اصحاب النخوة -أرجو المساعدة العاجلة

حياك الله اخوي الصراحة انا مش من رواد السكراب ههههه
لان دخول الصناعيه صار يزهق وانت سيد العارفين من الشوارع و تحويلاتها
اشترط على من تشتري من عنده لو كان فيه عيب ترجعه لان بيكون غالي
في الوكاله اغلى واعتقد اكثر من 5000 ريال طبعا قطعه منه بس لو تتاكد يكون احسن

حتى السكراب يعطيك ضمان بس لمده بسيطه تتفاهم معاه على المده على الاقل تركب القطعه و تجربها كم يوم
اذا يعطيك بدون ضمان نصيحة لاتشتري لان السيارة مستعمله ماتضمن خراب شكمانها
ممكن تفضي الدبه و لكن السيارة ماتعود مثل ماكانت يعني مثلي
صوت عالي وبعض العلل مازالت موجوده

بس ماعندي كراج معين يمكن كراج القاسم او غيره
انت اول شي حدد العطل وتاكد منه ان شاء الله يصير خير

تسلم أخوي على الرد ...وعساي ما ثقلت عليك بالاستفسارات.
وأنا بمشي على رأيك ...وعلى الله الأستعانه.
لأنني تذكرت إني قبل فترة فعلا طحت في مطب والله لا يوريك من المطبات المحسوبة ..وكانت الضربة جهة اليمين الأمامية .
بس إستفسار أخير لو طلع فعلا شكمان التلوث مضروب هل المستعل يمشي الحال , وكم تقريبا سعره , وبعد بثقل عليك إذا كنت تدري في أي كراج أقدر أحصل قطع البي أم ؟ لأنني بصراحة مش من رواد السكراب .

وتسلم .وما قصرت يا طويل العمر

لا الله يسلمك الكرن شفت قيمته ماتقل عن 4000 ريال ولا له دعوه في الي ذكرته و بحسب معلوماتي البسيطه
ان الخل كما قلت لك من قبل وهو الشكامين عندك مضروبه من مطبات الدوحة
هههه

افحصها عن بنشري عادي بنظر اذا شفتها مطعوجة او لا بتعرف وخل يهز لك
الشكمان يمكن تسمع صوت خرخشة وهو صوت الاسبيستوس التلوث
متكسر عندك
و الوكاله يمكن ماجا على بالهم هذا الشي ولكن انا من واقع تجربه اتكلم معاك

المكان الي انت قلت لي عنه والله ما اعرفه بس روح مغسلة التيسير طريق سلوى عندهم متخصص مرسيدس وبي ام
يمكن يفيدك على الاقل يكشف لك المصيبة ويحددها ايش هي وبعدها تصلح عنده او لا هذا شي راجع لك بس معرفة الشي وتحديدة اكيد مهم
حياك الله

حياك الله ...وتسلم على الرد ،
بالنسبة للقطعة أخوي أنا شفت القطعة القديمة وهي عبارة عن (سينسر) مع واير ويتثبت من الطرفين وأحد الاطراف فيه برغي ...وهذا السعر مب حق القطعة فقط ، هذا مع الأجرة لأنني ركبتها في الوكالة .

وأنا الحين والله محتار أروح لأي كراج خارج الوكالة ؟
إذا الوكالة ماعرفت المشكلة مين راح يعرف ؟
انا سمعت عن كراج اوتو سبورت (شارع 24) ما أدري إيش رأيك فيه ؟
أو ما عليك أمر إذا كنت تعرف كراج ممتاز؟
لأنه كما تعرف البي ام ما تقدر تخلي أي كراج يتعبث بها .

وسلامتك