أولاً أشكر الله على وجود ناس مثلكم تحب الخير والمساعدة
ثم اشكركم على التفاعل السريع
لكن اللي طرح فكرة التاهو واليوكن ما اعتقد انهم بيعمرون معي وانا صراحة مالي خلق خرابات وبعدين التاهو واليوكن تصميم عائلي وانا ابي شي شبابي وقوي
أخوي الخل الوفي ياخي انت تعجبني انسان فاهم :)
لكن لو انت عرضت عليك هالثلاث سيارات وش بتختار بكل أمانة؟؟ ولو فيه خيارات اخرى وش بتاخذ غير هالثلاثة؟؟
وصرفية البنزين ماتهمني <<< مسوي كاش :):):)
والله سؤالك محير، لأن كل السيارات الثلاث من الأشياء إللي أفكر فيها. لكن، عشان أجاوبك لابد يكون جواب مشروط.
إذا ما عندي أي سيارة عائلية، ممكن آخذ الباترول لأنه عائلي بالإضافة إلى إمكاناته.
لكن إذا عندي سيارة عائلية وأبغى سيارة أتونس بها، آخذ همر H3 قير عايدي فئة الأوفرود مواصفات أساسية (يعني لا جلد ولا نظام ملاحة ولا شيء) موديل 2007 (مكينته أقوى، 3.7 لتر 240 حصان).
أما لو كنت مدير شركة وأبغى سيارة تناسب منصبي، وعندي سيارة متوفرة للتسلية، آخذ طوارق ثمان سلندر مع معدات البر الاختيارية، كنظام التعليق الهيدروليك والدف لوك الخلفي.
أما لو أبغى أطلع من هذي الخيارات، يعتمد على العوامل التالية: 1. هل تبغى فخامة؟ 2. هل تبغى كفاءة بر وما تهمك الفخامة؟ 3. هل تبغى حمولة بشرية؟ والعجيب إنك اخترت ثلاث سيارات كل واحدة تحقق أحد هذه العوامل.
1. إذا همك الفخامة ومستعد تدفع، الخيارات البديلة للطوارق هي: رينج روفر الكبير، وهي من أفضل الجيوب على وجه الأرض وأفضل من الطوارق، بالإضافة إلى أنها من أفخمها أيضاً. مرسيدس ML، مع إنها أقل كفاءة في البر من الطوارق لكنها متناهية الفخامة. الجيب جراند شيروكي، وهو أقلهم فخامة، لكنه أفضل من المرسيدس ML في البر.
2. إذا همك كفاءة وما تهمك الفخامة، عندك التويوتا إف جي كروزر خيار رائع، أو الفورتشنر ست سلندر جبار في البر. النيسان إكستيرا، وهو مثل الإف جي كروزر، وكلاهما غير متوفرين من الوكيل في الخليج. وكل السيارات الثلاث تتميز بالاستهلاك المعقول للوقود وقوة المكينة أفضل بمراحل من الهمر H3. أيضا من الخيارات الجيب رانجلر، خيار قوي جداً ويتميز بالمحاور الصلبة في الأمام والخلف على حد سواء مع توفر دبل ثقيل 4:1 مثل الهمر H3 أي يعطي أربع أضعاف العزم.
3. الفورتشنر أيضاً توفي بالعامل الثالث، وهي الحمولة البشرية. وتتوفر لها إكسسوارات بر ممتازة. اللاند كروزر، لكنه ما يعجبني كثير بسبب المبالغة الشديدة في سعره واستهلاكه الشديد للوقود. الجيب كوماندور رائع.
والسيارات التي تجمع بين الثلاث كلها هي:
- المرسيدس فئة GL الجديد، وهو جبار في البر، عائلي، وفخم جداً، فهو يجمع بين جميع العوامل الثلاث. ويتوفر مع دف لوك خلفي كصفة أساسية، ونظام هيدروليك وخلوص أرضي ممتاز.
- لاند روفر LR3 وهو خرافي في البر وحاز على الكثير من الجوائز في إمكانيات صعود الجبال والمشي على الرمال، وجيب لا يعلى عليه. ويجمع بين العائلية والفخامة والقوة والكفاءة.
أنا ما ذكرت السيارات إللي تكون قوية جداً في البر لكن ما أحبها، مثل الربع والشاص، لأن راحة الركوب تهمني جداً.
