سياراتها . وهذا الرابط للاطلاع وهو لحصول ازيرا على درع الجوده
http://www.hyundaiusa.com/vehicle/azera/azera.aspx

رأيي إذا بيتمشه في الأسواق ياخذ لكزس ذهبي ويخمطه بلوحه (أ س د 888)
وإذا يباها مركب ياخذ أزيرة (ش ح ط 969)

---------------------------------------------------
تعليقي للفرفشة فقط

السيارة عندي فل اوبشن بدون شاشة الملاحة

السيارة رووووووووووووووووووووعة

اتعب و انا اتكلم عنها و عن فخامتها و الرساوة في الخطوط

و لد خالتي ساقها و رحت معه البحرين و على الجسر يمشي 200 بدون ما ينتبه و بعد ما قلته انه مسرع قال لي سيارتك شي

تسرع و ما تحس انك تسرع

مع العلم ان ولد خالتي عنده كابرس اس اس 2004

و يقول انه في سيارتي يفقد حواسه الخمس لانه ما يحس بشي فيها من نعومتها

على فكرة سيارتي ماشية 23000

و الديكور ثابت و قوي لدرجة ماراح تتصورها من سيارة كورية

انا ما اقارن الازيرا باللكزس لان العين ماتعلى عن الحاجب

و لكن الى الان الازيرا من نزلت في 2006 و ماعليها مشاكل مصنعية مثل سيارات بو جميل

و سوف تثيت السنوات ان الكوري جاي بقوة

حتى الآن ليس هناك من أجاب عن سؤال الاخ الكريم .. و رغم أني لم أجرب السيارة إلا أني أنصحه أن يتوكل (بعد الاستخارة طبعا) و يشتري الازيرا .... ولا يهمك من اللي يقول "كوري" لأن الكوري أثبت تطوره في السنوات الأخيرة ... والحقيقة حتى أنا أفكر بالسيارة بسبب الشاشة و نظام الملاحة المتطور مع الكاميرا الخلفية.

و ترا البعد عن الاقساط بحد ذاته نعمة :)

حياكم الله أخواني

جزاكم الله خير على الردود

أنا عن نفسي وقفت على الأزيرا واللكزس الـ Es
وأنا من الناس من عشاق اللكزس

بس فكرت إني أنا أطلع مع صاحبي إذا طلع ازيرا أبيع سيارتي من نوع كامري
وأطلع معه لأنها في متناول كل يد على الرغم من مواصفاتها

طبعا لو قلت للشباب ايش تختارون افالون ولا أزيرا ممكن تلقى ناس تقول ازيرا وناس
افالون
لكن لو قلت ازيرا او لكزس بيقولون لكزس

طبعا انا ما لقيت في الأزيرا عيوب الا عيب واحد فقط الي سعرها بعد الاستخدام يطيح

بس اتوقع إنه في يوم من الأيام راح تكون هيونداي الأكثر مبيعا في الشرق الأوسط
لانه اسعارها معقولة أكثر من غيرها

صاحبي كل ماسأل واحد قالوا خذ لكزس وخلك من الأزيرا الكوري

المشكلة مانعرف شخص يمتلك أزيرا إلا أهل المنتدى الله يجزاهم خير

بس انا وجهت نظري لخويي إذا السيارتين قريبة في المواصفات خذ الأزيرا
إذا كانت الأزيرا سيارة خدومة تتحمل كرف بدون مشاكل ولا هربدة
ولا أصوات تخرج من الديكور بعد الخدمة

الا لو الاسعار متقاربة أكيد اللكزس
خاصة إنه اللكزس تعتبر من اقل السيارات خرابا في العالم حسب آراء الصحف
تبون دليل روح ورش اسيارات وماتلقون لكزس الا قليل جدا جدا

هل الأزيرا مثلها أولا؟؟؟
طبعا الإجابة عند أصحاب الأزيرا مدري وينهم
وين أصحاب الأزيرا ااااااااااااااااااا


ننتظرهم

أخوكم بندر

بصراحه الازيرا اختيار ممتاز جدا لمن يعشق الفخامه ...

لكن ياعزيزي الفامه ليست كل شي بلسياره ...

