المرسيدس الموديلات القديمه تحتلف من حجم لحجم ثاني
اذا كانت من فئة الثمانيه سلندر و كانت من موديلات 89 و تحت فكل اللي عليك تسويه هو انك تغير المروحه الكبيره الوحده و تستبدلها بمروحتين صغار ... و طبعا ما تقدر تغيرها الا لازم تغير معها رد يتر المكيف عشان القواعد اللي تتركب عليها المراوح تختلف من نظام المروحه الكبيره الوحده عن نظام المروحتين الصغار ... طبعا هذا اذا بفرض ان نظام التبريد سليم و ما فيه أي مشكله في الرديتر أو في الثرموستات
السبب في ان الروحتين الصغار تبرد أكثر من المروحه الكبيره الوحده هو انه المروحتين الصغار تغطي مساحه أكبر من الرديتر و رديتر المكيف بعكس المروحه الكبيره اللي ما تغطي الا نصف الرديتر و النصف الثاني لا يبرد نهائيا ... و حتى تلاحظ لو مشيت بالسياره على خط بتلقى الحرار نزلت لحد 80 و السبب ان تيار هواء قوي مع السرعه هو اللي بيقوم بالتبريد ... بينما اذا كنت واقف عند اشاره أو غيرها بتلاحظ ان الحراره ترتفع لحد ال 90 و فوقها شوي لان المروحه الواحده ما تغطي مساحه كبيره مثل ما قلت لك و لكن اذا كان النظام مروحتين فسواء واقف أو ماشي الحراره معتدله جدا
و على العموم المرسيدس أبو مروحه وحده عطه الى 100 و لا يجيه أي شئ
بالنسبه لفئة السته سلندر انا ما خبرت أحد يقول شئ في حرارتها
بالنسبه للفياقرا فاذا كانت حرارتها ترتفع ففيه مشكله لان الفياقرا ما فيها الا مروحه الكترونيه وحده و بسرعات متعدده ((حتى ما فيها مروحه مع المكينه)) سواء كنت على خط أو واقف أو في أي وضعيه فالحراره المفروض تكون على النصف الا في حالة وحده و هي اذا قمت تدعس على السياره و المكيف شغال بتلاحظ ان الحراره تزيد عن النصف بشي بسيط و هذا بعد طبيعي جدا
عموما أكثر السيارات اللي تستعملونها سواء كانت BMW أو نيسان أو فورد ... حرارتها ترتفع فوق النصف و بكثير و توصل لل 90 و ال 95 و لكن ما يبان من المؤشر أبد لان المؤشر مثبت على النصف و لا يرتفع الا اذا وصلت درجه الحراره لحد الخطر
يعني مؤشر الحراره ما يعطي درجة الحراره الحقيقيه للسياره ... و اللي يبي يتأكد من هذا يجرب أي سياره فيها مقياس حراره عادي و الكتروني في نفس الوقت و يشوف و يتأكد
بالنسبة لحرارة البي ام دبليو
أولاً : حركة تبديل الرديتر من رصة لرصتين او من رصتين لاربعة رصات وتنقص الحرارة مثلاً من النص للربع لسبب واحد بس.....اصلاً السيارة ماترتفع حرارتها للنص عبث او بسبب الجو..السيارة فيها بلف يحبس ماء الرديتر عن المكينة الين توصل حرارة السيارة للنص وبعدين يفتح الماء على المكينة بحيث انه يثبت حرارة السيارة على النص (حفاظاً على درجة حرارة الزيت) ومهما سويت ركبت للسيارة رديتر 4 رصات او ماركبت....والله ياشيخ لو تدخل السيارة داخل مسبح حرارتها ماراح تنقص عن النص اذا كان بلف المكينة موجود
الشي الوحيد الي ممكن الواحد يتفنن فيه هو نظام المراوح
وفيه طريقتين لمراوح التبريد
الطريقة الأولى كنا مسوينها زمان : كان عند صديقي كرسيدا قراندي امريكية طبعاً غيرنا الرديتر وبلف الحرارة وركبنا لها نظام سعودي .. ولكن زيادة بدلع السيارة قلبنا نظام المراوح 180% وشلنا مروحة المكينة الاساسية (الدفع) وركبنا بدالها مراوح كامري (شفط) صارت السيارة زي العسل
الطريقة الثانية تبديل مروحة التبريد الامامية...وكل سيارة لها مقاسات مختلفة عن غيرها والترهيم سهل مو صعب
وبالنسبة للبي ام من موديل 2000 الى 1995 مثل سيارة خوينا صاحب الموضوع ولاحظوا ان الكلام هذا ينطبق على البي ام بس.....
اذا كانت البي ام وارد المانيا (مواصفات المانية) اول شي (اذا كان جيبك عامر) تركب رديتر بي ام سعودي الي يسمونه رديتر خشن وتفك الناعم الي بالسيارة وتركبه بداله....الشي الثاني تشيك على تماتيك المروحة حقة المكينة....مروحة التبريد الامامية دايم تخرب وتراها مهمة وخصوصاً لتبريد المكيف...واذا تبي بديل عن المروحة الامامية الغثيثة الي دايم تخرب وقيمتها من التشليح 600 ريال ترا البديل موجود
البديل هو مروحة مرسدس موديل 89 حجم 500...مروحة كبيرة ونفس المقاس وقوية من جد وفيه ناس مركبينها ومرتاحين عليها وقيمتها جديدة 200 ريال بس
الرديتر الخشن ترا مو لازم...انا شخصياً تارك الرديتر الناعم بسيارتي وماغيرته
ملاحظة هامة : لاحد يتفلسف عليكم ويقولكم بدل الرديتر من رصتين لثلاثة الا بحالة وحدة..اذا كانت سيارتك مستوردة وشبيهات سيارتك المواصفات المحلية ثلاث رصات وانت سيارتك رصتين بناء على اجوائهم هناك...بالحالة هذي بدل الرديتر غير كذا لااااااااا......لانه اذا ركبت على السيارة رديتر اكبر من الاساسي كذا تنفجر عليك طرمبة الماء مع الوقت لانه ضغط الماء عليها يصير عالي وخصوصاً اذا انحبس الماء وانفك مع بلف الحرارة.تراها قوية|3|