فهناك نوعية الركوب وجودة المواد والتقنية الموجوده في المحرك وطريقة التشغيل كلها تصب في مصلحة اللكزس

لكن هذا لايمنع من ان نقول ان الازيرا اختيار ممتاز ... والسيارات الكوريه بدأت بكسب ثقة شريحة كبيره جدا من المستهلكين

وتسلم يلغالي على طرحك

لي عودة للدفاع عن الأزيرا
والتي تتفوق على اللكزس ES350 من حيث بعض التقنيات منها وأهمها نظام التعليق المتطور
والله أنكم مستحقرين الأزيرا كثييييييير ، ورافعين من شأن اللكزس كثيييييييييير على أيش؟؟؟؟؟؟؟؟وخصوصا ES
أبو عبدالعزيز

تسلمون شباب على الردود

طبعا أنا ما أقارن اللكزس ES 350 بال أزيرا وأصلا ماكتبت الموضوع من أجل المقارنة
لأنه ايش جاب هيونداي للكزس

أنا أبي أعرف هل الأزيرا مع فترة من الزمن تهربد تكثرخراباتها يندم واحد إنه طلعها

إلا لو عنده إمكانية مراح يفكر في الأزيرا على طول بياخذ لكزس بدون تردد
بس هو على حسب الإمكانية يعني يقدر يطلع الأزيرا على طول لكن اللكزس يبي يطول حتى يجيبها
أو ياخذها أقساط

طبعا نصحته ياخذ أفالون بس قال مواصفاتها قليلة بالنسبة للأزيرا واللكزس
أتمنى لو الأفالون تنزل بمواصفات أكثر

طبعا الرجال يبي سيارة فيها مواصفات كثيرة فخمةوقوة وتقنيات وسيارة للزمن يعني ما تهربد
طبعا هو ذاق الأقساط وتوب يطلع سيارة أقساط

فهل يا شباب الأزيرا مثل ماقلت سيارة عملية يعني مايبتلش فيها بعدين ويندم أبي واحد يملك أزيرا
ويعطينا الزبدة

وتسلمون على أراؤكم
أخوكم بندر

بأمكاني اعبي لك صفحه كامله عن مواصفات الازيرا فقط

سياره رائعه بكل ماتعنيه الكلمه .. واعتماديه وماخذه جوائز من جي دي باور

بس مستحيل مستحيل مستحيل تقارنها باللكزس .. واولها الجوده

جودة هيونداي تغيرت في السنوات الاخيره ... وانا من الناس اللي اثق في هيونداي ومجربها وعندي سوناتا 2002 وماشيه 240 الف وللحين السياره تمام والحمدلله

بس مع اللكزس لا اسمح لي

جودة المواد الداخليه في اللكزس افضل

وحتى لو تشابهة المواصفات بتكون في اللكزس افضل .. مثلا كل السيارتين فيها ساوند سستم الازيرا (انفنتي) اللكزس(مارك ليفنسون) .. ومعروف ان مارك ليفنسون افضل من انفنتي في السستم ... وقيس على كذا في المواصفات الثانيه

بأختصار

خويك اذا يقدر ياخذ لكزس .. قول له لا تفوته ويكفي انها لكزس

واذا كان يبي يوفر وعاجبته الازيرا .. يتوكل على الله والسياره ماعليها كلام

حــــــــرام تقارن الأزيرا باللكزس ..

مهما جمعت الأزيرا من مميزات ومواصفات ماراح توصل لربع اللكزس ..
وإلي يقهر أكثر إن الأزيرا سعرهاااا فوق المئه ألف وبينما كانت في السابق يمكن ماتوصل للمبلغ هذا ..
ولا أعتقد أي شخص في كامل قواه العقلية يفكر يحط مبلغ زي كذا في هونداي ..
صحيح إن الهونداي في الآونه الأخيرة تقدمت وتطورت وصارت أفضل بكثير من السابق ..
بس مهما كان لاتقارن بالياباني ..
ومع إحترامي لعشاق الهونداي وبالخصوص الأزيرا ..
مافي مقارنة نهائيا بينها وبين اللكزس ..

وإذا على صاحبك إلي محتار وناوي يشتري سيارة فيه مثل يقال: (( مد رجولك على قد لحافك ))
ياخذ السيارة المناسبة له ولقدراته وإمكانياته المتاحة ..
بس مايقارن الأزيرا باللكزس..






تحيـــــــــــاتي|3|